အထူးကုန်စည်ခွန်ဥပဒေကြမ်း လွှတ်တော်ကအတည်ပြုကြောင်း ဆုံးဖြတ်
နေပြည်တော် ဒီဇင်ဘာ ၃ဝ
ပထမအကြိမ် ပြည်ထောင်စုလွှတ်တော် (၁၃)ကြိမ်မြောက် ပုံမှန်အစည်းအဝေး ၂၂ ရက်မြောက်နေ့ကို ယနေ့ မွန်းလွဲ ၁ နာရီခွဲတွင်ကျင်းပပြီး ဥပဒေကြမ်းတစ်ခု အတည်ပြုခြင်းနှင့် ဥပဒေကြမ်းသုံးခုနှင့်စပ်လျဉ်းသည့် အစီရင် ခံစာ သုံးခု တင်သွင်းခြင်းတို့ကို ဆောင်ရွက်ကြသည်။
ရှေးဦးစွာ ပြည်ထောင်စုအစိုးရအဖွဲ့ရုံးမှပေးပို့သော အထူးကုန်စည်ခွန်ဥပဒေကြမ်းကို လွှတ်တော်၏ အဆုံး အဖြတ်ရယူ၍ တစ်ပိုဒ်ချင်းစီအလိုက်အတည်ပြုသည်။
ယင်းနောက် အဆိုပါဥပဒေကြမ်းတစ်ရပ်လုံးကို အတည်ပြုပေးနိုင်ရန် ဘဏ္ဍာရေးဝန်ကြီးဌာန ဒုတိယဝန်ကြီး ဒေါက်တာလင်းအောင်က အဆိုတင်သွင်းရာ လွှတ်တော်ကအတည်ပြုကြောင်း ဆုံးဖြတ်သည်။
ထို့နောက် ၂ဝ၁၆ ခုနှစ် ပြည်ထောင်စု၏ အခွန်အကောက်ဥပဒေကြမ်း၊ ဘဏ်နှင့် ငွေရေးကြေးရေးအဖွဲ့အစည်း များ ဥပဒေကြမ်းနှင့် ရာဇသတ်ကြီးကို ပြင်ဆင်သည့်ဥပဒေကြမ်းများနှင့်စပ်လျဉ်း၍ ဥပဒေကြမ်းပူးပေါင်းကော်မတီ၏ လေ့လာတွေ့ရှိချက်နှင့် သဘောထားမှတ်ချက်အစီရင်ခံစာများကို ပူးပေါင်းကော်မတီ၏ တွဲဖက်အတွင်းရေးမှူးနှင့် ကော်မတီဝင်များက လွှတ်တော်သို့ ဖတ်ကြားတင်သွင်းကြပြီး လွှတ်တော်နာယကက ယင်းဥပဒေကြမ်းများနှင့်စပ် လျဉ်း၍ ဆွေးနွေးလိုသည့် လွှတ်တော်ကိုယ်စားလှယ်များ အမည်စာရင်းတင်သွင်းနိုင်ကြောင်း ကြေညာသည်။
(သတင်းစဉ်)
No comments:
Post a Comment