ထင်သာမြင်သာ ပြုပြင်စရာ
ရန်ကုန် ဧပြီ ၂၉
ရန်ကုန် ဧပြီ ၂၉
ရန်ကုန် မြောက်ပိုင်းခရိုင် မင်္ဂလာဒုံမြို့နယ် ပေါက်ကုန်းရပ်ကွက် အပိုင် (၄)၊ (၅)၊ (၆)၊ (၇)ရှိ အမှိုက် ပုံများသည် ပေါက်ကုန်းရပ်ကွက်၏ အဓိကလမ်းမကြီးဖြစ်သည့် ဂျိုးဖြူ ပိုက်လုံးဘေး ဂျိုးဖြူလမ်းမပေါ်တွင် ထားရှိရာ တစ်ရပ်ကွက်လုံး အမှိုက် များလာရောက် စွန့်ပစ်ကြသည်။
အမှိုက်ကားမလာသည်မှာ ကြာပြီ ဖြစ်၍ ခြောက်ပေအကျယ် လမ်းမ သည် အမှိုက်များ မြင်မကောင်းအောင် ပြည့်နှက်နေပြီး လူသွားလမ်း သုံးပေ ခန့်သာ ကျန်ရှိပြီး အမှိုက်ပုံများ အနံ့ ဆိုးများက နှစ် ၁ဝဝ ခန့် သက်တမ်း ရှိသော ဂျိုးဖြူပိုက်လုံးကြီးကို ပျက်စီး သွားအောင် ခြိမ်းခြောက်လျက်ရှိ သည်။
ထို့အတူ လမ်းသွားသူများနှင့် ပတ်ဝန်းကျင်ရှိ လူနေအိမ်များအတွက် မီးဘေးအန္တရာယ်နှင့် ကျန်းမာရေး ထိခိုက်နေမည်ကို စိုးရိမ်နေရသည်။
''၂ဝ၁၃-၂ဝ၁၄ ခုနှစ်တုန်းက တော့ အမှိုက်ကား မှန်မှန်လာပြီး အဲဒီနောက်ပိုင်းနှင့် ယခုအချိန်ထိ တော့ အမှိုက်ကားမလာလို့ ကျွန်တော် တို့လည်း မီးရှို့လို့လည်း မဖြစ်တော့ ဒီအတိုင်း ကြည့်နေရတယ်'' ဟု ရပ်ကွက်အုပ်ချုပ်ရေးမှူးက ပြောပြ သည်။
မျိုးသန့် (အင်းစိန်)
No comments:
Post a Comment