ပထမဆုံးအကြိမ် တစ်ကိုယ်တော်ဖျော်ဖြေပွဲပြုလုပ်မည့်f(x)

တောင်ကိုရီးယားအမျိုးသမီးပေါ့ပ်တေးဂီတအဖွဲ့တစ်ဖွဲ့ဖြစ်သည့်f(x)၏ တစ်ကိုယ်တော် ဖျော်ဖြေရေးအစီအစဉ်ကို ၂ဝ၁၆ ခုနှစ်အတွင်း ပထမဦးဆုံးအကြိမ်ပြုလုပ်သွားမည်ဖြစ်သည်။

အဆိုပါတေးဂီတအဖွဲ့၏ ဖျော်ဖြေပွဲကိုလာမည့်၂ဝ၁၆ခုနှစ်တွင် တောင်ကိုရီးယားနိုင်ငံ က လက်ခံကျင်းပသွားမည့် အိုလံပစ်ပွဲစဉ်အတွင်း ဇန်နဝါရီ ၃ဝနှင့် ၃၁ရက်များတွင် ဆိုးလ်ရှိ အိုလံပစ်ပန်းခြံ အိုလံပစ်ခန်းမတွင် ကျင်းပသွားမည်ဖြစ်ကြောင်း အဖွဲ့၏အေဂျင်စီဖြစ်သောSM Entertainment က အောက်တိုဘာ ၂၈ရက်တွင် ထုတ်ဖော်ပြောကြားခဲ့သည်။

f(x)အဖွဲ့သည် အဖွဲ့ဝင်လေးဦးပါဝင်သည့် အမျိုးသမီးပေါ့ပ်တေးဂီတအဖွဲ့တစ်ဖွဲ့ဖြစ်ကာ ၂ဝဝ၉ခုနှစ်တွင် စတင်ဖွဲ့စည်းခဲ့သည်။ အဖွဲ့၏တေးအယ်လ်ဘမ်ပေါင်းလေးခု ထွက်ရှိပြီး ဖြစ်ကာ မကြာသေးမီကထုတ်လွှင့်ခဲ့သော f(x)၏စတုတ္ထမြောက်စတီရီယိုတေးအယ်လ်ဘမ် “4 Walls”သည် နိုင်ငံအတွင်းရှိ ဒစ်ဂျစ်တယ်တေးဂီတဝက်ဘ်ဆိုက်အများစုတွင် ထိပ်ဆုံးမှ ရပ်တည်နေခဲ့သည်။

အေးပြည့် - စုစည်းသည်