သဘာဝဘေးကြိုတင်သတိပြု
သဘာဝဘေးအန္တရာယ်ကို မကြုံခင်က ကြိုတင်သတိပြုဖို့ လိုအပ်ပါသည်။ ထိုသို့သတိပြုနိုင်ရန်အတွက် ကြိုတင်သိရှိနိုင်သည့်အချက်မှာ မိုးလေဝသသတင်းများကို သတိပြုစောင့်ကြည့် မှတ်သားခြင်းဖြစ်ပါသည်။ မိုးလေဝသ သတင်းများကို ရေဒီယို၊ ရုပ်မြင်သံကြား၊ သတင်းစာများမှ နေ့စဉ်ဖော်ပြသတိပေးလျက်ရှိပါသည်။
လာမည့်ရက်သတ္တပတ်အတွင်း မြန်မာနိုင်ငံတစ်ဝန်းလုံး၌ မိုးကြီးမည်၊ တောင်တရုတ်ပင်လယ်ပြင်တွင် မုန်တိုင်းဖြစ်ပေါ်နိုင်၊ ဘင်္ဂလားပင်လယ်အော်တွင် လေဖိအားနည်းရပ်ဝန်းရှိနေသည် စသည်ဖြင့် မိုးလေဝသ အထူးသတိပေးချက်များမှာ မဖြစ်ခင်က ကြိုတင်သိထား ဆင်ခြင်နေထိုင်နိုင်သည့် နှိုးဆော်ချက်များဖြစ်ပါသည်။
လက်ရှိအခြေအနေတွင် မိုးလေဝသသတင်းများ ထုတ်ပြန်ခဲ့ပြီးနောက် အသိပေးထားသည့်ရက်များတွင်ပင် မြန်မာနိုင်ငံတစ်ဝန်း၌ မိုးရွာသွန်းမှုများ မြင့်တက်လာသည်ကို တွေ့ရသည်။ အချို့ဒေသများတွင် ရေကြီး၊ ရေလျှံမှုများ၊ မြေပြိုမှုများ၊ တစ်မြို့နယ်လုံး ရေဘေးအန္တရာယ်များ ကြုံတွေ့လာရပါသည်။ အချို့ဒေသများတွင် ပျက်စီးဆုံးရှုံးမှုနှင့် ထိခိုက်နစ်နာမှု များရှိလာပါသည်။
အထူးသဖြင့် ရခိုင်ပြည်နယ်တွင် ရေကြီးမှုဘေးဒဏ်ကို အများဆုံး ကြုံတွေ့ခဲ့ရပြီး တောင်ကမ်းပါးများ ပြိုကျခြင်း၊ လမ်းမကြီးများ ပြိုပျက်နိမ့်ဆင်း ပြတ်ရွေ့ခြင်း၊ လမ်းများရေကျော်ခြင်း စသည်တို့ကြုံတွေ့ခဲ့ရာ ဒေသတွင်း လမ်းပန်းဆက်သွယ်မှုများ ခေတ္တပြတ်တောက်ခဲ့သည်ကို မြင်တွေ့ရပါသည်။ ထိုသို့ဖြစ်ပေါ်ခြင်းကြောင့် ခရီးသွားပြည်သူများနှင့် ကုန်စည်စီးဆင်းမှုများ အဟန့်အတားဖြစ်စေခဲ့ပါသည်။
ထို့အပြင် လယ်ယာစိုက်ပျိုးရေးလုပ်ငန်းလုပ်ကိုင်ကြသော ဒေသခံ ပြည်သူအများစုအတွက် မိမိတို့စိုက်ပျိုးထားသော သီးနှံပင်များနှင့် ကုန်စည်များအတွက်လည်း ထိခိုက်ဆုံးရှုံးမှုများ အနည်းနှင့်အများဖြစ်ပေါ်စေမည်မှာ အမှန်ဖြစ်ပါသည်။ ထိုသို့ဖြစ်ပေါ်သောအခါ သက်ဆိုင်ရာအဖွဲ့အစည်းများ၊ အသင်းအဖွဲ့များက အရေးပေါ်ကူညီမှုများကို ချက်ခြင်းဆောင်ရွက်ပေးကြသည်ကိုလည်း တွေ့ရပါသည်။
မည်သို့ပင်ဖြစ်စေ သဘာဝဘေးအန္တရာယ်ဆိုသည်မှာ မျှော်မှန်းရ ခက်ခဲသော ကိစ္စဖြစ်သောကြောင့် မဖြစ်ခင်က ကြိုတင်ဆောင်ရွက်ခြင်း၊ ဖြစ်ပေါ်လာသောအခါ ဆောင်ရွက်ခြင်းနှင့် ဖြစ်ပွားပြီးသောအခါ ဆောင်ရွက်ခြင်းတို့ကို အလျင်အမြန်ပြုလုပ်ပေးကြရမည်ဖြစ်သည်။ မဖြစ်ခင်၊ ဖြစ်ဆဲ၊ ဖြစ်ပြီးကာလသုံးပါးအနက် မဖြစ်ခင်ကကြိုတင်ဆောင်ရွက်ခြင်းသည်သာ အကောင်းဆုံးဖြစ်ပါသည်။
သဘာဝဘေးအန္တရာယ်ကို ကြိုတင်အသိပေးထားပြီးဖြစ်၍ ဖြစ်ပေါ် နိုင်သောနေရာများ၊ ထိခိုက်မှုရှိနိုင်သောဒေသများတွင် အန္တရာယ်မကျရောက်မီ ကြိုတင်အစီအမံများကို အလျင်အမြန်ပြုလုပ်ဆောင်ရွက် ပေးကြရမည်ဖြစ်ပါသည်။ ထိုသို့ ဆောင်ရွက်ထားသောကြောင့် သဘာဝဘေးအန္တရာယ်ကို မလွန်ဆန်နိုင်သော်လည်း ပျက်စီးထိခိုက်ဆုံးရှုံးမှု နည်းပါး သွားနိုင်ပါသည်။
နိုင်ငံတကာတွင် သဘာဝဘေးအန္တရာယ်များကို ဆိုးရွားစွာကြုံတွေ့ခဲ့ရသော နိုင်ငံများရှိပါသည်။ ထိုသို့ ကြုံတွေ့ရသော်လည်း ကြိုတင်စီမံမှု အားကောင်းသဖြင့် မည်မျှပင်ကြီးမားသော အန္တရာယ်ပင်ဖြစ်သော်လည်း သဘာဝဘေးကို ကျော်လွှားနိုင်ကာ ထိခိုက်ဆုံးရှုံးမှုနည်းပါးသည်ကို တွေ့ရပါသည်။
မြန်မာနိုင်ငံတွင် ယခုကာလ၌ မုတ်သုံလေ ဆက်လက်အားကောင်းနိုင်သည်ဟု မိုးလေဝသနှင့် ဇလဗေဒညွှန်ကြားမှုဦးစီးဌာနက သတင်းထုတ်ပြန်ထားပြီး အချို့ဒေသများအတွက် မြစ်ရေကြီးမှုအခြေအနေများကို အသိပေးထားရာ ထိုဒေသများအတွက် မဖြစ်ခင်ကတည်းက ကြိုတင်ကာကွယ်ရေးနှင့် ထိခိုက်မှုသက်သာရေးအစီအမံများကို ဆောင်ရွက်ထားကြ ရမည်ဖြစ်ပါသည်။
အထူးသတိပြုရမည့်အချက်မှာ မိုးရာသီတွင် ဖြစ်ပွားတတ်သော ရောဂါများနှင့် သဘာဝဘေးထိခိုက်နိုင်သောနေရာများအတွက် ကျန်းမာရေးစောင့်ရှောက်မှုများကို ပြင်ဆင်ဆောင်ရွက်ထားဖို့ လိုအပ်မည်ဖြစ်ပါသည်။ သဘာဝဘေးအန္တရာယ်အား အထူးသတိပြုကြရမည်ဖြစ်သလို ထိုကာလအတွင်း ကြုံတွေ့နိုင်သော အန္တရာယ်နှင့် ကျန်းမာရေးဆိုင်ရာ အသိပညာများကို ပြည်သူလူထုအတွင်း ကျယ်ကျယ်ပြန့်ပြန့် အသိပေးနှိုးဆော်ထားခြင်းဖြင့် ပြည်သူများအား ကာကွယ်စောင့်ရှောက်ပေးခြင်းမြောက်မည်ဖြစ်ပါသည်။ ။
No comments:
Post a Comment