နေပြည်တော် အောက်တိုဘာ ၂၉
သမ္မတရုံးဝန်ကြီးဌာန(၅) ပြည် ထောင်စုဝန်ကြီး ဦးတင်နိုင်သိန်းသည် ယနေ့မွန်းလွဲ ၁ နာရီခွဲတွင် ကုလသမဂ္ဂကုန်သွယ်ရေးနှင့်
ဖွံ့ဖြိုး တိုးတက်မှုညီလာခံ (UNCTAD)အတွင်းရေးမှူးချုပ် မစ္စတာ
မူခီဆာကီတူရီအား နိုင်ငံတော်သမ္မတရုံး သံတမန်ဧည့်ခန်းမ၌ လက်ခံတွေ့ ဆုံသည်။
တွေ့ဆုံရာ၌ ပြည်ထောင်စုဝန်ကြီးက မြန်မာနိုင်ငံအနေဖြင့် နိုင်ငံရေး၊
လူမှု/စီးပွား၊ အုပ်ချုပ်ရေး နှင့် ပုဂ္ဂလိက ကဏ္ဍဖွံ့ဖြိုးတိုးတက် ရေးတို့အတွက်
ပြုပြင်ပြောင်းလဲရေး ဆောင်ရွက်နေမှုအခြေအနေများ၊ ဖွံ့ဖြိုးမှု
အနည်းဆုံးနိုင်ငံအဖြစ်မှ လွတ်မြောက်ရေးအတွက် စီစဉ်ဆောင်ရွက်နေမှုများ
ရှင်းလင်းဆွေးနွေးပြောကြားခဲ့ပြီး တစ်ဦးကျဝင်ငွေ ဆိုင်ရာစံနှုန်း၊
လူသားအရင်းအနှီး ဆိုင်ရာစံနှုန်းနှင့် စီးပွားရေးထိခိုက်
နစ်နာလွယ်မှုဆိုင်ရာ စံနှုန်းတို့ကို UNCTAD ၏မူဝါဒစည်းမျဉ်းများ အတိုင်း
တွက်ချက်ဆောင်ရွက်ရာတွင် နည်းပညာပိုင်းဆိုင်ရာ အကူအညီ ပေးရေးကိစ္စရပ်များအား
ဆွေးနွေး ညှိနှိုင်းခဲ့ကြသည်။
အဆိုပါတွေ့ဆုံပွဲသို့ ဖွံ့ဖြိုးမှု
အနည်းဆုံးနိုင်ငံအဖြစ်မှ လွတ်မြောက်ရေးအတွက်
အကောင်အထည်ဖော်ဆောင်ရွက်ရေးဆိုင်ရာ ဆပ်ကော်မတီများမှ တာဝန်ရှိသူများ
တက်ရောက်ခဲ့ကြကြောင်း သတင်းရရှိသည်။
(သတင်းစဉ်)
No comments:
Post a Comment