တောင်ကိုရီးယားအမျိုးသားပေါ့ပ်တေးဂီတအဖွဲ့တစ်ဖွဲ့ဖြစ်သညEXO မှ အဖွဲ့ဝင်တစ်ဦးဖြစ်သော ''လေး''သည် ကွန်ဖူးမင်းသားကြီးဂျက်ကီချန်းနှင့်အတူ ရုပ်ရှင်သစ် ''Kung Fu Yoga''တွင် ပါဝင်သရုပ်ဆောင် သွားမည်ဖြစ်သည်။
အဆိုပါရုပ်ရှင်သည် အိန္ဒိယနှင့် တရုတ်နိုင်ငံတို့မှ ရုပ်ရှင်သရုပ်ဆောင်များ ပူးပေါင်းပါဝင်ရိုက်ကူးသည့် ဟာသဇာတ်ကြမ်းရုပ်ရှင်ကားတစ်ကားဖြစ်သည်။ ''လေး''သည် တောင်ကိုရီးယားပေါ့ပ်တေးဂီတအဖွဲ့ EXOတွင် ပါဝင်သည့် တစ်ဦးတည်းသော တရုတ်လူမျိုး အနုပညာရှင်ဖြစ်ရာ ယခုကဲ့သို့ အိန္ဒိယ-တရုတ် ရုပ်ရှင်တွင် ပါဝင်သရုပ်ဆောင်ခွင့်ရခဲ့ခြင်းဖြစ်သည်။ အဆိုပါရုပ်ရှင်တွင် တရုတ်ကွန်ဖူးမင်းသားကြီး ဂျက်ကီချန်း၊ အိန္ဒိယမင်းသား ဂျက်ကီရှရော့ဖ်အပါအဝင် တရုတ်နှင့် အိန္ဒိယ သရုပ်ဆောင်များစွာ ပါဝင်သရုပ်ဆောင်သွားမည်ဖြစ်ပြီး ကွန်ဖူးပညာနှင့် ယောဂပညာတို့အကြား ဆက်စပ်မှုများကို ဇာတ်အိမ်တည်ကာ ရိုက်ကူးသွားမည်ဖြစ်သည်။
ယင်းရုပ်ရှင်နှင့်ပတ်သက်၍ International Business Times သတင်းစာက ''ကွန်ဖူး ယောဂရုပ်ရှင်ကို ၂ဝ၁၆ခုနှစ်အတွင်းမှာ ထုတ်လုပ်ဖြန့်ချိသွားမှာပါ။ ဒီရုပ်ရှင်ကို ဒါရိုက်တာစတန် လေတွန်းက တာဝန်ယူရိုက်ကူးပေးမှာဖြစ်ပါတယ်။ ယခုရိုက်ကူးမယ့်ရုပ်ရှင်ဟာ မနှစ်က အိန္ဒိယ ကို တရုတ်သမ္မတရှီကျင့်ဖျင်လာရောက်လည်ပတ်စဉ်က အိန္ဒိယနဲ့ တရုတ် ပူးပေါင်းရိုက်ကူးဖို့ သဘောတူထားခဲ့တဲ့ ရုပ်ရှင်ကားသုံးကားရဲ့ တစ်စိတ်တစ်ပိုင်းပါပဲ''ဟု ဖော်ပြခဲ့သည်။
အဆိုပါရုပ်ရှင်တွင် ''လေး''ပါဝင်ရိုက်ကူးရမည့် အခန်းကဏ္ဍကိုမူ တိတိကျကျမသိရှိရသေး ကြောင်း ကေပေါ့ပ်စတားဒေါ့ကွန်းက ဖော်ပြခဲ့သည်။
အေးပြည့်
No comments:
Post a Comment