ရခိုင်ပြည်နယ်ဝန်ကြီးချုပ် ဦးညီပုနှင့် ပြည်နယ်ဝန်ကြီးများ အဖွဲ့သည် ယနေ့နံနက်ပိုင်းတွင် ဆောက်လုပ်ရေးနှင့် အခြေခံအဆောက်အအုံများ တည်ဆောက်ရေးလုပ်ငန်း အဖွဲ့မှ စီးပွားရေးလုပ်ငန်းရှင်များနှင့်အတူ မောင်တော ဒေသ မြောက်ပိုင်းဒေသများဖြစ်သော ငါးခူရစခန်း မြေနေရာများနှင့် တောင်ပြိုလက်ဝဲမြေနေရာများ၌ ပြန်လည်ရောက်ရှိလက်ခံမည့်သူများအား လက်ခံစစ်ဆေး မည့်စခန်းမြေနေရာများကို မြေပြင်ကွင်းဆင်းကြည့်ရှုသည်။
ဝန်ကြီးချုပ်၊ ပြည်နယ်ဝန်ကြီးများနှင့် စီးပွားရေး လုပ်ငန်းရှင်များ ပါဝင်သောအဖွဲ့သည် ယနေ့ နံနက်ပိုင်းတွင် မောင်တောမြောက်ပိုင်းဒေသမှ မူလနေရာ ချောင်းတစ်ဖက်ကမ်းသို့ ပြောင်းရွှေ့ပေးမည့် မြဝတီ(မြို)ကျေးရွာမြေနေရာအနေအထားနှင့် နယ်စပ်ရေးရာဝန်ကြီး ဌာန နယ်စပ်ဒေသနှင့် တိုင်းရင်းသားလူမျိုးများဖွံ့ဖြိုး တိုးတက်ရေးဦးစီးဌာနမှ တာဝန်ယူတည်ဆောက်ပေးလျက် ရှိသော သစ်တုံးနားခွဆုံကျေးရွာအုပ်စု ခုံတိုင်(မြို) ကျေးရွာသစ် တည်ဆောက်မှုအခြေအနေများကို မြေပြင် ကွင်းဆင်းလိုက်လံကြည့်ရှုသည်။
ထို့နောက် ARSA အစွန်းရောက်အကြမ်းဖက်သမား များကြောင့် မီးလောင်ပျက်စီးသွားသော အိုးထိန်း(ဟိန္ဒူ)ကျေးရွာသစ် ပြန်လည်တည်ဆောက်ပေးမည့် မြေနေရာ အနေအထားနှင့် လမ်းဖောက်လုပ်ပေးမည့် လမ်းအူကြောင်း မြေနေရာအား အကောင်အထည်ဖော် တည်ဆောက်ပေး မည့် စီးပွားရေးလုပ်ငန်းရှင်များနှင့် တိုင်ပင်ဆွေးနွေးသည်။ အဆိုပါ အိုးထိန်း(ဟိန္ဒူ)ကျေးရွာတွင် အိမ်ထောင်စု ၇၂ စုရှိပြီး မိသားစုများနေထိုင်နိုင်ရန် အနံပေ ၄ဝ နှင့် အလျား ပေ ၆ဝ ရှိနေအိမ်များ တည်ဆောက်ပေးသွားမည်ဖြစ် ကြောင်း သိရသည်။
နယ်စပ်ရေးရာဝန်ကြီးဌာန နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာနက အကောင်အထည်ဖော် တည်ဆောက်ပေးလျက်ရှိသော ခုံတိုင်(မြို) ကျေးရွာသစ်တည်ဆောက်မှုနှင့် ပတ်သက်၍ ရခိုင်ပြည်နယ်ဝန်ကြီးချုပ် ဦးညီပုက တည်ဆောက်လျက် ရှိသော တာဝန်ရှိသူများနှင့် ဒေသခံမြိုတိုင်းရင်းသားများ နှင့်တွေ့ဆုံရာတွင် လုပ်ငန်းခွင်အနေအထားအခက်အခဲများ နှင့်ပတ်သက်၍လည်းကောင်း၊ သတ်မှတ်ကာလအမီ အချိန်နှင့်တစ်ပြေးညီ ပြီးစီးရေးနှင့် လုပ်ငန်းခွင်အလုပ် သမားအခက်အခဲဖြစ်ပေါ်ပါက ဒေသခံမြိုတိုင်းရင်းသား များအား လုပ်ခနှုန်းထားသတ်မှတ်ပေးကာ လုပ်ကိုင်စေလို ကြောင်း၊ မြိုတိုင်းရင်းသားများအနေဖြင့်လည်း မူလနေရာ ဟောင်းမှ မြိုကျေးရွာသစ်တည်ဆောက်မည့်နေရာသို့ ပြောင်းရွှေ့လုပ်ကိုင်စေလိုကြောင်းနှင့် မိမိတို့နေထိုင်မည့် ကျေးရွာသစ်တည်ဆောက်ရာတွင် အားတက်သရော ပါဝင် ဆောင်ရွက်ကြရန် အထူးမှာကြားသည်။
ယင်းနောက် ရခိုင်ပြည်နယ်ဝန်ကြီးချုပ်နှင့်အဖွဲ့ သည် ARSA အစွန်းရောက်အကြမ်းဖက်သမားများ ကြောင့် ကျေးရွာများ မီးလောင်ပျက်စီးသွား၍ တစ်ဖက် နိုင်ငံသို့ ရောက်ရှိသွားသော မိသားစုများပြန်လည်လက်ခံ နိုင်ရန် စိစစ်နေရာချထားပေးမည့် စခန်းနေရာများဖြစ်သော တောင်ပြိုလက်ဝဲမြို့နှင့် ငါးခူရစခန်းနေရာများကို အသေးစိတ်လိုက်လံကြည့်ရှုကာ အကောင်အထည်ဖော် တည်ဆောက်ပေးမည့် လုပ်ငန်းရှင်များနှင့် ဆွေးနွေးသည်။
သတင်းအဖွဲ့၊ ဓာတ်ပုံ-မင်းထက်
No comments:
Post a Comment