နေပြည်တော် ဖေဖော်ဝါရီ ၂၇
တရားမဝင်ကုန်စည်များ တားဆီးထိန်းချုပ်ရေးအတွက် ဆောင် ရွက်မည့် လုပ်ငန်းအစီအမံများ ညှိနှိုင်းအစည်းအဝေးကို ယနေ့ နံနက် ၁ဝ နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၌ ကျင်းပရာ ပြည်ထောင်စုဝန်ကြီး ဦးကျော်ဝင်း တက်ရောက် အမှာစကားပြောကြားသည်။
ပြည်ထောင်စုဝန်ကြီးက တရားမဝင်ကုန်စည်စီးဆင်းမှု တားဆီးထိန်းချုပ်ရေးစီမံချက်အား မတ် ၁ ရက်မှစ၍ အကောင် အထည်ဖော်ဆောင်ရွက်မည်ဖြစ်သည့်အတွက် တိုင်းဒေသကြီး/ ပြည်နယ် အစိုးရအဖွဲ့များ၊ ပြည်ထောင်စုဝန်ကြီးဌာနများနှင့် တိုင်းဒေသကြီး/ ပြည်နယ်အစိုးရအဖွဲ့များတွင်ရှိသော ဌာနများ ပေါင်းစပ်ညှိနှိုင်းဆောင်ရွက်မှသာ စီမံချက်အောင်မြင်မည် ဖြစ်ကြောင်း။
ဆက်လက်၍ အကောက်ခွန်ဦးစီးဌာနအနေဖြင့် တရားမဝင် ကုန်စည်သယ်ဆောင်မှုများ တားဆီးရေးကိုရေရှည်နှင့် ကာလတို လုပ်ငန်းစဉ် နှစ်ရပ်ဖြင့် တားဆီးထိန်းချုပ်မည့် အစီအမံအား ပထမအဆင့် ကချင်ပြည်နယ်၊ ဒုတိယအဆင့် ရှမ်း၊ ကရင်၊ ပဲခူး တိုင်းဒေသကြီး၊ တတိယအဆင့် စစ်ကိုင်း၊ တနင်္သာရီတိုင်းဒေသ ကြီးတို့တွင် ဆောင်ရွက်သွားမည်ဖြစ်ကြောင်း။
နယ်စပ်ဂိတ်များတွင် ကုန်စည်စီးဆင်းမှုအား နှစ်ဖက်နိုင်ငံ အကောက်ခွန်ဦးစီးဌာနတို့ ညှိနှိုင်း၍ ခွင့်ပြုသင့် /ခွင့်မပြုသင့် သည့် ပစ္စည်းများအား ညှိနှိုင်းသွားရန်ဖြစ်ကြောင်း၊ ပြည်တွင်း တရားမဝင်ကုန်စည်များ မရောင်းချနိုင်ရန် အသိပညာပေး လုပ်ငန်းစဉ်များ ဆောင်ရွက်သွားရန်ဖြစ်ကြောင်း၊ တရားဥပဒေ နှင့်အညီ လုပ်ကိုင်ဆောင်ရွက်နိုင်သည့် ကုန်စည်စီးဆင်းမှု လမ်းကြောင်းမှန်ပေါ်သို့ ရောက်အောင် ဆွဲတင်ရမည်ဖြစ်ကြောင်း။
ထို့အပြင် စစ်ဆေးရေးဂိတ်များတွင်စစ်ဆေးသည့် သတင်း များနှင့် ဖမ်းဆီးရရှိသည့်သတင်းများအား အချိန်နှင့်တစ်ပြေးညီ ထုတ်ပြန်နိုင်ရေး မီဒီယာများနှင့် ဆက်သွယ်ဆောင်ရွက်ထား ကြောင်း၊ ဖမ်းဆီးရမိသည့်ပစ္စည်း၏ ၅ဝ ရာခိုင်နှုန်းကို ဆု ချီးမြှင့်မည်ဖြစ်ပြီး ပါဝင်ဖမ်းဆီးသည့် ဝန်ထမ်းများအား ဂုဏ်ပြု ချီးမြှင့်ခြင်းဖြစ်ကြောင်း ပြောကြားသည်။
အစည်းအဝေးသို့ တိုင်းဒေသကြီးနှင့် ပြည်နယ်အစိုးရ အဖွဲ့ဝန်ကြီးများ၊ ဝန်ကြီးဌာနများမှ တာဝန်ရှိသူများ တက် ရောက်ကြသည်။ (သတင်းစဉ်)
No comments:
Post a Comment