ကြွရောက်လာကြတဲ့ နိုင်ငံတော်၏အတိုင်ပင်ခံပုဂ္ဂိုလ်နဲ့ အစိုးရ၊ လွှတ်တော်၊ တပ်မတော်၊ တိုင်းရင်းသား အသီးသီး မှ ကိုယ်စားလှယ်များအပါအဝင် ကမ္ဘာ့ကုလသမဂ္ဂ အတွင်းရေးမှူးချုပ်နဲ့တကွ နိုင်ငံတကာမှ အစိုးရ သံအရာရှိများ၊ ကမ္ဘာ့မိသားစုများနဲ့ တစ်သီးပုဂ္ဂလများ အားလုံးကို မင်္ဂလာအပေါင်းနဲ့ ပြည့်စုံတဲ့ နံနက်ခင်းပါလို့ ဦးစွာနှုတ်ခွန်းဆက်သအပ်ပါတယ်။
ဒီနေ့ဟာဖြင့် ကျွန်တော်တို့ တိုင်းပြည်အတွက် ရှည်ကြာ လှပြီဖြစ်တဲ့ စစ်ရဲ့အနိဋ္ဌာရုံတွေကို ပြည်ဖုံးကားချပြီး ပြည်သူလူထုတစ်ရပ်လုံး မျှော်လင့်တောင့်တ တောင်းဆိုနေ ကြတဲ့ ဖက်ဒရယ်ဒီမိုကရေစီပြည်ထောင်စု တည်ဆောက် ရေးအတွက် အတူတကွ လက်တွဲပူးပေါင်းဆောင်ရွက်နိုင် ကြဖို့အတွက် ရည်သန်ပြီး ငြိမ်းချမ်းရေး အစပျိုးဖို့ စုစည်း ကြတဲ့ နေ့တစ်နေ့လို့ ပြောရပါမယ်။ ဒါကြောင့် မြန်မာပြည် သမိုင်းမှာ ထူးကဲတဲ့ နေ့ထူးနေ့မြတ်ဖြစ်တာကြောင့်မို့ ညီလာခံတက်ရောက်လာသူအားလုံးကို နွေးထွေးစွာ ကြိုဆို ပါကြောင်းနဲ့ ဒီညီလာခံဖြစ်မြောက်ရေးအတွက် အဘက် ဘက်မှ ပါဝင်ကြိုးပမ်းဆောင်ရွက်ကြသူအားလုံးကိုလည်း အထူးပင် ကျေးဇူးတင်ရှိပါကြောင်း ပဏာမပြောကြားလို ပါတယ်။
ကျွန်တော့်အနေနဲ့ တိုင်းရင်းသားညီရင်းအစ်ကိုတွေ စုံညီစွာ တစ်ဖန်ပြန်ပြီး စုရုံးတွေ့ဆုံကြတဲ့ ဒီညီလာခံနဲ့ပတ် သက်ပြီး အနည်းငယ်ပြောလိုတဲ့ အကြောင်းတွေရှိပါတယ်။ အဲဒါကတော့ ကျွန်တော်တို့ တိုင်းပြည်ကြီးကို လွတ်လပ်ရေး ရရှိအောင် ဆောင်ကြဉ်းပေးခဲ့တဲ့ ပင်လုံသဘောတူညီချက်နဲ့ ပတ်သက်တဲ့ အကြောင်းပဲဖြစ်ပါတယ်။ ဒီပင်လုံသဘော တူညီချက်ကို အကြောင်းပြုပြီး ခုတစ်ခါ ပြည်ထောင်စု ငြိမ်းချမ်းရေးညီလာခံ -(၂၁) ရာစုပင်လုံဆိုပြီး ဒီညီလာခံ ကို ကျင်းပတာဖြစ်တဲ့အတွက် ၁၉၄၇ ခုနှစ်က ကျွန်တော်တို့ တိုင်းပြည်လွတ်လပ်ရေးကို ဆောင်ကြဉ်းပေးခဲ့တဲ့ ပင်လုံ သဘောတူညီချက်ကိုအစွဲပြုပြီး ဒုတိယအကြိမ် ပင်လုံ ညီလာခံကို ကျင်းပတယ်လို့ ကျွန်တော့်ရဲ့စိတ်ထဲမှာ ခံစားရပါတယ်။
၁၉၄၇ ခုနှစ်က ချုပ်ဆိုခဲ့တဲ့ ပင်လုံသဘောတူညီချက်ဟာ ဟိုတုန်းက ရှိခဲ့တဲ့ အခြေအနေအောက်ကနေ ဖော်ဆောင်ခဲ့တာဖြစ်သလို ခုတစ်ကြိမ်မှာလည်း မတူကွဲပြားတဲ့အခြေအနေနဲ့ လိုက် လျောညီထွေဖြစ်အောင် ဖော်ဆောင်ကျင်းပတယ်လို့ နားလည်ပါတယ်။
ဒါကြောင့် ဟိုတုန်းကထားရှိခဲ့တဲ့ ပင်လုံစိတ်ဓာတ်၊ ပင်လုံကတိကဝတ်နဲ့ချုပ်ဆိုခဲ့တဲ့ ပင်လုံသဘောတူညီချက် စာချုပ်တွေဟာ အားလုံးက ပါဝင်ပြီး သဘောတူညီချမှတ်၊ လက်မှတ်ရေးထိုးထားခြင်း မရှိသော်လည်းဘဲ တိုင်းရင်း သားအားလုံးအတွက် ဒီမိုကရေစီရေး၊ တန်းတူရေးနဲ့ ကိုယ်ပိုင်ပြဋ္ဌာန်းခွင့်တို့အတွက် မျှော်လင့်ထားသလို ဖက်ဒရယ်ပြည်ထောင်စုကြီးအဖြစ် မဖော်ဆောင်နိုင် သေးတာကလွဲရင် လွတ်လပ်တဲ့တိုင်းပြည်တစ်ခုအဖြစ် ကမ္ဘာ့အလယ်မှာ ထည်ဝါတင့်တယ်စေခဲ့တာကိုတော့ အားလုံးက ငြင်းကွယ်လို့မရတဲ့ သမိုင်းမှတ်တိုင်တစ်ခုဆို တာကိုတော့ အသိပေးလိုပါတယ်။
ဟိုတုန်းက ကျွန်တော်တို့ပြောခဲ့တဲ့ ဖက်ဒရယ် ပြည်ထောင်စုဟာ စုဖွဲ့ပြီး အေးအတူ၊ ပူအမျှ ယှဉ်တွဲနေထိုင် ဖို့ ဖြစ်သလိုပဲ အခုကျွန်တော်တို့ပြောတဲ့ ဖက်ဒရယ်ဒီမိုကရေစီပြည်ထောင်စုဟာလည်း ခွဲထွက်ရေးမဟုတ်ဘူးဆိုတာ ကို ပြောလိုတယ်။ တစ်ခုပဲပြောလိုတာကတော့ တန်းတူ ရည်တူ၊ အေးအတူ၊ ပူအမျှ ယှဉ်တွဲနေထိုင်နိုင်ဖို့ တစ်ယောက်နဲ့တစ်ယောက်၊ လူမျိုးတစ်မျိုးနဲ့တစ်မျိုး ဘယ်လိုအပြန်အလှန်အသိအမှတ်ပြုကြပြီး အပြန်အလှန် ပူးပေါင်းဆောင်ရွက်ကြမယ်၊ မျှဝေခံစားကြမယ်၊ ပူးပေါင်း ဆောင်ရွက်ကြမယ်ဆိုတဲ့ သာစေ၊ နာစေ မဟုတ်တဲ့ ညီအစ်ကို မောင်နှမ စိတ်ဓာတ်(သို့မဟုတ်) ပြည်ထောင်စုစိတ်ဓာတ်ကို မွေးမြူကြဖို့တော့ အလွန်အရေးကြီးပါတယ်။ ဗမာမဟုတ်တဲ့ ကျွန်တော်တို့တိုင်းရင်းသားတစ်တွေ လက်နက်စွဲကိုင်ပြီး တော်လှန်မှုတွေ ပြုလုပ်နေကြတာဟာ ဘာကြောင့်လဲလို့ မေးချင်ကြပါလိမ့်မယ်။ ကျွန်တော်တို့ဟာ ပင်လုံမှာ ပြုခဲ့ကြတဲ့ ကတိ၊ ချုပ်ခဲ့ကြတဲ့ စာချုပ်ပါ သဘောတူညီချက်တွေကို ပြီးပြည့်စုံအောင် အကောင်အထည်မဖော်ခဲ့ကြလို့ ကျွန်တော်တို့ လိုလားတောင့်တတဲ့ ဒီမိုကရေစီရေး၊ အမျိုးသား တန်းတူရေးနဲ့ ကိုယ်ပိုင်ပြဋ္ဌာန်းခွင့်တို့ကို အာမခံတဲ့ အခွင့်အရေးတွေ ဆုံးရှုံးနေရလို့ပဲဆိုတာကို ပြောလိုပါတယ်။
ဒါကြောင့် ပင်လုံစိတ်ဓာတ်၊ ပင်လုံကတိကဝတ်၊ ပင်လုံသဘောတူညီချက်တွေကို အခြေခံပြီး ဗြိတိသျှကိုလိုနီ လက်အောက်မှ လွတ်လပ်လာတဲ့ ကျွန်တော်တို့တိုင်းပြည်မှာ တန်းတူညီမျှမှုနဲ့ တရားမျှတမှုတွေ၊ ကိုယ်ပိုင်ပြဋ္ဌာန်း ခွင့်တွေကို အာမခံဆောင်ကြဉ်းပေးမယ့် ဖက်ဒရယ် ဒီမိုကရေစီပြည်ထောင်စု ပေါ်ထွန်းဖို့အတွက် အခုစတင် ကျင်းပပြုလုပ်တဲ့ ညီလာခံကနေ ရှေ့ဆက်ညီလာခံတွေမှာ ပင်လုံစိတ်ဓာတ်၊ ကတိကဝတ်နဲ့ သဘောတူညီချက်တွေကို ယုတ်လျော့ပျက်ပြယ် တိမ်းစောင်းမှေးမှိန်စေခြင်း အလျဉ်း မရှိစေဘဲ အထူးသတိချပ်ပြီး ဆွေးနွေးညှိနှိုင်းဆုံးဖြတ် ချက် ချမှတ်အကောင်အထည်ဖော် ဆောင်ရွက်ကြဖို့ အလွန်အရေးကြီးပါမယ်။ တိုင်းပြည်ရဲ့ အနာဂတ်အရေးကို ဆောင်ရွက်ကြတဲ့နေရာမှာ စိတ်ရှည်သည်းခံခြင်း၊ သဘောထားကြီးခြင်း၊ နားလည်မှုရှိခြင်း၊ ယုံကြည်မှုရှိခြင်းနဲ့ ခွင့်လွှတ်တတ်ခြင်းတို့ကို အခြေခံဖို့လည်း အရေးကြီးပါ တယ်။ ကျွန်တော်တို့အားလုံးဟာ မတူကွဲပြားတဲ့ သမိုင်း အခြေခံ၊ ယဉ်ကျေးမှုဓလေ့ထုံးတမ်း၊ ယုံကြည်ကိုးကွယ်မှုနဲ့ ဘာသာစကားတွေကနေ လာကြတာဖြစ်တဲ့အတွက် အပေါ်ကပြောခဲ့တဲ့ စိတ်ရှည်သည်းခံမှု၊ သဘောထားကြီးမှု၊ ယုံကြည်မှုနဲ့ အပြန်အလှန် အသိအမှတ်ပြုမှုတွေဟာ မရှိ မဖြစ် လိုအပ်မှာဖြစ်ပါတယ်။
ဒီအချိန်ဟာ သယံဇာတ ပေါကြွယ်ဝပါရက်နဲ့ ဆင်းရဲမွဲတေနေတဲ့ ကျွန်တော်တို့ တိုင်းပြည်ရဲ့ အနာဂတ်အတွက် အတူတကွ အားကြိုး မာန်တက် ပူးပေါင်းဆောင်ရွက်ကြဖို့ အဆောတလျင် လိုနေပြီမို့ ကျွန်တော့်အနေနဲ့ ကဗျာတွေ၊ စာတွေ သီကာ ပတ်ကုံးပြောမနေဘဲ ရိုးရှင်းစွာ လိုရင်းတိုရှင်းပဲပြောလိုပါတယ်။
ဒီနေရာမှာ ပြောလိုတာကတော့ အားလုံးတန်းတူ ရည်တူ အခြေခံအောက်မှာ တိုင်းပြည်ရဲ့ အနာဂတ်အတွက် ညှိနှိုင်းအဖြေရှာ ဆွေးနွေးကြဖို့နဲ့ ပြည်သူလူထုတစ်ရပ်လုံး အကျိုးစီးပွားကို ရှေ့တန်းတင်ပူးပေါင်းလုပ်ဆောင်ကြ ဖို့က ပိုအရေးကြီးပါတယ်။
ဒါကြောင့် နောက်ဆုံးအနေနဲ့ ပြောလိုတာကတော့ ဒီညီလာခံဟာ ဖွင့်ပွဲအခမ်းအနားသာသာဖြစ်တယ် ဆိုပေမယ့် ကျွန်တော်တို့တိုင်းပြည်ရဲ့ အနာဂတ်အရေးကို ဝိုင်းဝန်းဆွေးနွေးအဖြေရှာနိုင်ဖို့အတွက် ပထမခြေလှမ်း အစပျိုးမှုဖြစ်တာကြောင့် နောက်အဆက်ဆက် ပြုလုပ် ကျင်းပမယ့် ညီလာခံတွေအတွက် သေချာစေ့စပ်စေဖို့ ခင်းကျင်းပေးတဲ့ လမ်းကြောင်းအစလည်း ဖြစ်ပါတယ်။ ဒီအစပျိုးမှုဟာလည်း ကောင်းမွန်းတဲ့ အစပျိုးပြုမှုဖြစ်ပါစေ ကြောင်း ဆန္ဒပြုရင်း နိဂုံးချုပ်အပ်ပါတယ်။
အားလုံးကို ကျေးဇူးအထူးတင်ရှိပါတယ်။
No comments:
Post a Comment