သက်တမ်းမတိုအောင် ဆေးလိပ်ရှောင်

ဆေးလိပ်၏ဆိုးကျိုးကို ကမ္ဘာပေါ်ရှိ လူအများသိရှိနားလည်ကြပြီး ဖြစ်သည်။ စီးကရက်၊ ဆေးလိပ်အန္တရာယ်ကို အသိပေးနှိုးဆော်မှုများလည်း စဉ်ဆက်မပြတ်ပြုလုပ်လျက်ရှိသည်။

အချို့ဒေသများတွင် ဆေးလိပ်မသောက်ရ နယ်မြေများသတ်မှတ်ထားပြီး ဆေးလိပ်သောက်ရန် သီးသန့်နေရာသတ်မှတ် ပေးထားသည်။
သောက်သုံးသည့် ဆေးလိပ်ဘူးတိုင်းတွင်လည်း ''ဆေးလိပ်သောက်ခြင်း သည် ကျန်းမာရေးကို ဆိုးရွားစွာထိခိုက်စေနိုင်ပါသည်''ဟူသော သတိပေး နှိုးဆော်ချက်စာတန်းကို ဆေးလိပ်ဥပဒေအရကပ်ထားသည်။ သို့သော် ဆေးလိပ်၊ စီးကရက်တွင် နီကိုတင်းဟူသော ဓာတ်တစ်မျိုးက လူကိုညှို့ယူ ဖမ်းစားထားသည်။ ထို့ကြောင့် ဆေးလိပ်သောက်သုံးသူများအဖို့ မကောင်း မှန်းသိသော်လည်း ဖြတ်မရဖြစ်ကြသည်။

စီးကရက်ထုတ်လုပ်သူတို့က လူတို့သောက်သုံးရလွယ်ကူပြီး နှစ်သက် ဖွယ်ဖြစ်အောင် အထူးစီမံထားသည်။ မည်သို့ပင်စီမံသည်ဖြစ်စေ ဆေးလိပ်၊ စီးကရက်ကို စတင်စမ်းသပ်မသောက်မိသရွေ့ မည်သည့်နည်းနှင့်မျှ စွဲလမ်း စရာ အကြောင်းမရှိချေ။ စီးကရက်ကို စတိုင်လ်ထုတ်၊ အကြံထုတ်၊ စိတ်ဖိစီးမှု ထွက်ပေါက်အတွက် စတင်မြည်းစမ်းကြည့်မိရာမှ စွဲစွဲမြဲမြဲသောက်ဖြစ် သွားကြသည်။

များသောအားဖြင့် လူငယ်လူရွယ်ဘဝမှ အစပြုကြသည်။ အပေါင်း အသင်းများ၏ တိုက်တွန်းမှု၊ ကိုယ်တိုင်ကလည်း စတိုင်လ်ထုတ်လိုမှု၊ လက်တည့် စမ်းလိုမှု၊ မိသားစုအသိုင်းအဝိုင်းတွင်လည်း ဆေးလိပ်သောက်သူ ရှိနေမှု စသည့်အကြောင်းများသည် ဆေးလိပ်သောက်ရန် တွန်းအားများပင်ဖြစ်သည်။

စီးကရက်တစ်လိပ်တွင် အမျိုးပေါင်း ၄ဝဝ ကျော်သော ဓာတ်ပစ္စည်းမှ အဆိပ်အတောက်များပါဝင်ပြီး ကျန်းမာရေးကို ထိခိုက်စေသော ကင်ဆာကို ဖြစ်စေသည့် ကတ္တရာစေးတစ်မျိုး၊ စိတ်ကိုစွဲလမ်းစေပြီး သွေးအတွင်း အဆီဓာတ် ကိုမြင့်တက်စေသည့် နီကိုတင်းဓာတ်၊ အဆုတ်တွင် အောက်ဆီဂျင်ပါဝင်မှု လျော့နည်းစေပြီး အဆိပ်အတောက်ကိုဖြစ်စေသည့် ကာဗွန်မိုနောက်ဆိုက်ဓာတ် တို့ အဓိကပါဝင်သည်။

ကျန်းမာရေးဆိုင်ရာ တွေ့ရှိချက်အရ စီးကရက်တစ်ဘူးနှင့်အတူ အရက် သောက်သုံးသောသူသည် အစာမျိုခံတွင်းလမ်းကြောင်းကင်ဆာဖြစ်နိုင်ခြေ ပိုများသည်ဟုဆိုထားသည်။ စီးကရက်သောက်သူသည် မသောက်သူထက် ကင်ဆာရောဂါဖြစ်ပွားနိုင်ခြေ ၁ဝ ဆ ပိုသည်။ အများဆုံးဖြစ်သောရောဂါမှာ အဆုတ်ကင်ဆာဖြစ်သည်။ ပါးစပ် ကင်ဆာ၊ ဆီးအိမ်ကင်ဆာ၊ ပန်ခရိယကင်ဆာ၊ နှလုံးသွေးကြောပိတ်ရောဂါ၊ ရင်ကျပ်ပန်းနာချောင်းဆိုးရောဂါများ ရတတ်သည်။

ထိုမျှသာမက ဆေးလိပ်ငွေ့ရှူရှိုက်မိသော ပတ်ဝန်းကျင်မှ မိသားစုနှင့် အသိုင်းအဝိုင်းကိုပါ ဆေးလိပ်သောက်သူကဲ့သို့ အန္တရာယ်ပေးနိုင်သည်။
ထိုသို့ မိမိနှင့်တကွ လူမှုပတ်ဝန်းကျင်အတွက် အန္တရာယ်များသော စီးကရက်နှင့် ဆေးလိပ်သောက်သုံးမှုကို ဆေးလိပ်သောက်သုံးသူများအနေဖြင့် ယခုပင်ဖြတ်သင့်သည်။ ထိုသို့ ဖြတ်မည်ဆိုပါက၄င်းတို့ မည်မျှပင်သောက်သုံး ခဲ့သည်ဖြစ်စေ ၄င်းတို့၏သက်တမ်းသည် ဆေးလိပ်မသောက်သူများကဲ့သို့ သက်တမ်းရှည်နိုင်သည်။ ဆေးလိပ်သောက်ပါက မသောက်သူထက် သက်တမ်းသုံးနှစ်မှ ရှစ်နှစ်အထိ အသက်တိုနိုင်ပါသည်။
ထို့ကြောင့် ကမ္ဘာတစ်ဝန်းလုံးတွင် ဆေးလိပ်သောက်သုံးမှုကို ဝိုင်းဝန်း ဟန့်တားကြသည်။ ကမ္ဘာ့ဆေးလိပ်မသောက်ရေးနေ့အဖြစ် ယနေ့ကို သတ်မှတ်ကာ နိုင်ငံတိုင်းကျင်းပကြသည်။

အသိပညာများပေးကြသည်။ မြန်မာနိုင်ငံတွင်လည်း နှစ်စဉ်မြို့တိုင်း၌ အခမ်းအနားများကျင်းပကြသည်။ အသိပညာပေးကြသည်။ သို့သော် ထုတ်လုပ်သူများရှိနေ၍ သောက်သုံး သူများရှိနေဆဲဖြစ်သည်။ ထုတ်လုပ်သူများကို အခွန်နှုန်းထားအမြင့်ဆုံး ပေးဆောင်စေသော်လည်း အရောင်းအဝယ်မှာ ကောင်းနေဆဲဖြစ်သည်။

ယင်းမှာ နီကိုတင်းဟူသော စွဲလမ်းနှစ်သက်စေသည့်အရာက သောက်သုံး သူများအား ဖမ်းစားထားသောကြောင့်ဖြစ်သည်။ ဤအရာသည် မကောင်း ပါဟုဆိုသော်လည်း မစွန့်လွှတ်နိုင်ခြင်းသည် တပ်မက်စေသော တဏှာ အားကြီးနေသောကြောင့်ဖြစ်သည်။ မည်သို့ပင်ဖြစ်စေ အန္တရာယ်ရှိကြောင်း အသိပေးနှိုးဆော်မှုများဖြင့် ဝိုင်းဝန်းဟန့်တားကြရမည်သာတည်း။ ။