မုံရွာမြို့ပေါ် ဘုရားကြီးရပ်ကွက်ရှိ သီရိရတနာ ဈေးဟောင်းတွင် ဒီဇင်ဘာ ၂၉ ရက် ည ၁၁ နာရီ ၃၅ မိနစ်ခန့်က မီးလောင်မှုဖြစ်ပွားခဲ့ကြောင်း သိရသည်။
ဖြစ်စဉ်မှာ အဆိုပါဈေးရှိ ဆိုင်ခန်း ၇၂ ခန်းပါဝင်သည့် (၉၆x၄၈)ပေ သွပ်မိုး၊ အုတ်ခင်း အကာမပါဈေးရုံ မီးလောင်မှုဖြစ်ပွားခဲ့ရာ အုပ်ချုပ်မှု ယာဉ်များ၊ ဌာနေမီးသတ်ယာဉ်များ၊ မြို့ပေါ်ရပ်ကွက်များနှင့် မြို့နယ် အတွင်းမှ မီးသတ်ယာဉ်များ စုစုပေါင်း မီးငြှိမ်းသတ်ယာဉ် ၁၅ စီး၊ ရေသယ် ယာဉ်ခုနစ်စီး၊ သန္ဓေမီးသတ်တပ်ဖွဲ့ဝင် ၃၃ ဦး၊ သီးသန့်မီးသတ်တပ်ဖွဲ့ဝင် ၁ဝ ဦး၊ အရန်မီးသတ်တပ်ဖွဲ့ဝင် ၇ဝ၊ ရဲတပ်ဖွဲ့ဝင်များ၊ စည်ပင်သာယာရေး ကော်မတီဝင်များ၊ ရပ်ကွက်နေပြည်သူများ၊ ဈေးသူ ဈေးသားများ ဝိုင်းဝန်း ငြှိမ်းသတ်ကြရာ ည ၁၂ နာရီ ၁၂ မိနစ်ခန့်တွင် မီးထိန်းနိုင်ခဲ့ကြောင်း၊ မီးလောင်မှုကြောင့် လူနှင့် တိရစ္ဆာန်များ ထိခိုက်ဒဏ်ရာရရှိမှုမရှိကြောင်း နှင့် မီးစတင်လောင်ကျွမ်းရသည့် အကြောင်းရင်းကို ဆက်လက်စုံစမ်း စစ်ဆေးလျက်ရှိကြောင်း သိရသည်။
မီးလောင်မှုကြောင့် ကုန်စုံဆိုင် ရှစ်ခန်း၊ စက်ချုပ်ဆိုင်ခြောက်ခန်း၊ ငှက်ပျောဆိုင်တစ်ခန်း၊ ကွမ်းပစ္စည်း ဆိုင်သုံးခန်း၊ အခန်းလွတ် ၃၈ ခန်း စုစုပေါင်း ဈေးဆိုင်ခန်း ၅၆ ခန်း မီးလောင်ဆုံးရှုံးခဲ့ကြောင်း သိရသည်။
ဖြစ်စဉ်နှင့်ပတ်သက်၍ တိုင်းဒေသကြီး လုံခြုံရေးနှင့်နယ်စပ်ရေးရာ ဝန်ကြီး ဗိုလ်မှူးကြီးကျော်သန့်နိုင်၊ တိုင်းဒေသကြီးရဲတပ်ဖွဲ့မှူး ရဲမှူးကြီး နေထွန်း၊ တိုင်းဒေသကြီးမီးသတ်ဦးစီး ဌာနမှူး ဦးမင်းစမ်းအေး၊ ခရိုင်စီ/ခန့် ဥက္ကဋ္ဌ ဦးစောထွန်းဝင်းနှင့် တာဝန်ရှိ သူများက အနီးကပ်ကြီးကြပ် စုံစမ်း ဆောင်ရွက်လျက်ရှိကြောင်း သိရသည်။
ဖိုးချမ်း(မုံရွာ)
No comments:
Post a Comment