ရေဘေးသင့် ကွမ်းစိုက်တောင်သူဘဝ

ရေပြန်လည်ကျဆင်းသွားပြီဖြစ်သော်လည်း ရေမြုပ် ဆုံးရှုံးသွားသည့်ကွမ်းခြံကို ပြန်လည်စိုက်ပျိုးရန် ဦးမာကြင် တစ်ယောက် အရင်းအနှီးရဖို့ရန်အတွက် ဘယ်လိုဘယ်ပုံ ရှာကြံရကောင်းလေမလဲဟု တွေးတောနေရပြီ။

ဧရာဝတီမြစ်ရေ တိုးလာမှုကြောင့် ဦးမာကြင် ပိုင်ဆိုင်သည့် ကွမ်းခြံနှစ်ခြံနှင့် သီးနှံခင်း အတော်များများ ပျက်စီးခဲ့ရပြီ။ ယခုဆိုလျှင်ဖြင့် ကွမ်းစိုက်ခဲ့သော သောင်ပြင်ပေါ်တွင် နုန်းမြေများက နေရာယူနေပြီ ဖြစ်သည့်အတွက် အဆိုပါနုန်းများကို အထက်အောက် မြေပြန်လှန်ရမည်ဖြစ်သည့်အပြင် ခြောက်သွေ့အောင် အချိန်ယူစောင့်ဆိုင်းရတော့မည်ဟု ဦးမာကြင်က ဆိုသည်။
''အစက ဒီသောင်ပြင်ပေါ်မှာကွမ်းစိုက်တာ ခုတော့ မရတော့ဘူး။ ဆုံးရှုံးသွားပြီ။ တစ်ပေကျော်ကျော်လောက်ကို ကွမ်းခြံထဲရေဝင်သွားပြီ။ ကွမ်းစိုက်ဖို့ကျ နုန်းမြေက အဆင်မပြေဘူး။ ကွမ်းပြန်စိုက်ဖို့နဲ့ရေကျသွားရင် ဆောင်း သီးနှံလုပ်ဖို့။ ဒါကိုတော့ ခေါင်းထဲထည့်ထားတယ်။ အရင်း အနှီးကတော့မရှိသေးဘူး''ဟု ကွမ်းစိုက်တောင်သူ ဦးမာကြင်က ခပ်ညည်းညည်းလေးဆိုသည်။

၂ဝ၁၅ ခုနှစ် ဇူလိုင်လနှောင်းပိုင်းနှင့် သြဂုတ်လ ပထမပတ်အတွင်း တရိပ်ရိပ်တက်လာသည့် ဧရာဝတီ မြစ်ရေကြောင့် ညောင်တုန်းမြို့နယ်အတွင်း ကျေးရွာများရှိ လယ်ယာစိုက်ပျိုးရေးနှင့် သီးနှံစိုက်ပျိုးလုပ်ကိုင်သည့် ဒေသခံများ၏ ကွမ်းခြံများနှင့် လယ်ယာကိုင်းကျွန်း ခြံမြေများ ပျက်စီးဆုံးရှုံးခဲ့ကြရသည်။ ထိုသို့ ကိုင်းကျွန်းခြံမြေ ပျက်စီးခဲ့သူများထဲတွင် သောင်တန်းကျေးရွာတွင် နေထိုင် သူ တောင်သူဦးကြီး ဦးမာကြင်တစ်ယောက်လည်း အပါ အဝင်ဖြစ်ခဲ့သည်။

''ကွမ်းညွန့်တစ်ညွန့်ကို အနည်းဆုံးကျပ် ၂၅ဝ နဲ့ ကျပ် ၃ဝဝ လောက်ရှိတယ်။ ကွမ်းခြံဆင်တာပြုတာကလည်း ငှားလုပ်ရတဲ့အခါကျတော့ တိုင် ၅ဝဝဝ ခြံတစ်ခြံကို အလုပ်သမားခ နှစ်သောင်းလောက်ပေးရတယ်။ ပုတ်ပြတ် ပေါ့။ တစ်တိုင်ကို ၁၂ ကျပ်နှုန်းနဲ့လက်ခယူပြီး ဆင်ကြတာ ကိုး။ ဝါးလုံး တစ်လုံးကလည်း ၄ဝ ကျပ်လောက်ရှိတယ်။ ကွမ်းခြံကို အမိုးတင်ပြီးတဲ့အထိ ရင်းနှီးငွေက အနည်း ဆုံးတိုင် ၅ဝဝဝ ကွမ်းခြံတစ်ခြံကို ၈ သိန်း ၉ သိန်း ပြန်ရင်းနှီးရမှာလေ''ဟု မိသားစုငါးယောက်၏ စားရေး သောက်ရေးကိုပင် ဒီရက်ပိုင်းအတွင်း ကြုံသလိုဖြေရှင်း နေရသည့် ဦးမာကြင်ကဆိုသည်။

ဧရာဝတီတိုင်းဒေသကြီး ညောင်တုန်းမြို့နယ်အတွင်း မှာရှိသည့် သောင်တန်းကျေးရွာသည် မြမ္မာပြာသာ ကျေးရွာအုပ်စုထဲတွင်ပါဝင်ပြီး ထိပ်ဝ၊အောက်စု၊မောင်းစု၊ သောင်တန်း၊ ရွာသာအေး၊ ရွာသာကြီး၊ ရွာသာညွန့် စသည့် ကျေးရွာပေါင်း ခုနစ်ရွာထဲတွင်မှ အဆိုပါ သောင်တန်းကျေးရွာတွင် အိမ်ခြေ ၂၂ဝ နှင့် လူဦးရေအား ဖြင့် ၁၁ဝဝ ကျော် ဝန်းကျင်နေထိုင်ကြသည်။ အဆိုပါ ကျေးရွာများရှိ ရွာသူရွာသားများသည် အဓိကအားဖြင့် စပါး၊ ပဲ၊ ပြောင်း၊ ကွမ်းနှင့် သီးနှံစိုက်ပျိုးခြင်းစသည့် တောင်ယာကိုင်းကျွန်း လုပ်ကိုင်ကြသူများဖြစ်ကြသည်။

ဗိုလ်မြတ်ထွန်းတံတားအောက်ဘက် ဧရာဝတီမြစ် ကမ်းနံဘေးနေထိုင်သည့် ဦးမာကြင်က အခုသူ အသက် (၆၈)နှစ်အတွင်း ၂ဝဝ၄ ခုနှစ်က ဧရာဝတီမြစ်ရေ လျှံတက် ခဲ့သော်လည်း ဤမျှလောက်ရေကြီးတာကို ယခုမှ မြင်ဖူး သည်ဟုဆိုသည်။

ဧရာဝတီတိုင်းဒေသကြီး ညောင်တုန်းမြို့နယ်၏ ဧရာဝတီမြစ်ရေမှာ သြဂုတ် ၄ ရက် နံနက် ၆ နာရီ တိုင်းထွာချက်အရ စိုးရိမ်ရေမှတ်ဖြစ်သော ပေ ၂၅ ဒသမ ၅ဝ သို့ ရောက်ရှိခဲ့ပြီး ရေဘေးကာကွယ်ရေးတာ၏ အထက်သို့ ကျော်လွန်ကာ မြို့မြေမျက်နှာပြင်ထက် ပျမ်းမျှ ၅ ပေကျော်သို့ ရောက်ရှိလာခဲ့သည့်အတွက် ညောင်တုန်း မြို့နယ်ကို သဘာဝဘေးအန္တရာယ်ကျရောက်ရန် စိုးရိမ်ရ သော လိမ္မော်ရောင်အဆင့် သတ်မှတ်ထုတ်ပြန်ခဲ့ပြီး ကယ် ဆယ်ရေးစခန်းများ ဖွင့်လှစ်ခဲ့ရကြောင်း အမှတ်(၄) ရပ်ကွက် မီးသတ်တပ်ဖွဲ့မှ ဦးသန့်ဇင်ဝင်း၏ ပြောပြချက် အရ သိရသည်။

''ဟင်္သာတ စိုးရိမ်ရေမှတ်ရောက်နေပြီဆိုတာ ရေဒီယို နားထောင်လို့သိရတယ်။ဟင်္သာတရေကြီးရင် ညောင်တုန်း လည်း ရေကြီးမှာပဲ။ ဒီနှစ်မုန်တိုင်းရဲ့ အရှိန်နဲ့ အထက်ပိုင်း တွေကလည်း မိုးများတော့လေ၊ သောင်တန်းရွာကတော့ အိမ်ခြေ ၄ဝ လောက်ရေမြုပ်တယ်။ ရေက လေးပေ၊ ငါးပေ လောက်ထိတက်လာတာ။ တအိအိနဲ့ပေါ့။ ကိုယ့်အိမ်တွေက ခြေတံရှည်အိမ်ဆိုတော့ မမြုပ်လောက်ဘူးဆိုပြီး သူများ တွေကိုပဲ ကူညီနေခဲ့တာ။နောက်တော့ကိုယ့်အိမ်ပါ မြုပ်လာ ရော''ဟု ခေါင်းမှာဆံစတွေဖွေးဖွေးလှုပ်နေတဲ့ ဦးမာကြင်က ပြုံးစစနှင့် ရှင်းပြခဲ့သည်။

ဧရာဝတီတိုင်းဒေသကြီးရှိ ဟင်္သာတမြို့၏ စိုးရိမ်ရေ မှတ်မှာ ၄၄ ဒသမ ဝ၂၉ ပေဖြစ်ပြီး ဇူလိုင် ၃၁ ရက်မှ စ၍ စိုးရိမ်ရေမှတ်ကို နေ့စဉ်ကျော်လွန်လျက်ရှိကြောင်း၊ ဧရာဝတီတိုင်းဒေသကြီးအတွင်းရှိ နန်ကသူ၊ ကညင်၊ မမြနှင့် ကွန်ချောင်းရေလှောင်တမံများတွင်လည်း သတ်မှတ် ရေလှောင်ပမာဏထက် ပြည့်မီကျော်လွန်သဖြင့် ရေပိုလွှဲ များမှ ရေထုတ်လွှတ်မှုနှင့် ရေကျော်ကျမှုများ ဖြစ်ပေါ်လျက် ရှိကြောင်းကို ကောင်းကင်ဓာတ်ပုံနှိုင်းယှဉ်ချက်များ၊ မိုးလေဝသနှင့် ဇလဗေဒညွှန်ကြားမှုဦးစီးဌာနနှင့် ဆည်မြောင်းဦးစီးဌာနတို့၏ ထိုစဉ်က ဓာတ်ပုံမှတ်တမ်းများ အရသိရသည်။

သြဂုတ်လလဆန်းပိုင်းမှ တိုးမြင့်လာသည့် အဆိုပါ ဧရာဝတီမြစ်ရေသည် ညောင်တုန်းမြို့၏ စိုးရိမ်ရေမှတ်ဖြစ် သော၂၂ ဒသမ ၅ ပေအထက် မှ၂၆ဒသမ ၇ပေအထက်၊ (လေးပေအထက်) ကျော်လွန်ရောက်ရှိနေရာမှ သြဂုတ် ၉ ရက် မွန်းတည့် ၁၂ နာရီမှ စတင်၍ ပြန်လည်ကျဆင်းလျက် ရှိရာ အချို့နေရာများတွင် နုန်းမြေများတင်ကျန်နေခဲ့ပြီဖြစ် သည်။

''ရေမကျသေးတဲ့နေရာတွေလည်း ကျန်သေးတယ်။ နုန်းတင်နေတာတွေလည်းရှိတယ်။ ကွမ်းခြံစိုက်ဖို့ တိုင် ၅ဝဝဝ ခြံဆိုတာ ကွမ်းပင်တစ်ပင်ကို ဝါးလုံးတိုင် တစ်တိုင် နဲ့ အပင် ၅ဝဝဝ ကို ဆိုလိုတာ။ တစ်တိုင်ကိုတစ်ပင် စိုက်တာပေါ့။ ရာသီဥတုကောင်းရင် တစ်ပတ်ကို တစ်ခါခူး ရင် တစ်ထုပ်ခွဲလောက်ထွက်တယ်။ တစ်ထုပ်ခွဲဆိုတာ အချိန် ၁၅ ပိဿာကိုပြောတာ။ ကွမ်းဈေးက တစ်ပိဿာကို ၉ဝဝဝ ကနေ ၁၂ဝဝဝထိ ရတာဆိုတော့ ရေမမြုပ်ဘဲ ကျန်ခဲ့တဲ့ခြံသမားတွေကတော့ ထောပြီ'' ဟု ရွာသား ကိုတင်အောင်မိုးက ဆိုသည်။

သောင်တန်းရွာတွင် နေထိုင်သည့် ကွမ်းစိုက်သူများ အပါအဝင် အခြားသီးနှံမျိုးစုံစိုက်ပျိုးကြသည့် လယ်ယာ တောင်သူဦးကြီးများအနေဖြင့် စက်တင်ဘာလနှင့် အောက်တိုဘာလကျော်သည်အထိ မိုးအခြေအနေနှင့် မြစ်ရေအခြေအနေကို စောင့်ကြည့်ပြီးမှ လုပ်ငန်းစတင်ကြ မည်ဖြစ်ကြောင်း ဒေသခံများထံမှ သိရသည်။

''ရေကျသွားပေမယ့် လုပ်ငန်းရှင်တွေအလုပ်ပြန်လုပ်မှ ကိုယ်တွေက အဆင်ပြေမှာ။ အခုတော့ အလုပ်မရှိဘူး။စားရေးသောက်ရေးဒီလိုပဲ အဆင်ပြေသလို နီးစပ်ရာ ချေးငှားစားရတာပေါ့။ နောက်တစ်ကြိမ်ရေတက်မယ်ဆိုလို့ အလုပ်ရှင်တွေတော်တော်များများက မလုပ်ရဲကြသေး ဘူး။ ကိုင်းတွေ ပျက်စီးသွားတဲ့သူတွေကျတော့လည်း ပြန်လုပ်ဖို့ဆိုတာ အရင်းအနှီးကမလွယ်ဘူးလေ''ဟု တစ်နေ့ နှစ်ထောင်ကျပ်ဖြင့် စိုက်ပျိုးရေးခြံများတွင် အလုပ်လုပ်သည့် သောင်တန်းရွာသူ မသီသီစိန်က ဆို သည်။

''မြစ်ဘေးမှာရှိတဲ့ရွာတွေဖြစ်တော့ ရေကြီးလို့ ကယ်ဆယ်ရေးအပိုင်းပြီးရင် ရေပြန်ကျသွားရင် ပြန်လည် ထူထောင်ရေးအတွက် ပြန်လုပ်ရမယ့်အပိုင်းပေါ့။ စပါး ရေမြုပ်တာ၊ ကွမ်းခြံရေမြုပ်တာ စိုက်ပျိုးရေးအပိုင်းတွေမှာ ကျွန်တော်တို့တင်ပြတဲ့အပိုင်းပေါ်မှာမူတည်ပြီး မြို့နယ်က လိုအပ်တဲ့ အစီအမံတွေချပေးမယ်လို့ ပြောထားတာရှိ တယ်။ ဒီနေရာမြေပေါ်ပြီလား။ ပေါ်ရင်ပြော ဒီနေရာက ဧက ဘယ်လောက်လဲ၊ စက်ဘယ်နှစီးနဲ့ ပြန်ထွန်ရမှာ လဲ။ လိုအပ်ချက်တွေအားလုံးပံ့ပိုးပေးမယ်လို့ မြို့နယ်စီမံ ခန့်ခွဲရေးအဖွဲ့က ပြောထားပြီးသား။ စက်မှုလယ်ယာ အဖွဲ့တွေနဲ့ ချိတ်ဆက်ပြီး လုပ်ပေးမှာမို့လို့ အားလုံးပြန် အဆင်ပြေမှာပါ''ဟု ကျေးရွာအုပ်ချုပ်ရေးမှူး ဦးဝင်းမောင် က ပြောသည်။

ဇူလိုင်လနှောင်းပိုင်းနှင့် သြဂုတ်လအတွင်း ဧရာဝတီ မြစ်ရေလျှံတက်လာမှုကြောင့် ကွမ်းခြံများနှင့် သီးနှံအခင်း များ ပျက်စီးခဲ့ရပြီး ငွေအရင်းအနှီးအတွက် စိတ်ပူပန်နေ သည့် ဧရာဝတီမြစ်ကမ်းနံဘေး သောင်တန်းရွာမှ တောင်သူဦးကြီး ဦးမာကြင်က ''ရေကြီးတာ နိုင်ငံတစ်ဝန်း ဖြစ်နေတဲ့ သဘာဝဘေးဒုက္ခပါ။ ဆင်းရဲသားမှ မဟုတ်ဘူး။ အားလုံးခံစားရတာ။ ဒါပေမယ့် ဆင်းရဲသားတွေအတွက် တော့ ပိုပြီးမထောင်းသာဘူးပေါ့။ ကွမ်းစိုက်ဖို့တော့ အချိန် ပြန်ယူရမယ်။ စိတ်ဓာတ်ကတော့ မကျပါဘူး။ ဒါတောင် သူလယ်သမားတွေရဲ့ အလုပ်ပဲ။ မိရိုးဖလာအလုပ်ဆိုတော့ ပျက်စီးသွား လည်း ပြန်လုပ်မှာပဲ။ ဒါကျွန်တော်တို့မိသားစုရဲ့ ထမင်းအိုး လေ''ဟုဆိုသည်။

သတင်းဆောင်းပါးနှင့် ဓာတ်ပုံ - သီသီမင်း