ပင်လယ်ကြောင်းအကောက်ခွန်အက်ဥပဒေကို ပြင်ဆင်သည့်ဥပဒေကြမ်း လွှတ်တော်က အတည်ပြု

နေပြည်တော် နိုဝင်ဘာ ၂၉

ဒုတိယအကြိမ် ပြည်ထောင်စုလွှတ်တော် ဒသမပုံမှန်အစည်းအဝေး ပဉ္စမနေ့ကို ယနေ့နံနက် ၁ဝ နာရီတွင် နေပြည်တော်ရှိ ပြည်ထောင်စုလွှတ်တော် အစည်း အဝေးခန်းမ၌ ကျင်းပသည်။

အစည်းအဝေးတွင် ပြည်ထောင်စုလွှတ်တော်နာယက ဦးတီခွန်မြတ်က နိုင်ငံတော်သမ္မတထံမှ ပေးပို့ထားသော ပြည်ထောင်စုအစိုးရအဖွဲ့ရုံးဝန်ကြီးဌာန ပြည်ထောင်စုဝန်ကြီးအဖြစ် ဦးမင်းသူအား ခန့်အပ်တာဝန်ပေးရန် တင်ပြထား ခြင်းနှင့်စပ်လျဉ်း၍ လွှတ်တော်ကသဘောတူကြောင်း ကြေညာသည်။

ထို့နောက် ပြည်ထောင်စုလွှတ်တော်နာယက က ပင်လယ်ကြောင်း အကောက်ခွန်အက်ဥပဒေကို ပြင်ဆင်သည့် ဥပဒေကြမ်း (၂ဝ၁၈ ခုနှစ်) နှင့် စပ်လျဉ်း၍ ဥပဒေကြမ်းပူးပေါင်းကော်မတီ၏ သဘောထားကို အခြေခံ၍ လွှတ်တော်၏ သဘောထားမေးမြန်းပြီး တစ်ပိုဒ်ချင်းစီအလိုက် အဆုံးအဖြတ် ရယူအတည်ပြုသည်။

ယင်းနောက် စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းက အဆိုပါဥပဒေကြမ်းတစ်ရပ်လုံးကို အတည်ပြုရန်အဆိုတင် သွင်းသည်။

ဆက်လက်၍ ပြည်ထောင်စုလွှတ်တော်နာယက က အဆိုပါ ဥပဒေကြမ်း တစ်ရပ်လုံးကို အတည်ပြုရန် လွှတ်တော်၏ အဆုံးအဖြတ်ရယူရာ လွှတ်တော်က သဘောတူအတည်ပြုကြောင်း ကြေညာသည်။

၂ဝ၁၇-၂ဝ၁၈ ဘဏ္ဍာရေးနှစ် အစိုးရ၏ကြွေးမြီဆိုင်ရာ နှစ်ပတ်လည်အစီရင်ခံစာ လွှတ်တော်သို့ တင်ပြ

ထို့နောက် ဒုတိယဝန်ကြီး ဦးမောင်မောင်ဝင်းက ပြည်ထောင်စုအစိုးရအဖွဲ့မှ ပေးပို့သော ၂ဝ၁၇-၂ဝ၁၈ ဘဏ္ဍာရေးနှစ် အစိုးရ၏ ကြွေးမြီဆိုင်ရာ နှစ်ပတ် လည်အစီရင်ခံစာနှင့်စပ်လျဉ်း၍ လွှတ်တော်သို့ တင်ပြရာတွင် ၂ဝ၁၆ - ၂ဝ၁၇ ဘဏ္ဍာရေးနှစ် အစိုးရ၏ ကြွေးမြီဆိုင်ရာ နှစ်ပတ်လည်အစီရင်ခံစာတင်ပြစဉ်က ပြည်သူ့ငွေစာရင်း ပူးပေါင်းကော်မတီ၏ သဘောထားမှတ်ချက်နှင့် လွှတ်တော် ကိုယ်စားလှယ်ကြီးများ၏ အကြံပြုဆွေးနွေးချက်များအပေါ် ထည့်သွင်းသုံးသပ် ၍ ပိုမိုပြည့်စုံကောင်းမွန်သော အစီရင်ခံစာဖြစ်စေရန်အတွက် ၂ဝ၁၇-၂ဝ၁၈ ဘဏ္ဍာရေးနှစ် အစိုးရ၏ ကြွေးမြီအစီရင်ခံစာနှင့် စပ်လျဉ်း၍ အဓိကကျသော ကြွေးမြီဆိုင်ရာအချက်အလက်၊ ကိန်းဂဏန်းများအား ၂ဝ၁၅-၂ဝ၁၆ ဘဏ္ဍာ နှစ်မှ ၂ဝ၁၇-၂ဝ၁၈ဘဏ္ဍာနှစ်အထိ သုံးနှစ်စာ တပေါင်းတစည်းတည်း နှိုင်းယှဉ် ဖော်ပြခြင်း၊ ၂ဝ၁၈ ခုနှစ် မတ်လ ၃၁ ရက်ရှိ ပြည်တွင်းကြွေးမြီ လက်ကျန် အခြေအနေအား ကာလအပိုင်းအခြားဖြင့် ဖော်ပြခြင်း၊ ကြွေးမြီစီမံခန့်ခွဲမှုနှင့် စပ်လျဉ်း၍ ရင်ဆိုင်ရသည့် စိန်ခေါ်မှုများ၊အခက်အခဲများနှင့် စပ်လျဉ်း၍ သုံးသပ်တင်ပြခြင်း၊ ၂ဝ၁၇-၂ဝ၁၈ ဘဏ္ဍာနှစ်အတွက် ကြွေးမြီဆိုင်ရာဆောင် ရွက်ချက်များနှင့်စပ်လျဉ်း၍ သုံးသပ်ချက်များအား စိစစ်တင်ပြခြင်း၊ ပုံကားချပ် များတွင် ကိန်းဂဏန်း သို့မဟုတ် ရာခိုင
်နှုန်းများကို သင့်လျော်မှုရှိအောင် ဖြည့်စွက်၍ တင်ပြခြင်းတို့ကို ထပ်မံဖြည့်စွက်ထားပါကြောင်း။

၂ဝ၁၇-၂ဝ၁၈ ဘဏ္ဍာရေးနှစ် အစိုးရ၏ ကြွေးမြီဆိုင်ရာနှစ်ပတ်လည် အစီရင်ခံစာကို ယခင်နှစ်များက လွှတ်တော်ကိုယ်စားလှယ်ကြီးများ၏ အကြံပြု ချက်များ၊ သဘောထားမှတ်ချက်များကို ထည့်သွင်းသုံးသပ်၍ ပိုမိုကောင်းမွန် သည့် အစီရင်ခံစာဖြစ်စေရန် ပြုစုတင်ပြထားပါကြောင်း၊ ပြည်သူ့ငွေစာရင်းပူးပေါင်းကော်မတီ၏ သုံးသပ်တွေ့ရှိချက်များနှင့် သဘောထားမှတ်ချက်များ ကိုလည်း အလေးထား၍ လိုက်နာကျင့်သုံးလျက်ရှိပါကြောင်း၊ ယခုတင်ပြသည့် ၂ဝ၁၇-၂ဝ၁၈ ဘဏ္ဍာရေးနှစ် အစိုးရ၏ ကြွေးမြီဆိုင်ရာ နှစ်ပတ်လည်အစီရင်ခံ စာကို ပြည်သူ့ကြွေးမြီစီမံခန့်ခွဲမှုဥပဒေ ပုဒ်မ (၃၇)နှင့်အညီ ပြည်ထောင်စု လွှတ်တော်က မှတ်တမ်းတင်ပေးနိုင်ပါရန် တင်ပြအပ်ပါကြောင်း ပြောကြား သည်။

ယင်းနောက် ပြည်ထောင်စုလွှတ်တော် ပြည်သူ့ငွေစာရင်းပူးပေါင်း ကော်မတီ တွဲဖက်အတွင်းရေးမှူး ဦးခင်မောင်သန်းက အဆိုပါ အစီရင်ခံစာနှင့် စပ်လျဉ်း၍ ကော်မတီ၏လေ့လာတွေ့ရှိချက်နှင့် သဘောထားမှတ်ချက် အစီရင် ခံစာ (၁ဝ/၂ဝ၁၈)ကို ဖတ်ကြားတင်ပြပြီး လွှတ်တော်က ဆွေးနွေးစဉ်းစားရန် အဆိုတင်သွင်းသည်။

ထို့နောက် ပြည်ထောင်စုလွှတ်တော် နာယက က အဆိုပါ အစီရင်ခံစာနှင့် စပ်လျဉ်း၍ ဆွေးနွေးလိုသည့် လွှတ်တော်ကိုယ်စားလှယ်ရှိပါက အမည်စာရင်း တင်သွင်းနိုင်ကြောင်း ကြေညာသည်။

လွှတ်တော်နှစ်ရပ်သဘောကွဲလွဲသော မြန်မာနိုင်ငံတိုင်းရင်းဆေးကောင်စီဥပဒေကြမ်း လေ့လာတွေ့ရှိချက်နှင့်သဘောထားမှတ်ချက်အစီရင်ခံစာ ဖတ်ကြားတင်ပြ

ဆက်လက်၍ ပြည်ထောင်စုလွှတ်တော် ဥပဒေကြမ်းပူးပေါင်းကော်မတီဝင် ဦးဇော်ဝင်းက လွှတ်တော်နှစ်ရပ်သဘောကွဲလွဲသော မြန်မာနိုင်ငံတိုင်းရင်းဆေး ကောင်စီ ဥပဒေကြမ်းနှင့်စပ်လျဉ်း၍ ကော်မတီ၏ လေ့လာတွေ့ရှိချက်နှင့် သဘောထားမှတ်ချက်အစီရင်ခံစာကို ဖတ်ကြားတင်ပြရာတွင် ဥပဒေကြမ်း ပူးပေါင်းကော်မတီသည် ၂ဝ၁၈ ခုနှစ် နိုဝင်ဘာ ၂၆ ရက်တွင် ဥပဒေကြမ်းကို တင်သွင်းခဲ့သည့် သက်ဆိုင်ရာ လွှတ်တော်ကိုယ်စားလှယ်၊ ပြည်ထောင်စု လွှတ်တော်ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင်အဖွဲ့ဝင်များ၊ ကျန်းမာရေးနှင့် အားကစားဝန်ကြီးဌာန၊ ပြည်ထောင်စု ရှေ့နေချုပ်ရုံး၊ မြန်မာနိုင်ငံတိုင်းရင်းဆေးကောင်စီ၊ မြန်မာနိုင်ငံတိုင်းရင်းဆေး ဆရာများအသင်းတို့နှင့် အစည်းအဝေးကျင်းပခဲ့ပြီး ဥပဒေကြမ်းပါ သဘော ကွဲလွဲချက်များကို လေ့လာစိစစ်ခဲ့ကြပါကြောင်း။

ဥပဒေကြမ်းပူးပေါင်းကော်မတီသည် လွှတ်တော်နှစ်ရပ်သဘောကွဲလွဲသည့် အချက်များအပြင် လွှတ်တော်နှစ်ရပ်က အတည်ပြုခဲ့သည့် ဥပဒေကြမ်းအပေါ် တွင်လည်း ထပ်မံလေ့လာစိစစ်ခဲ့ရာ ဥပဒေကြမ်း၏ အပိုဒ် ၈ ကို ဥပဒေကြမ်း ပူးပေါင်းကော်မတီ၏ အသစ်ပြင်ဆင်ချက်အတိုင်း အတည်ပြုပြဋ္ဌာန်းသင့်သည်ကို လေ့လာတွေ့ရှိရပါကြောင်း၊ သို့ဖြစ်ပါ၍ လွှတ်တော်နှစ်ရပ် သဘောကွဲလွဲသော မြန်မာနိုင်ငံ တိုင်းရင်းဆေးကောင်စီဥပဒေကြမ်းနှင့်စပ်လျဉ်း၍ ပြည်ထောင်စု လွှတ်တော်ဆိုင်ရာ နည်းဥပဒေ ၈၂ နှင့်အညီ ဥပဒေကြမ်း ပူးပေါင်းကော်မတီက အစီရင်ခံတင်ပြအပ်ပါကြောင်း ရှင်းလင်းပြောကြားသည်။

ထို့နောက် ပြည်ထောင်စုလွှတ်တော် နာယက က အဆိုပါ ဥပဒေကြမ်းနှင့် စပ်လျဉ်း၍ ဆွေးနွေးလိုသည့် လွှတ်တော်ကိုယ်စားလှယ်ရှိပါက အမည်စာရင်း တင်သွင်းနိုင်ကြောင်း ကြေညာသည်။

စီမံအုပ်ချုပ်မှုလေ့ကျင့်ရေးသင်တန်းကျောင်းများနှင့်တက္ကသိုလ်များဆိုင်ရာ နိုင်ငံတကာပူးပေါင်းဆောင်ရွက်ရေးအဖွဲ့သို့ အဖွဲ့ဝင်အဖြစ် ဝင်ရောက်ရေး ဆွေးနွေး

ယင်းနောက် နိုင်ငံတော်သမ္မတထံမှ ပေးပို့ထားသော ပြည်ထောင်စု ရာထူးဝန်အဖွဲ့၏ စီမံအုပ်ချုပ်မှုလေ့ကျင့်ရေးသင်တန်းကျောင်းများနှင့် တက္ကသိုလ် များဆိုင်ရာ နိုင်ငံတကာပူးပေါင်းဆောင်ရွက်ရေးအဖွဲ့သို့ အဖွဲ့ဝင်အဖြစ် ဝင်ရောက်ရေးနှင့် နှစ်စဉ်ကြေးထည့်ဝင်ရန် ကိစ္စနှင့်စပ်လျဉ်း၍ လွှတ်တော် ကိုယ်စားလှယ်များက ဆွေးနွေးကြသည်။

မွန်ပြည်နယ် မဲဆန္ဒနယ်အမှတ်(၈)မှ ဦးမျိုးဝင်းကInternational Associations of School and Institutes of Administration (IASIA) တွင် အဖွဲ့ဝင်အဖြစ် ဝင်ရောက်ရေးနှင့် နှစ်စဉ်ကြေးထည့်ဝင်ရေးကိစ္စကို ထောက်ခံဆွေးနွေးမည်ဖြစ်ပါကြောင်း၊International Associations of School and Institutes of Administration (IASIA)သည် International Institute of Administrative Sciences (IIAS) ၏ အဖွဲ့ခွဲတစ်ခုဖြစ်ပြီး Public administration နှင့် ပတ်သက်သည့် အထူးပြုဘာသာရပ်များကို ဝေမျှပေးနေသောNGOအဖွဲ့အစည်းတစ်ခုဖြစ်ပါကြောင်း၊ အဖွဲ့ဝင်များသည် နိုင်ငံပေါင်း ၁၆ဝ ကျော် ဖြစ်သော်လည်း အများစုသည်NGOနှင့် Private Schoolများသာ ဖြစ်ကြပါကြောင်း၊ ယင်းသင်တန်းနှင့် ချိတ်ဆက်ကြသူများ၏ ရည်ရွယ်ချက်သည်IASIA မှIIAS၊ ထို့မှတစ်ဆင့် Public administration နှင့် ဆိုင်သည့် Ph.D ဘွဲ့များရယူကြရန်နှင့် ကွန်ဖရင့်များမှ အချက်အလက် များကိုSharing လုပ်ကြရန် ဖြစ်ပါကြောင်း။

ယခုInternational Course များကိုအသုံးပြု၍ မြန်မာနိုင်ငံမှ ဗဟို ဝန်ထမ်းတက္ကသိုလ် ၂ ခုတွင် သင်ကြားရန် ပြင်ဆင်နေသည့် အစီအစဉ်အား ကြိုဆိုထောက်ခံပါကြောင်း၊ သို့သော် စွမ်းဆောင်ရည်ပြည့်ဝသည့် ဝန်ထမ်းဆို သည်မှာ သင်တန်းများပို့ချရုံဖြင့် ထွက်ပေါ်လာမည် မဟုတ်ပါကြောင်း၊ ဝန်ထမ်း များအတွက် တောက်ပသည့်အနာဂတ်များ မျှော်လင့်ချက်များကို ပုံဖော်ပေး ထားရမည့်အပြင် လက်တွေ့ရင်ဆိုင်နေရသည့် အခက်အခဲ၊ စိုးရိမ်ပူပန်မှုများကို လည်း လေ့လာဖြေရှင်းပေးရမည်ဖြစ်ပါကြောင်း၊ ရာထူး အခွင့်အလမ်းတိုးပေးသင့် သူများကို တိုးပေးရမည်ဖြစ်သကဲ့သို့ အကျင့်ပျက်ဝန်ထမ်းများကိုလည်း ထိထိ ရောက်ရောက်ပြစ်ဒဏ်ချမှတ်ရမည်ဖြစ်ပါကြောင်း ဆွေးနွေးသည်။

ယင်းကိစ္စနှင့် စပ်လျဉ်း၍ ပဲခူးတိုင်းဒေသကြီး မဲဆန္ဒနယ်အမှတ်(၅)မှ ဒေါက်တာတင်တင်ဝင်းနှင့် ညောင်ဦးမဲဆန္ဒနယ်မှ ဦးစောတို့ကလည်း ဆွေးနွေး ခဲ့ကြသည်။

ထို့နောက် ပြည်ထောင်စုရာထူးဝန်အဖွဲ့ ဥက္ကဋ္ဌ ဒေါက်တာဝင်းသိမ်းက အဆိုပါ ကိစ္စနှင့်စပ်လျဉ်း၍ ပြန်လည်ရှင်းလင်းဆွေးနွေးရာတွင် ပြည်ထောင်စု ရာထူးဝန်အဖွဲ့အောက်ရှိ ဗဟိုဝန်ထမ်းတက္ကသိုလ်များကိုIASIAသို့အဖွဲ့ဝင် အဖြစ် ဝင်ရောက်ခွင့်ပြုမည်ဆိုပါက နိုင်ငံတကာဗဟုသုတနှင့် အတွေ့အကြုံ ကောင်းများကို လေ့လာနိုင်မည်ဖြစ်ပါကြောင်း၊ ပညာရေးနှင့် လေ့ကျင့်သင်ကြား ရေးဆိုင်ရာ လူ့စွမ်းအားအရင်းအမြစ် ဖွံ့ဖြိုးတိုးတက်ရေးကို မြှင့်တင်ဆောင် ရွက်နိုင်မည်ဖြစ်ပါကြောင်း၊ နိုင်ငံတကာ သုတေသနအဖွဲ့အစည်းများနှင့်ပူးပေါင်း ၍ အုပ်ချုပ်မှုနှင့် စီမံခန့်ခွဲမှုဆိုင်ရာ စာတမ်းများပြုစုခြင်း၊ သုတေသနပြုလုပ်ခြင်း၊ ညှိနှိုင်းဆွေးနွေးခြင်း ဆောင်ရွက်နိုင်ရန် အခွင့်အလမ်းကောင်းများ ရရှိနိုင်မည် ဖြစ်ပါကြောင်း၊ ဗဟိုဝန်ထမ်းတက္ကသိုလ်များရှိ သုတေသနနှင့်ဖွံ့ဖြိုးမှုဌာန၊ သင်တန်းရေးရာဌာနများ၏ အုပ်ချုပ်မှု၊ ခေါင်းဆောင်မှုနှင့် စီမံခန့်ခွဲမှုဆိုင်ရာ အရည်အသွေးတိုးတက်မြင့်မားလာစေမည်ဖြစ်ပါကြောင်း၊ နိုင်ငံတကာ အဆင့် အတန်းဝင် အသိအမှတ်ပြုတက္ကသိုလ်များ ဖြစ်လာစေမည်ဖြစ်ပါကြောင်း၊ နိုင်ငံ့ဝန်ထမ်းများ လေ့ကျင့်သင်ကြားခြင်းအတွက် နိုင်ငံတကာအဆင့်မီ နည်းပညာအတွေ့အကြုံကောင်းများ ရယူဖလှယ်နိုင်မည်ဖြစ်ပါကြောင်းေ
ပြာကြား သည်။

ဆက်လက်၍ ပြည်ထောင်စုလွှတ်တော်နာယက က အဆိုပါ ကိစ္စနှင့် စပ်လျဉ်း၍ လွှတ်တော်၏ အဆုံးအဖြတ်ရယူရာ လွှတ်တော်ကသဘောတူ အတည်ပြုကြောင်း ကြေညာသည်။

မဟာမဲခေါင်ဒေသခွဲ အရှေ့အနောက်စီးပွားရေးစင်္ကြံလမ်း ဆောင်ရွက်ရန် ထိုင်းနိုင်ငံမှ ချေးငွေ အမေရိကန်ဒေါ်လာ ၂၄ ဒသမ ၃ သန်းရယူရန်ရှင်းလင်းဆွေးနွေး

ယင်းနောက် နိုင်ငံတော်သမ္မတထံမှ ပေးပို့ထားသော ဆောက်လုပ်ရေး ဝန်ကြီးဌာနနှင့် ကရင်ပြည်နယ်အစိုးရအဖွဲ့တို့က မဟာမဲခေါင်ဒေသခွဲ အရှေ့ အနောက်စီးပွားရေးစင်္ကြံလမ်းတစ်လျှောက်ရှိ မြို့များဖွံ့ဖြိုးမှုစီမံကိန်း ဆောင် ရွက်ရန်အတွက် ထိုင်းနိုင်ငံ Neighbouring Countries Economic Development Cooperation Agency-NEDA ထံမှ ချေးငွေ အမေရိကန် ဒေါ်လာ ၂၄ ဒသမ ၃ သန်းရယူရန်ကိစ္စနှင့်စပ်လျဉ်း၍ ဆောက်လုပ်ရေး ဝန်ကြီးဌာနနှင့် စီမံကိန်းနှင့် ဘဏ္ဍာရေးဝန်ကြီးဌာနတို့က ပြန်လည်ရှင်းလင်း ဆွေးနွေးကြသည်။

ဆောက်လုပ်ရေးဝန်ကြီးဌာန ဒုတိယဝန်ကြီး ဦးကျော်လင်းက မြဝတီမြို့ ရေပေးဝေရေးစနစ် အဆင့်မြှင့်တင်ခြင်း စီမံကိန်းတန်ဖိုးမှာ အမေရိကန်ဒေါ်လာ ၁၁ ဒသမ ၃ သန်းဖြစ်ပြီး မြဝတီမြို့၏ အမှိုက်စွန့်ပစ်စနစ် အဆင့်မြှင့်တင်ခြင်း စီမံကိန်းတန်ဖိုးမှာ အမေရိကန်ဒေါ်လာ ၇ ဒသမ ၆ သန်းဖြစ်ပါကြောင်း၊ Public Awareness Programs များ ဆောင်ရွက်ရန်နှင့် မြဝတီမြို့တွင် တာဝန်ထမ်းဆောင်နေသည့် အစိုးရ ဝန်ထမ်းများ၏ စွမ်းဆောင်ရည် မြှင့်တင် ခြင်းအတွက် အမေရိကန်ဒေါ်လာ ၂ ဒသမ ၂သန်းနှင့် စီမံကိန်းအကောင်အထည် ဖော်မည့် ကာလအတွင်း ကုန်ကျမည့်Financing Chargesများ၊ အခြားကုန် ကျစရိတ်များအတွက်လည်း ချေးငွေကို ကျခံသုံးစွဲသွားမည်ဖြစ်ပါကြောင်း။

ထို့ပြင် မြဝတီမြို့နှင့် မဲဆောက်မြို့တို့တွင် စီးပွားရေးကုန်သွယ်မှုဇုန်နှင့် စက်မှုဇုန်များ ထူထောင်၍ မြန်မာ-ထိုင်း နယ်စပ်ဒေသ ဘက်ညီမျှတ ဖွံ့ဖြိုးစေ ရန်Joint Spatial Development Plan စီမံကိန်းပုံစံအား ရေးဆွဲပေးခြင်း အတွက် ADBချေးငွေမှ အမေရိကန်ဒေါ်လာ သုည ဒသမ ၉ သန်း သုံးစွဲသွား မည်ဖြစ်ပါကြောင်း၊ ဖွံ့ဖြိုးမှုစီမံကိန်းကြောင့် မြဝတီမြို့မှ ရရှိခံစားနိုင်မည့် မြို့ပြ ဝန်ဆောင်မှုဆိုင်ရာ အကျိုးရလဒ်များမှာ မြို့ပြပြိုင်ဆိုင်မှု မြင့်တက်လာခြင်း၊ အခြေခံမြို့ပြဝန်ဆောင်မှုများ တိုးတက်လာခြင်း၊ မြို့ပြစီမံခန့်ခွဲမှု စွမ်းရည်မြင့် တက်လာခြင်း၊ လက်ရှိရေပေးဝေရေး ပမာဏထက် ပိုမိုရေပေးဝေနိုင်ခြင်း၊ ရေလေလွင့်မှု လျော့နည်းစေခြင်း၊ ရေခွန်ရေခများပိုမိုကောက်ခံနိုင်ခြင်း၊ နိုင်ငံ တကာအဆင့်မီ ၂၄ နာရီရေဖြန့်ဖြူးပေးနိုင်ခြင်း၊ မြဝတီမြို့၏ အမှိုက်စွန့် ပစ်မှုစနစ်အား စနစ်တကျခွဲခြားသိမ်းဆည်းနိုင်ခြင်းကြောင့် သဘာဝပတ်ဝန်း ကျင်ပျက်စီးမှုနှင့် ဒေသနေပြည်သူများ၏ ကျန်းမာရေးထိခိုက်မှုတို့ကို လျှော့ချ နိုင်ပြီး လူမှုစီးပွားဖွံ့ဖြိုးတိုးတက်လာနိုင်သည့် အကျိုးကျေးဇူးများရရှိလာမည် ဖြစ်ပါကြောင်း။

စီမံကိန်းဆောင်ရွက်မှု အစီအစဉ်များအနေဖြင့် ၂ဝ၁၇-၂ဝ၁၈ ခုနှစ် အတွင်း စီမံကိန်းအကြိုပြင်ဆင်ခြင်းနှင့် အတည်ပြုခြင်းလုပ်ငန်းစဉ်များ ဆောင် ရွက်နေဆဲဖြစ်ပါကြောင်း၊ ၂ဝ၁၉-၂ဝ၂ဝ ခုနှစ်အတွင်း စီမံကိန်းအသေးစိတ် ပုံစံများရေးဆွဲရေးနှင့် Procurement လုပ်ငန်းများကို Consultant Teamအဖွဲ့ ငှားရမ်းရေးဆွဲဆောင်ရွက်သွားမည်ဖြစ်ပါကြောင်း၊ NEDA ထံမှ ချေးငွေ အမေရိကန်ဒေါ်လာ ၂၄ ဒသမ ၃သန်း ရယူဆောင်ရွက်နိုင်ရန် ကိစ္စသည် မြဝတီမြို့ ဖွံ့ဖြိုးတိုးတက်ရေးအတွက်သာမက ၎င်းနှင့်ဆက်စပ်နေသည့် မြန်မာ့ ဟိုတယ်နှင့်ခရီးသွားအခွင့်အလမ်းဖွံ့ဖြိုးတိုးတက်ရေး၊ မြန်မာ့စက်မှုလုပ်ငန်းဖွံ့ဖြိုး တိုးတက်ရေးတို့နှင့် ဆက်စပ်၍ မြန်မာ့စီးပွားရေးတစ်ခုလုံး ဖွံ့ဖြိုးတိုးတက်ရေးကို အထောက်အကူပြုမည်ဖြစ်သည့်အတွက် ပြည်ထောင်စုလွှတ်တော်မှ အတည် ပြုပေးနိုင်ပါရန် တင်ပြအပ်ပါကြောင်း ပြောကြားသည်။

စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်း က လွှတ်တော်က အတည်ပြုပြီးသည့်အခါတွင် ချေးငွေပေးအပ်မည့် အဖွဲ့အစည်းနှင့် ချေးငွေစာချုပ်အတွက်ညှိနှိုင်းခြင်း၊ စာချုပ်ချုပ်ဆိုခြင်း၊ ချေးငွေ ရယူခြင်း၊ ထပ်ဆင့်ထုတ်ချေးခြင်း၊ ချေးငွေထုတ်ယူသုံးစွဲမှုကို အစီရင်ခံတင်ပြ စေခြင်း၊ ချေးငွေပြန်လည်ပေးဆပ်ရာတွင် ကြပ်မတ်ဆောင်ရွက်သွားမည်ဖြစ် ပါကြောင်း ပြောကြားသည်။

ထို့နောက် ပြည်ထောင်စုလွှတ်တော်နာယက က အဆိုပါကိစ္စနှင့် စပ်လျဉ်း ၍ စက်ခလုတ်အသုံးပြု၍ လွှတ်တော်၏ဆန္ဒမဲရယူရာ ထောက်ခံမဲ ၄၆၃ မဲ၊ ကန့်ကွက်မဲ ၉ မဲ၊ ကြားနေမဲ ၂ မဲဖြင့် ထောက်ခံမဲများသည့်အတွက် လွှတ်တော်က အတည်ပြုကြောင်း ကြေညာသည်။

ယင်းနောက် နိုင်ငံတော်သမ္မတထံမှ ပေးပို့ထားသော မဲခေါင်ဒေသဆိုင်ရာ အရင်းအနှီး ဈေးကွက်ဖွံ့ဖြိုးတိုးတက်မှုနှင့် ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာတွင် ပါဝင်လက်မှတ်ရေးထိုးရေးကိစ္စနှင့် စပ်လျဉ်း၍ လွှတ်တော် ကိုယ်စားလှယ်များက ဆွေးနွေးကြသည်။

လှိုင်းဘွဲ့မဲဆန္ဒနယ်မှ ဦးခင်ချိုက စာချွန်လွှာလက်မှတ်ထိုးရန် အဖွဲ့ဝင် နိုင်ငံများမှာ မြန်မာ၊ လာအို၊ ကမ္ဘောဒီးယား၊ ဗီယက်နမ်နှင့် ထိုင်းစသည့် နယ်နိမိတ်ချင်းထိစပ်နေသည့် အဖွဲ့ဝင်(၅)နိုင်ငံပါဝင်ပါကြောင်း၊ ရည်ရွယ်ချက် သည် ဒေသတွင်းရှိ ပြည်သူများချမ်းသာကြွယ်ဝမှုမြှင့်တင်နိုင်ရေး၊ အတွေ့အကြုံ များ ပူးပေါင်းဖလှယ်နိုင်ရေး၊
အရင်းအနှီးဈေးကွက် မူဝါဒချမှတ်နိုင်ရေး၊ အချင်းချင်းချစ်ကြည်ရင်းနှီးစွာ အပြန်အလှန်နားလည်မှုနှင့် ဆက်သွယ်ဆောင်ရွက်နိုင်ရေး၊ သတင်းအချက် အလက်ဖလှယ်နိုင်ရေး၊ အကူအညီရယူနိုင်ရေးနှင့် သုတေသနလုပ်ငန်းများ ပူးပေါင်းရှာဖွေဖော်ထုတ်နိုင်ရေးတို့အတွက် ဖြစ်ပါကြောင်း။

နားလည်မှုစာချွန်လွှာတွင် မြန်မာနိုင်ငံမှပါဝင်လက်မှတ်ရေးထိုးရေး လွှတ်တော်ကသဘောတူ

မြန်မာနိုင်ငံအနေဖြင့် စာချွန်လွှာတွင် အဖွဲ့ဝင်နိုင်ငံအဖြစ် လက်မှတ် ရေးထိုးခြင်းအားဖြင့် ထိုင်းနှင့် ဗီယက်နမ်တို့၏ လုပ်ကိုင်ဆောင်ရွက်မှုများအပေါ် လေ့လာနိုင်ပြီး နည်းပညာဖလှယ်ခြင်း၊ ပူးပေါင်းဆောင်ရွက်ခြင်းဖြင့် နိုင်ငံတိုး တက်ရန် ဆောင်ရွက်လာနိုင်မည့် အခွင့်အလမ်းရရှိနိုင်မည်ဖြစ်ပါကြောင်း၊ အဖွဲ့ဝင် ငါးနိုင်ငံ၏ ကုန်သွယ်မိတ်ဖက် နိုင်ငံများလည်း မြန်မာနိုင်ငံအတွက် မိတ်ဆွေသစ်များအဖြစ် တိုးလာနိုင်ပါကြောင်း ထောက်ခံဆွေးနွေးသည်။

လွိုင်ကော်မဲဆန္ဒနယ်မှ ဒေါက်တာဒေါ်ခင်စည်သူက မဲခေါင်ဒေသဆိုင်ရာ အရင်းအနှီးဈေးကွက် ဖွံ့ဖြိုးတိုးတက်မှုနှင့် ပူးပေါင်းဆောင်ရွက်ရေးဆိုင်ရာ နားလည်မှုစာချွန်လွှာတွင် လက်မှတ်ရေးထိုးမည်ဆိုပါက လက်မှတ်ရေးထိုး ထားသည့် နိုင်ငံအကြား ပူးပေါင်းဆောင်ရွက်ခြင်းမှတစ်ဆင့် အသိပညာ ဗဟုသုတများ၊ ကျွမ်းကျင်မှုများ၊ အတွေ့အကြုံများ၊ သင်ခန်းစာများ၊ ကောင်းမွန် သည့် အလေ့အကျင့်များ၊ စွမ်းရည်မြှင့်တင်ခြင်းဆိုင်ရာအစီအစဉ်များ မျှဝေ ခြင်းဖြင့် မိမိနိုင်ငံအတွင်းရှိ စည်းမျဉ်းမူဘောင်များကို နိုင်ငံတကာနှင့် ဒေသ အတွင်းအဆင့်၊ စည်းမျဉ်းမူဘောင်များနှင့် တန်းတူရည်တူ ပိုမိုကောင်းမွန် လာစေရန် ဖြစ်ပါကြောင်း။

ဒေသတွင်းဈေးကွက် အခြေအနေများအပေါ် ပိုမိုနားလည်စေရန်၊ စာချုပ်ဝင်နိုင်ငံများအကြား အပြန်အလှန် အကျိုးကျေးဇူးဖြစ်ထွန်းစေရန်၊ နယ်စပ်ဖြတ်ကျော် အရင်းအနှီးဈေးကွက်လှုပ်ရှားမှုများအား အရှိန်အဟုန်မြှင့် တင်ပေးနိုင်ရေးအတွက် အခွင့်အလမ်းများ လေ့လာဖော်ထုတ်ပေးနိုင်ရန်စသည့် အကျိုးကျေးဇူးများ ရရှိနိုင်မည်ဖြစ်ပြီး ပုဂ္ဂလိကကဏ္ဍအတွက် လိုအပ်သော ရင်းနှီးငွေများကို အရင်းအနှီးဈေးကွက်မှတစ်ဆင့် ရှာဖွေရယူနိုင်မည်ဖြစ်ပါ ကြောင်း ထောက်ခံဆွေးနွေးသည်။

ယင်းကိစ္စနှင့်စပ်လျဉ်း၍ ပန်းတောင်းမဲဆန္ဒနယ်မှ ဒေါ်ခင်နှင်းသစ်နှင့် စစ်ကိုင်းတိုင်းဒေသကြီး မဲဆန္ဒနယ်အမှတ်(၁)မှ ဦးကျော်သောင်းတို့က ဆက်လက်ဆွေးနွေးကြသည်။

ထို့နောက် စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင် မောင်ဝင်းက အဆိုပါကိစ္စနှင့်စပ်လျဉ်း၍ ပြန်လည်ရှင်းလင်းဆွေးနွေးရာတွင် နားလည်မှုစာချွန်လွှာ လက်မှတ်ရေးထိုးခြင်းဖြင့် ပါဝင်လက်မှတ်ရေးထိုး ထားပြီးဖြစ်သော နိုင်ငံများဖြစ်သည့် ဒေသတွင်းနိုင်ငံများနှင့် မြန်မာနိုင်ငံတို့ အကြား ပူးပေါင်းဆောင်ရွက်ခြင်းမှတစ်ဆင့် ဒေသအတွင်းရှိ အရင်းအနှီး ဈေးကွက်များတွင် နယ်စပ်ဖြတ်ကျော် ရင်းနှီးမြှုပ်နှံမှုများကို အားပေးမြှင့်တင် ပေးခြင်း၊ ကမ္ဘာ့အရင်းအနှီးဈေးကွက်၌ ရင်းနှီးမြှုပ်နှံရာတွင် ဖြစ်ပေါ်လာတတ် သည့် လိမ်လည်မှု၊ အလွဲသုံးစားလုပ်မှု စသည့် နစ်နာမှုများကို စုံစမ်းဖော်ထုတ် ခြင်း၊ စိစစ်အရေးယူခြင်းတို့ ဆောင်ရွက်ရာတွင် အဖွဲ့ဝင်နိုင်ငံအချင်းချင်း ပူးပေါင်းဆောင်ရွက်မှုတို့ကို လွယ်ကူချောမွေ့စေမည်ဖြစ်ပါကြောင်း။

သို့ဖြစ်ပါ၍ မဲခေါင်ဒေသဆိုင်ရာ အရင်းအနှီးဈေးကွက် ဖွံ့ဖြိုးတိုးတက်မှု နှင့် ပူးပေါင်းဆောင်ရွက်မှုဆိုင်ရာ နိုင်ငံများအကြား နားလည်မှုစာချွန်လွှာ Mekong Capital Market Cooperation-Multilateral Memorandum of Understanding (MCMC MMoU)တွင် မြန်မာနိုင်ငံမှ ပါဝင်လက်မှတ် ရေးထိုးနိုင်ရေးအပေါ် ပြည်ထောင်စုလွှတ်တော်မှ အတည်ပြုပေးနိုင်ပါရန် ရှင်းလင်းတင်ပြအပ်ပါကြောင်း ပြောကြားသည်။

ဆက်လက်၍ ပြည်ထောင်စုလွှတ်တော် နာယက က အဆိုပါကိစ္စနှင့် စပ်လျဉ်း၍ လွှတ်တော်၏ အဆုံးအဖြတ်ရယူရာ လွှတ်တော်က သဘောတူ အတည်ပြုကြောင်း ကြေညာသည်။

ဒုတိယအကြိမ် ပြည်ထောင်စုလွှတ်တော် ဒသမပုံမှန်အစည်းအဝေး ဆဋ္ဌမနေ့ကို ဒီဇင်ဘာ ၃ရက်တွင် ဆက်လက်ကျင်းပသွားမည်ဖြစ်ကြောင်း သိရသည်။

အောင်ရဲသွင်၊ အေးအေးသန့်(သတင်းစဉ်)