ပြည်သူလူထု၏ အင်အားဖြင့်သာလျှင်

မြန်မာ့အလင်းအယ်ဒီတာအာဘော်

ယနေ့ မြန်မာနိုင်ငံသည် ဒီမိုကရေစီ ခိုင်မာရေး၊ ပြည်တွင်းငြိမ်းချမ်းရေး နှင့်  ဒီမိုကရေစီဖက်ဒရယ်ပြည်ထောင်စု  တည်ထောင်နိုင်ရေး၊ ပြည်သူ့ စီးပွားရေးနှင့် လူမှုအဆင့်အတန်း မြင့်မားရေး၊ နိုင်ငံဖွံ့ဖြိုးတိုးတက်ရေး စသည့် အခြေခံရည်မှန်းချက်များကို ဦးတည်ကာ ကြိုးစားတည်ဆောက် နေရပါသည်။
မြန်မာနိုင်ငံမှာ ပြည်သူ့ဘဏ္ဍာအလွဲသုံးမှုများ၊ အလွဲစီမံခန့်ခွဲမှုများ၊ အုပ်ချုပ်ရေးကဏ္ဍအသီးသီးတို့၏ အဂတိလိုက်စားမှုများ၊ ဗျူရိုကရေစီ ယန္တရားအဆင့်ဆင့်ရှိ ခြစားမှုများ၊ နိုင်ငံရေးပြဿနာကို စေ့စပ်ဆွေးနွေး နည်းထက် ဖိနှိပ်ရေးနည်းဖြင့်သာ ဖြေရှင်းရန် အလေးပေးမှုများ စသည့် စနစ်ဆိုးများကြားတွင်    နှစ်ပေါင်းများစွာ   ဖြတ်သန်းလာခဲ့ရသည့် အားလျော်စွာ ယနေ့ကာလကဲ့သို့သော ပြည်သူလူထု ရွေးချယ်တင်မြှောက် သည့်    ပြည်သူ့ကိုယ်စားလှယ်စစ်စစ်အများစုဖြင့်  မဏ္ဍိုင်ကြီးများကို ကိုင်တွယ်ဆုံးဖြတ်ခွင့်ရနေဆဲအချိန်ထိ     အကျပ်အတည်းများထဲက လွတ်လွတ်ကျွတ်ကျွတ် ရုန်းမထွက်နိုင်သေးသည်ကို သတိပြုမိပါသည်။
အုပ်ချုပ်ရေးယ္တရားထဲက ခေါက်ရိုးကျိုးနေသည့် လုပ်ထုံးလုပ်နည်း များ၊ အရိုးစွဲလာခဲ့သော အယူအဆနှင့် အလေ့အထများကို ပြောင်းလဲ   နိုင်ရေး၊   ယိမ်းယိုင်နေသော   တရားစီရင်ရေးကို  တည့်မတ်နိုင်ရေး၊ လူ့အခွင့်အရေး၊    ဒီမိုကရေစီအခွင့်အရေး   ချိုးဖောက်မှုများကို  ပိုမို ကာကွယ်နိုင်ရေး၊ ပြည်သူ့ဘဏ္ဍာငွေ လေလွင့်ဆုံးရှုံးမှုများကို တားဆီး နိုင်ရေး၊ မူးယစ်ဆေးဝါးပြဿနာနှင့် အဂတိလိုက်စားမှုများကို ပိုင်ပိုင် နိုင်နိုင် ကိုင်တွယ်နိုင်ရေး အစရှိသည့် လုပ်ငန်းစဉ်များကလည်း အလွန်ပင် များပြားလှစွာရှိနေပါသည်။
နှစ်ပေါင်းများစွာ ယိုယွင်းလာခဲ့သော အဘက်ဘက်က နိမ့်ကျလာခဲ့ သည့် အခြေအနေမှ တဖြည်းဖြည်းချင်း ရုန်းတက်ရန်ကြိုးပမ်းနေသော ပြည်သူ့ကိုယ်စားလှယ်များကို လူထုကလည်း အားပေးထောက်ခံနေဆဲ ဖြစ်ပါသည်။
ယခုလို မြန်မာနိုင်ငံ၏ လွတ်လပ်ရေးနေ့ အခါသမယနှင့် နီးကပ် လာသည့်အချိန်တွင် လွတ်လပ်ရေးဗိသုကာ အမျိုးသားခေါင်းဆောင်ကြီး ၏ အလယ်ပစ္စယံညီလာခံမိန့်ခွန်း တစ်စွန်းတစ်စကို သတိတရ ဖော်ပြ ချင်ပါသည်။
၁၉၄၆ ဇန်နဝါရီ ၁၇ နေ့တွင် စတင်ကျင်းပသော နိုင်ငံလုံးဆိုင်ရာ ညီလာခံကြီးတွင် ဇန်နဝါရီ ၂ဝ ရက်နေ့၌ ဖဆပလဥက္ကဋ္ဌ ဦးအောင်ဆန်းက- ''... ကျွန်ုပ်ကို ဤကဲ့သို့ ယုံကြည်အားထားမှုကြောင့် ကျွန်ုပ် ကျေးဇူးတင် ပါ၏။ သို့သော်လည်း မကွယ်မထောင့် ဖြောင့်မတ်စွာ ပြောရမည်ဆိုလျှင် ကျွန်ုပ်ရှေ့ဆောင်ပြုမှုကြောင့် မြန်မြန်ထက်ထက် လွတ်လပ်ရေးပန်းတိုင် ဘက်သို့  နီးကပ်လိမ့်မည်ဟူ၍  ကတိပေးခြင်းကို  မပြုလိုပေ။  အဘယ် ကြောင့်ဆိုသော်  တစ်ဦးတစ်ယောက်သည် မည်မျှလောက် စွမ်းပကား ရှိစေကာမူ လူထု၏  အားပေးရိုင်းပင်းမှုမရှိဘဲလျက်   ရာဇဝင်တွင်လောက် သော   လုပ်ငန်းမျိုးကို  ဖြစ်မြောက်အောင်  မဆောင်ရွက်နိုင်ခြင်းကြောင့် ဖြစ်ပေ၏။ ....  သတ္တိဗျတ္တိရှိသူများကိုသာ  အားမကိုးမူ၍  လူတိုင်းလူတိုင်းပင် မိမိတို့ကိုယ်တိုင် သတ္တိဗျတ္တိရှိသော သူရဲကောင်းများဖြစ်အောင် စွန့်စား ရပေလိမ့်မည်။ သို့မှသာလျှင် ကျွန်ုပ်တို့အားလုံး လွတ်လပ်ရေးအစစ်ကို ခံစားခွင့်ရကြပေလိမ့်မည်'' ဟူ၏။
အမျိုးသားခေါင်းဆောင်ကြီး    ဦးအောင်ဆန်း၏   မိန့်ခွန်းကား အလွန်ပင်ထိရောက်လှသော အမျိုးသားရေးလမ်းညွှန်ချက်ဟု ဆိုချင် ပါသည်။
ဝန်ခံကြစတမ်းဆိုလျှင် ယနေ့အချိန်အထိ မြန်မာနိုင်ငံတစ်ဝန်းရှိ ပြည်သူလူထုအားလုံးသည် လွတ်လပ်ရေးအစစ်ကို ခံစားခွင့် မရကြသေး ချေ။ ပြည်သူတို့မျှော်လင့်နေကြသော တိုးတက်ငြိမ်းချမ်းသာယာဝပြော သည့် နိုင်ငံတော်ကြီး ပေါ်ထွန်းလာရေးအတွက် မျိုးဆက်သစ်လူငယ်များ အပါအဝင် အမျိုးသားခေါင်းဆောင်ကြီး ရည်òန်းသည့် သတ္တိဗျတ္တိရှိသော ပြည်သူလူထု၏ အင်အား၊ စည်းလုံးညီညွတ်သည့် စိတ်ဓာတ်တို့ဖြင့်သာ အာဏာရှင်စနစ် လုံးဝကွယ်ပျောက်သော ငြိမ်းချမ်းခိုင်မာသည့် ဒီမိုကရေစီ ဖက်ဒရယ်ပြည်ထောင်စုမြန်မာနိုင်ငံဟူသော ပန်းတိုင်သို့ အရောက်လှမ်းနိုင် မည်ဟု ယုံကြည်မိပါကြောင်း။     ။

ရခိုင်ပြည်နယ် ဝန်ကြီးချုပ်၏ ယာဉ်တန်း အဝေးထိန်းမိုင်းဖြင့် ဖောက်ခွဲတိုက်ခိုက်ခံရသော်လည်း လူထိခိုက်ဒဏ်ရာရရှိမှု မရှိ

စစ်တွေ ဇန်နဝါရီ ၁

ရခိုင်ပြည်နယ်ဝန်ကြီးချုပ်၏ ယာဉ်တန်းသည် ယနေ့ ညနေပိုင်းတွင် ရန်ကုန်-စစ်တွေ ကားလမ်း၌ အဝေးထိန်းမိုင်းဖြင့် ဖောက်ခွဲတိုက်ခိုက်ခံရသော်လည်း လူထိခ်ိုက်ဒဏ်ရာရရှိမှုမရှိကြောင်း သိရသည်။

ရခိုင်ပြည်နယ် ဝန်ကြီးချုပ် ဦးညီပုနှင့်အဖွဲ့သည် ဒေသဖွံ့ဖြိုးရေးလုပ်ငန်းများ ကွင်းဆင်း ဆောင်ရွက်ပြီး ကျောက်ဖြူမြို့နယ်မှ စစ်တွေမြို့သို့ ပြန်လည်ထွက်ခွာလာစဉ် ညနေ ၄ နာရီခွဲ ခန့်တွင် ရန်ကုန်-မင်းဘူး-အမ်း-စစ်တွေကားလမ်း မြောက်ဦးမြို့အနီး နန်းကျားနှင့် ပေါင်းတုတ် ကျေးရွာအကြား တံတားအမှတ် (၁/၁ဝ၆) ထိပ်သို့အရောက် ဒေသန္တရလုပ် အဝေးထိန်းမိုင်း သုံးလုံးဖြင့် တစ်ပြိုင်တည်း ဖောက်ခွဲတိုက်ခိုက်ခံခဲ့ရကြောင်း သိရသည်။

ဖြစ်စဉ်တွင် လူထိခိုက်ဒဏ်ရာရရှိမှု မရှိဘဲ ယာဉ်တစ်စီးရှေ့မှန်ကွဲပြီး အခြားယာဉ်တစ်စီး တွင် ဘေးမှန်တစ်ချပ်ကွဲသွားခဲ့ကြောင်း သိရှိရသည်။

သတင်းစဉ်

သမ္မတထရန့်နှင့် တွေ့ဆုံဆွေးနွေးရန် အဆင်သင့်ဖြစ်ကြောင်း ခေါင်းဆောင်ကင်ဂျုံအန်ဆို

ပြုံယမ်း ဇန်နဝါရီ ၁

မြောက်ကိုရီးယားခေါင်းဆောင် ကင်ဂျုံအန်က အမေရိကန် သမ္မတဒေါ်နယ်ထရန့်နှင့် ထပ်မံတွေ့ဆုံရန် အဆင်သင့် ဖြစ်ပါကြောင်းနှင့် သူ၏ နျူကလီးယားလက်နက် အပြီးတိုင် ကင်းစင်ပပျောက်ရေးကတိကဝတ်ကို ထိန်းသိမ်းလျက်ရှိပါ ကြောင်း ပြောကြားခဲ့သည်ဟု ယနေ့သတင်းများအရ သိရ သည်။

ထုတ်လွှင့်ပြသခဲ့

ခေါင်းဆောင်ကင်ဂျုံအန်က ဇန်နဝါရီ ၁ ရက် နံနက် ၉ နာရီ (ဒေသစံတော်ချိန်)တွင် နိုင်ငံပိုင်ရုပ်သံလိုင်းမှ ထုတ်လွှင့်ခဲ့သည့် သူ၏နှစ်သစ်မိန့်ခွန်းထဲတွင် အထက်ပါ ကိစ္စရပ်နှင့်ပတ်သက်ပြီး ပြောကြားခဲ့ခြင်းဖြစ်သည်။

ထို့ပြင် ခေါင်းဆောင်ကင်ဂျုံအန်က အမေရိကန်အနေ ဖြင့် မြောက်ကိုရီးယားနိုင်ငံအပေါ် ချမှတ်ထားသည့် စီးပွား ရေးပိတ်ဆို့မှုများကို ပြန်လည်မရုပ်သိမ်းဘဲ ဆက်လက် ပိတ်ဆို့မည်ဆိုပါက ပြုံယမ်းအနေဖြင့် ရွေးချယ်စရာ နည်းလမ်းမရှိသည့်အတွက် အခြားနည်းလမ်းအသစ်တစ်ခု ကို ရှာဖွေကျင့်သုံးရမည်ဖြစ်ပါကြောင်း ပြောကြားခဲ့သည်။

အဆိုပါ မိနစ် ၃ဝ ခန့်ကြာရှည်သော ခေါင်းဆောင် ကင်ဂျုံအန်၏ နှစ်သစ်မိန့်ခွန်းကို ဇန်နဝါရီ ၁ ရက်က နိုင်ငံပိုင် ကိုရီးယားဗဟိုတယ်လီဗွီးရှင်းက ထုတ်လွှင့်ပြသခဲ့ ကြောင်း သိရသည်။

တိုက်တွန်းပြောကြား

ခေါင်းဆောင်ကင်က အမေရိကန်သမ္မတ ဒေါ်နယ် ထရန့်နှင့် ဒုတိယအကြိမ် နှစ်နိုင်ငံထိပ်သီးအစည်းအဝေး ကျင်းပရန် ဆန္ဒပြင်းပြလျက်ရှိပါကြောင်းနှင့် ပြုံယမ်း အနေဖြင့် မည်သည့်နျူကလီးယားလက်နက် စမ်းသပ် ပစ်ခတ်မှုမျိုးကိုမျှ ထပ်မံစမ်းသပ်ရန် အစီအစဉ်မရှိပါ ကြောင်း ပြောကြားခဲ့သည်။

မြောက်ကိုရီးယားနိုင်ငံအနေဖြင့် နျူကလီးယား လက်နက်ကင်းစင်ပပျောက်ရန် နည်းလမ်းအမျိုးမျိုး ကြိုးပမ်းစေကာမူ အမေရိကန်အနေဖြင့် စီးပွားရေးပိတ်ဆို့ မှုများကို ဆက်လက်ချမှတ်ထားမည်ဖြစ်သည်ဟု ဝါရှင်တန် က ဆိုသည်။

ကိုရီးယားကျွန်းဆွယ်ဒေသတွင်း တည်ငြိမ်အေးချမ်း မှုရရှိရန် သက်ဆိုင်သည့်နိုင်ငံများနှင့် ဆွေးနွေးပွဲ များကျင်းပရန် ဆန္ဒရှိပါသည်ဟု ခေါင်းဆောင်ကင်ဂျုံအန်က ဆိုသည်။

ထို့ပြင် ခေါင်းဆောင်ကင်က အမေရိကန်နှင့် တောင်ကိုရီးယားနှစ်နိုင်ငံ ပူးတွဲစစ်ရေးလေ့ကျင့်မှုကို ရပ်တန့်ရန် တိုက်တွန်းပြောကြားခဲ့ကြောင်း သိရသည်။

အေအက်ဖ်ပီ

သူပြောလာသည့် လွတ်လပ်ရေးဖခင်ကြီးအကြောင်းနှင့် ပထမဦးဆုံးလွတ်လပ်ရေးနေ့

တွေ့ဆုံမေးမြန်း - ရဲခေါင်ညွန့်၊ နန္ဒာဝင်း၊ ဓာတ်ပုံ - ဖိုးထောင်

သတင်းစာဆရာကြီး ဟံသာဝတီ ဦးအုန်းကြိုင်အား တွေ့ဆုံ၍ လွတ်လပ်ရေးဖခင်ကြီး ဗိုလ်ချုပ်အောင်ဆန်း အကြောင်းနှင့် ပထမဦးဆုံး လွတ်လပ်ရေးနေ့အခမ်းအနားမြင်ကွင်းတို့နှင့်ပတ်သက်၍ မေးမြန်းထားသည်များကို ထုတ်နုတ် တင်ပြလိုက်ပါသည်။

(ယမန်နေ့မှ အဆက်)

မေး။ ။ မြန်မာနိုင်ငံ လွတ်လပ်ရေးရတဲ့နေ့မှာ တွေ့ကြုံ
ခဲ့ရတဲ့မြင်ကွင်းကို ပြောပြပေးပါဦးခင်ဗျာ။

ဖြေ။ ။ မြန်မာနိုင်ငံ လွတ်လပ်ရေးရတဲ့နေ့မှာ တွေ့ကြုံ
ခဲ့ရတဲ့ မြင်ကွင်းကို ပြန်လည်ပြောပြချင်ပါတယ်။ ကျွန်တော်အသက်လည်း ကိုးဆယ်ပြည့်ပြီးပါပြီ။ ကျွန်တော် သေသွားရင် ဒီစကားပြောမယ့်သူ မရှိတော့ပါဘူး။ သက်သေခံဓာတ်ပုံတွေနဲ့တကွ တင်ပြချင်ပေမယ့် ကျွန်တော်တို့တိုင်းပြည်အခြေအနေနဲ့ ဖြတ်သန်းခဲ့ရတဲ့ ကာလ အပျက်အစီးတွေကြောင့် ကျွန်တော့်မှတ်တမ်းတွေ မရှိတော့ပါဘူး။ ဟံသာဝတီသတင်းစာတိုက်လည်း ပျက်စီး ခဲ့ပြီး ဓာတ်ပုံတွေ မရှိတော့ပါဘူး။ ရရာမှတ်တမ်းဓာတ်ပုံ တွေကို သုံးပါ။ ကျွန်တော်မှတ်မိသလောက် ကျွန်တော့် ခေါင်းထဲ စွဲနေတဲ့အပိုင်းကို တင်ပြပါ့မယ်။ ကျွန်တော်တို့ လွတ်လပ်ရေးရစကာလ အင်မတန်ကောင်းပါတယ်။ အခြေအနေတွေကို အသေးစိတ်တင်ပြနိုင်ရင် နောင်လာ နောက်သားတွေအတွက် အင်မတန်အဖိုးတန်တဲ့ကိစ္စ ဖြစ်ပါမယ်။

ကျွန်တော်တို့လွတ်လပ်ရေးရတာ အချုပ်အခြာ အာဏာပိုင် လုံးဝလွတ်လပ်တဲ့ နိုင်ငံတော်အဖြစ်နဲ့ရပါတယ်။ အချုပ်အခြာအာဏာပိုင် လုံးဝလွတ်လပ်တဲ့နိုင်ငံလို့ ပြောခြင်းဟာ ဗြိတိသျှကိုလိုနီဘဝကနေ လွတ်လပ်ရေး တောင်းဆိုကြတဲ့အခါ ကျွန်တော်တို့ရဲ့ အိမ်နီးချင်းဖြစ်တဲ့ အိန္ဒိယနိုင်ငံက ဒိုမီနီယံ စတေးတပ် တစ်နှစ်ယူပါတယ်။ ဗြိတိသျှရဲ့ သြဇာခံအဖြစ်နဲ့ပါ။ ဗိုလ်ချုပ်ကတော့ လုံးဝ လွတ်လပ်တဲ့၊ လွတ်လပ်မှုအပြည့်ရှိတဲ့ နိုင်ငံပဲယူမယ်။ ဘာမှမယူဘူးဆိုပြီး လုပ်ခဲ့တာပါ။

လွတ်လပ်ရေးကြိုးပမ်းမှုကိုပြောမယ်ဆိုရင် သမိုင်းစဉ် တစ်လျှောက် ဖြတ်သန်းခဲ့တဲ့ လွတ်လပ်ရေးကာလ ၇၁ နှစ်ရှိပါပြီ။ လွတ်လပ်ရေးအောင်ပွဲနေ့ အခမ်းအနားတွေ လည်း ကျင်းပခဲ့ပါပြီ။ သို့သော် လွတ်လပ်ရေး ဘယ်လိုရလို့ ဘယ်လိုဖြစ်တယ်ဆိုတာကို ပြောတဲ့ပုဂ္ဂိုလ် အင်မတန် နည်းပါတယ်။ ဗိုလ်ချုပ်တို့ရယူခဲ့တဲ့ အချုပ်အခြာအာဏာ လုံးဝအပြည့်အဝရှိတဲ့ လွတ်လပ်ရေးနေ့ ပထမဆုံးအကြိမ် ကျင်းပခဲ့တာ ကျွန်တော်ပြောပါမယ်။

မြန်မာသက္ကရာဇ် ၁၃ဝ၉ ခုနှစ် ပြာသိုလပြည့်ကျော် ၉ ရက်၊ ခရစ်နှစ် ၁၉၄၈ ခုနှစ် ဇန်နဝါရီလ ၄ ရက်၊ တနင်္ဂနွေနေ့ နံနက် ၄ နာရီ မိနစ် ၂ဝ မှာ ကျွန်တော်တို့ မြန်မာနိုင်ငံတော်ကြီး လွတ်လပ်ရေးရပါတယ်။ အဲဒီနေ့ဟာ ရန်ကုန်တစ်မြို့လုံး၊ တိုင်းပြည်တစ်ခုလုံး ကျေးလက်တောရွာ မကျန် အားလုံး မအိပ်ဘဲနဲ့ တိုင်းသူပြည်သားတွေအကုန် စောင့်မျှော်နေကြတယ်။ လွတ်လပ်ရေးဆိုတာ ဘယ်လို ယူကြမလဲ၊ ဘာတွေ ဖြစ်ကြမလဲဆိုပြီး စောင့်နေတယ်။

ရန်ကုန်တစ်မြို့လုံးဟာ လွတ်လပ်ရေးနေ့အောင်ပွဲ အခမ်းအနားကျင်းပတဲ့ ပြာသိုလဆောင်းဦးနဲ့အတူ နှင်းမှုန်ကြားမှာ သာယာတဲ့ အသံတွေနဲ့ ဖုံးလွှမ်းပြီး မြို့သူ၊ မြို့သား ကလေးပါမကျန် အကုန်လုံး နိုးနေ၊ စောင့်နေကြ တယ်။ ပထမဆုံးအကြိမ်ကျင်းပတဲ့ လွတ်လပ်ရေးနေ့ အခမ်းအနားကို သုံးကြိမ်သုံးခါခွဲ ကျင်းပပါတယ်။ လွတ်လပ်ရေးရရှိပြီ၊ အချုပ်အခြာအာဏာပိုင်ပြီဆိုတဲ့ သရုပ်ကိုဖော်ပြတဲ့ နိုင်ငံတော်အလံလွှင့်တင်တာ၊ ဗြိတိသျှ ဘုရင်ခံချုပ် မြန်မာနိုင်ငံကထွက်ခွာတာ၊ လွှတ်တော် ကျင်းပတာ။ နိုင်ငံတော်သမ္မတနဲ့ အစိုးရအဖွဲ့ဖော်ဆောင်တာ ဆိုပြီးပါတယ်။

ကျွန်တော်တို့သတင်းစာသမားတွေလည်း အတွင်း ဝန်များရုံးအလယ်မှာရှိတဲ့ တိုင်းပြုပြည်ပြုလွှတ်တော်မှာ ရောက်ရှိနေပါတယ်။ တိုင်းပြုပြည်ပြုလွှတ်တော်မှာ ရွေးကောက်ခံရတဲ့ အမတ်တွေအားလုံးရှိပါတယ်။ နောက် ယာယီအစိုးရအဖွဲ့ကို ခေါင်းဆောင်မယ့် နိုင်ငံတော်သမ္မတ ရှိပါတယ်။ ယာယီသမ္မတ ညောင်ရွှေစော်ဘွားကြီး စဝ်ရွှေသိုက်လည်း ရှိပါတယ်။ ယာယီဝန်ကြီးချုပ်အဖြစ် တာဝန်ထမ်းဆောင်မယ့် နိုင်ငံတော်ဝန်ကြီးချုပ် သခင်နု၊ လွှတ်တော်ပါလီမန် ယာယီဥက္ကဋ္ဌ ပျော်ဘွယ်ဦးမြ သူတို့ လည်း အကုန်စောင့်နေတာပဲ။ အဲဒီအချိန်မှာ တပ်မတော် စစ်တီးဝိုင်း အဆင်သင့်ရှိတယ်။ ကရင်ရိုင်ဖယ် (ကရင် အမျိုးသားတပ်ဖွဲ့)က စစ်တီးဝိုင်းဖြစ်ပါတယ်။ ဗမာ့ တပ်မတော်ကြည်းတပ်ဖွဲ့က လွှတ်တော်အရှေ့ မြက်ခင်းပြင် အလံတိုင်ရှိရာ ကွင်းအရှေ့ဘက်ထိပ်ဆုံးမှာ နေရာယူပါ တယ်။ နောက် တပ်မတော်ရေက နေရာယူပါတယ်။ တပ်မတော်လေ နေရာယူပါတယ်။ နောက် အဲဒီကွင်းပြင် ထဲမှာ ရဲလက်နက်ကိုင်တပ်ဖွဲ့က နေရာယူပါတယ်။ ကရင် ရိုင်ဖယ် စစ်တီးဝိုင်းက တီးနေပါတယ်။ အဲဒီတုန်းက ရရာ ဖိတ်ကြားပြီးလုပ်တဲ့ မင်္ဂလာစည်တော်ကြီးအဖွဲ့က စည်တော်ရွမ်းနေပါတယ်။

နံနက် ၄ နာရီ ၁၅ မိနစ်လောက်မှာ နိုင်ငံတော်သမ္မတ နဲ့ ဝန်ကြီးချုပ်တို့ အဆောင်အယောင်နဲ့ ထွက်လာပါတယ်။ အဲဒီအချိန်မှာ စည်တော်ရွမ်းတာ ရပ်စဲသွားပြီး အချက်ပြ မီးနီတစ်ချက်ပွင့်လာပါတယ်။ အားလုံး တိတ်ဆိတ်သွား တယ်။ ၄ နာရီ ၁၉ မိနစ် ရောက်ပါပြီ။ ၄ နာရီ မိနစ် ၂ဝ ပြည့်တာနဲ့ မြန်မာပြည်ရဲ့ နောက်ဆုံးဘုရင်ခံ ဆာဟူး ဘတ်ရန့် မြန်မာပြည်ကနေ ထွက်ခွာမယ့် အစီအစဉ်အရ စောင့်နေတဲ့ ဘာမင်ဟန် ခရူဆာစစ်သင်္ဘောက ရန်ကုန် မြစ်အတွင်းမှာ အသင့်စောင့်နေတယ်။ အဲဒီသင်္ဘောက အမြောက် ၁၇ ချက် ဖောက်တယ်။ ပစ်ဖောက်လိုက်တာနဲ့ ရန်ကုန်တစ်မြို့လုံးက သင်္ဘောတွေရော၊ စက်ရုံအလုပ်ရုံ တွေရော ဥသြတွေဆွဲကြတယ်။ ခရစ်ယာန်ဘုရားရှိခိုး ကျောင်းတွေက ခေါင်းလောင်းတွေထိုးတယ်။ ဗုဒ္ဓဘာသာဘုန်းကြီးကျောင်းတွေက အုန်းမောင်းတွေ ခေါက်ကြတယ်။ ကြေးစည်တွေရိုက်တယ်။ ခရုသင်းတွေ မှုတ်ကြတယ်။

ကျွန်တော်တစ်ခုသတိရတာက နိုင်ငံတော်သမ္မတကြီး ရဲ့ ဝတ်စားဆင်ယင်လာပုံပါ။ နိုင်ငံတော်သမ္မတကြီးအဖြစ် ရွေးချယ်တင်မြှောက်ခံရတဲ့ပုဂ္ဂိုလ်က ရှမ်းအမျိုးသား ဖြစ်ပါ တယ်။ ညောင်ရွှေစော်ဘွားကြီး စဝ်ရွှေသိုက်က ရှမ်းဝတ်စုံ ဝတ်တယ်။ ခေါင်းပေါင်း ပိုးပဝါပန်းနုရောင်လေးမှာ ရွှေချည်ထိုးထားပါတယ်။ တိုက်ပုံအင်္ကျီအဖြူ ဝတ်ပါတယ်။ ပန်းနုရောင်တောင်ရှည်ပုဆိုး မန္တလေးပိုးလုံချည် ဝတ်ပါ တယ်။ ဝန်ကြီးချုပ် သခင်နုကလည်း စကော့ဈေးလို့ခေါ်တဲ့ ဗိုလ်ချုပ်အောင်ဆန်းဈေး မြပိုးထည်တိုက်ကရောင်းတဲ့ မောင့်ကျက်သရေခေါင်းပေါင်း ပန်းနုရောင်လေး ဆောင်းပါ တယ်။ ပန်းနုရောင်တိုက်ပုံ၊ ပန်းနုရောင်တောင်ရှည် မန္တလေးပုဆိုး ဝတ်ပါတယ်။ အလားတူ လွှတ်တော်ဥက္ကဋ္ဌ ပျော်ဘွယ်ဦးမြကလည်း အဲဒီလိုပဲဝတ်တာကို အဲဒီမြင်ကွင်း ကို ပြန်သတိရလို့ပါ။

ကျွန်တော်တို့ အခမ်းအနားကျင်းပတဲ့ ရန်ကုန် အတွင်းဝန်များရုံး လွှတ်တော်ရှေ့ မြက်ခင်းပြင်မှာတော့ နိုင်ငံတော်သမ္မတ၊ ဝန်ကြီးချုပ်၊ လွှတ်တော်ဥက္ကဋ္ဌတို့က ရှိနေတယ်။ သူတို့နဲ့အတူ လွှတ်တော်အမတ်တွေ၊ အရာရှိကြီး တွေ၊ အတွင်းဝန်တွေ အကုန်စောင့်နေတယ်။ နံနက် ၄ နာရီ မိနစ် ၂ဝ မှာပဲ အလံတိုင်ရှေ့မှာရှိတဲ့ ယူနီယံဂျက် အလံကို ဗြိတိသျှအရာရှိတစ်ယောက်က ချပါတယ်။ ကျွန်တော်တို့ ဗမာ့ရေတပ်မတော်က ကရင်အမျိုးသား ဗိုလ်မှူးစောချစ်စိန်က ပထမဦးဆုံးသော ကြယ်ငါးပွင့်နဲ့ ပြည်ထောင်စုအလံကို အလံတိုင်ထိပ်မှာ တင်လိုက်ပါတယ်။ အဲဒီအချိန်မှာ ကျွန်တော်တို့ လွတ်လပ်ရေးနေ့အခမ်းအနား စတင်ကြောင်း ကြေညာလိုက်ပါတယ်။ နံနက် ၄ နာရီ ၄၅ မိနစ်ရောက်တာနဲ့ မင်းပရိသတ်အားလုံးဟာ လွှတ်တော်ခန်းမထဲကို ဝင်ကြပါတယ်။ နိုင်ငံတော် သမ္မတကြီးအဖြစ်ဆောင်ရွက်မယ့် ညောင်ရွှေစော်ဘွားကြီး စဝ်ရွှေသိုက်၊ ဝန်ကြီးချုပ် သခင်နု၊ လွှတ်တော်ဥက္ကဋ္ဌ ပျော်ဘွယ်ဦးမြနဲ့ လွှတ်တော်အမတ်တွေ နေရာယူကြတယ်။ ယူပြီးတော့ နိုင်ငံတော်သမ္မတကြီးက လွှတ်တော်ရဲ့ ဥက္ကဋ္ဌ စင်မြင့်မှာ နေရာယူတယ်။

နေရာယူပြီးတာနဲ့ နိုင်ငံတော်သမ္မတရာထူးကို လက်ခံသိမ်းပိုက်ကြောင်း ညောင်ရွှေစော်ဘွားကြီး စဝ်ရွှေသိုက်က ကြေညာတယ်။ နိုင်ငံတော်သမ္မတက နှုတ်ခွန်းဆက်စကား ပြောကြားပါတယ်။ ပြီးတဲ့အခါ လွတ်လပ်ရေးတိုက်ပွဲမှာ ကျဆုံးသွားကြတဲ့ ဗိုလ်ချုပ် အောင်ဆန်းအမှူးပြုတဲ့ မျိုးချစ်သူရဲကောင်း တိုက်ပွဲဝင် ရဲဘော်အပေါင်းအတွက် နှစ်မိနစ် ငြိမ်သက်စွာနေကြပြီး မေတ္တာပို့အမျှဝေပါတယ်။ အဲဒီမှာ သမ္မတကြီးက ယာယီ အစိုးရအဖွဲ့ ဝန်ကြီးချုပ် သခင်နုထံ ရုံးတံဆိပ်အပ်နှံပါတယ်။ အလားတူ အခြားဝန်ကြီးတွေကိုလည်း ရုံးတံဆိပ် အပ်နှံ တယ်။ အဲဒီမှာ လွှတ်တော်အမတ်တွေလည်း သူ့နေရာနဲ့သူ ထိုင်စောင့်နေတယ်။ တံဆိပ်တွေပေးပြီး အခမ်းအနား ပထမပိုင်းကို ရပ်ဆိုင်းပါတယ်။

ဒုတိယပိုင်းအစီအစဉ်

ဒုတိယပိုင်းမှာက ဗမာပြည်ကို နှစ်ပေါင်း ၁၂ဝ ကျော် အုပ်ချုပ်လာတဲ့ ဗြိတိသျှအစိုးရရဲ့ နောက်ဆုံးဘုရင်ခံ ဆာဟူးဘတ်ရန့် ဗမာပြည်က ထွက်ခွာတဲ့ အစီအစဉ်ပါ။ အဲဒီအစီအစဉ်ကိုတော့ ရန်ကုန်မြို့ ဝင်ဆာလမ်းမှာရှိတဲ့ ဘုရင်ခံအိမ်တော်ရှေ့က မြက်ခင်းပြင်မှာ ကျင်းပပါတယ်။ နံနက် ၆ နာရီ ၄၅ မိနစ်မှာ အခမ်းအနား စတင်ကျင်းပ ပါတယ်။ အိမ်တော်ထဲကနေ နိုင်ငံတော်သမ္မတကြီးနဲ့ ဘုရင်ခံထွက်လာတယ်။ မြက်ခင်းပြင်ရှေ့က စင်ကလေး ပေါ်မှာ နေရာယူတယ်။ ဗြိတိသျှအလံကိုချတယ်၊ နိုင်ငံတော်အလံကိုတင်တယ်။ အဲဒီအချိန်မှာ ရန်ကုန်မြစ် ထဲက ဘာမင်ဟန် စစ်သင်္ဘောက အမြောက် ၁၇ ချက် ပစ်ဖောက်ပါတယ်။ ဘုရင်ခံက စင်ပေါ်ကနေ ဆင်းလာပြီး အစိုးရအဖွဲ့ဝင်တွေကို တစ်ယောက်ချင်းစီ နှုတ်ဆက်တယ်။ နှုတ်ဆက်ပြီး အိမ်တော်ကနေ ကားနဲ့ထွက်ခွာတယ်။ ပန်းဆိုးတန်းဆိပ်ကမ်းမှာ ဆိုက်ကပ်ထားတဲ့ ဘာမင်ဟန် သင်္ဘောပေါ်ကိုတက်သွားပါတယ်။ ဒါဟာ မြန်မာနိုင်ငံကို နှစ်ပေါင်း ၁၂ဝ ကျော်အုပ်ချုပ်ခဲ့တဲ့ ဗြိတိသျှတို့ရဲ့ နောက်ဆုံးဇာတ်သိမ်းတဲ့ အခမ်းအနားပါပဲ။

တတိယပိုင်းအစီအစဉ်

အချုပ်အာဏာပိုင်နိုင်ငံအဖြစ်ကြေညာတဲ့ လွှတ်တော် အစည်းအဝေးကို နံနက် ၁ဝ နာရီ ၁၅ မိနစ်မှာ ရန်ကုန်မြို့ အတွင်းဝန်များရုံးက လွှတ်တော်အစည်းအဝေးခန်းမမှာ ကျင်းပပါတယ်။ လွှတ်တော်ဥက္ကဋ္ဌနဲ့ လွှတ်တော်အမတ်တွေ ကျမ်းသစ္စာဆိုပြီးနောက် ၁ဝ နာရီခွဲမှာ နိုင်ငံတော်သမ္မတ ရောက်လာတယ်။ လွတ်လပ်ရေးနေ့မိန့်ခွန်းကို ပြောကြား တယ်။ ပြောကြားပြီးနောက်မှာ လွှတ်တော်ဥက္ကဋ္ဌက နိုင်ငံတကာက ပေးပို့တဲ့ လွတ်လပ်ရေးနေ့ သဝဏ်လွှာကို ဖတ်ကြားတယ်။ ဗြိတိသျှ ဆဋ္ဌမမြောက် ဂျော့ဘုရင်ရဲ့ သဝဏ်လွှာကို ပထမဆုံးဖတ်ပါတယ်။ နန်းရင်းဝန် အက်တလီ သဝဏ်လွှာကိုဖတ်တယ်။ အမေရိကန်သမ္မတ ထရူးမင်းရဲ့ သဝဏ်လွှာကိုဖတ်တယ်။ အိန္ဒိယနိုင်ငံက ဝန်ကြီးချုပ်နေရူးရဲ့သဝဏ်လွှာကိုဖတ်တယ်။ သုံး၊ လေး စောင်လောက်ဆက်ဖတ်ပြီး သဝဏ်လွှာဖတ်တဲ့ အခမ်း အနားပြီးတယ်။ ပြီးတဲ့အခါ နိုင်ငံတော်ဝန်ကြီးချုပ် သခင်နု က လွှတ်တော်မှာ အဆိုနှစ်ရပ် တင်ပါတယ်။ ဒါဟာ သမိုင်းပါ။

လွတ်လပ်ရေးနေ့မှာ ပထမဆုံးတင်သွင်းတဲ့ သမိုင်းဝင်လွှတ်တော်အဆိုနှစ်ရပ်

ပြည်ထောင်စုသမ္မတမြန်မာနိုင်ငံတော် ဖွဲ့စည်း အုပ်ချုပ်ပုံအခြေခံဥပဒေတွင် ပါလီမန်ဆိုင်ရာ လွှတ်တော် နှစ်ရပ်လုံးရဲ့ အာဏာကို သုံးစွဲဆောင်ရွက်ခံစားရမည် ဟူသော ဥပဒေပုဒ်မ ၂၃၁ ဥပဒေခွဲ ပုဒ်မ ၁ အရ ဤတိုင်းပြုပြည်ပြုလွှတ်တော်က လန်ဒန်မြို့တွင် ၁၃ဝ၉ ခုနှစ် တန်ဆောင်မုန်းလဆန်း ၄ ရက်၊ ၁၉၄၇ ခုနှစ် အောက်တိုဘာလ ၁၇ ရက်နေ့၌ မြန်မာနိုင်ငံ ယာယီ အစိုးရနှင့် ဗြိတိသျှအစိုးရတို့ချုပ်ဆိုခဲ့သော စာချုပ်ကို သဘောတူအတည်ပြုကြောင်း အဆိုဖြစ်ပါတယ်။ ဒါဟာ လွတ်လပ်ရေးအတွက် အောင်ဆန်း-အက်တလီ ပဏာမ ချုပ်ဆိုခဲ့တဲ့ စာချုပ်အရ ဖြစ်လာတာပါ။

ဒုတိယအဆိုက ဥပဒေပုဒ်မ ၂၃၁ အရ နိုင်ငံတော် ယာယီသမ္မတက ထုတ်ပြန်တဲ့ ကြေညာချက်အမိန့်ကို ဤလွှတ်တော်က သဘောတူတယ်။ ဒါက ဘာလဲဆိုတော့ ကျွန်တော်တို့တိုင်းပြည် လွတ်လပ်ရေးရတဲ့အတွက် တိုင်းပြည်မှာ ဆင်းရဲသားတွေ၊ ဒွန်းစဏ္ဍားတွေ စသည့် လူတန်းစားနိမ့်ကျတဲ့ လူတန်းစားတွေ မရှိစေရ၊ ပပျောက် ရမယ်ဆိုတဲ့အမိန့် ဖြစ်ပါတယ်။ အဲဒီအမိန့်ကို အတည်ပြု ကြောင်း တင်သွင်းပြီးတော့ လွှတ်တော်ပြီးဆုံးပါတယ်။

လွတ်လပ်ရေးနေ့တွင် ဖွဲ့စည်းခဲ့သည့် အစိုးရအဖွဲ့စာရင်း

နိုင်ငံတော်ဝန်ကြီးချုပ်နေရာမှာ သခင်နုက တာဝန် ယူတယ်။ ဒုတိယဝန်ကြီးချုပ်နဲ့ ကာကွယ်ရေးဝန်ကြီးအဖြစ် ဗိုလ်လက်ျာက တာဝန်ယူတယ်။ နိုင်ငံခြားရေးဌာနဝန်ကြီး အဖြစ် အိုင်စီအက်ဦးတင်ထွဋ်၊ ဘဏ္ဍာရေးနှင့် အခွန်ဝန်ကြီး အဖြစ် မြန်မာ့အလင်းသတင်းစာဆရာ ဦးတင်က တာဝန် ယူပါတယ်။ ကရင်ရေးရာဝန်ကြီးဌာန ဝန်ကြီးအဖြစ် စောစံ ဖိုးသင်၊ ရှမ်းပြည်နယ်ဆိုင်ရာဝန်ကြီးအဖြစ် ဦးထွန်းမြင့် (လင်းခေး)၊ ကချင်ပြည်နယ်ဆိုင်ရာဝန်ကြီးအဖြစ် ဆမား ဒူးဝါးဆင်ဝါးနောင်၊ ကရင်နီပြည်နယ်(ယခုကယား) ဆိုင်ရာ ဝန်ကြီးအဖြစ် စောဝဏ္ဏ၊ ချင်းပြည်နယ်ဆိုင်ရာဝန်ကြီးအဖြစ် ဦးဝမ်းသူးမောင်၊ တရားစီရင်ရေးဆိုင်ရာဝန်ကြီးအဖြစ် ဦးဘဂျမ်း၊ ကူးသန်းရောင်းဝယ်ရေး၊ ထောက်ပံ့ရေးနှင့် သယ်ယူပို့ဆောင်ရေးဌာနဝန်ကြီးအဖြစ် ဦးကိုကိုကြီး၊ သစ်တောရေးနှင့် လယ်ယာစိုက်ပျိုးရေးဝန်ကြီးဌာန ဝန်ကြီး အဖြစ် သခင်တင်၊ ပြည်ထဲရေးဌာနဝန်ကြီးအဖြစ် ဦးကျော် ငြိမ်း၊ လမ်းပန်းအဆောက်အဦနှင့် အလုပ်သမားရေးရာ ဝန်ကြီးအဖြစ် မန်းဝင်းမောင် (နောက်ပိုင်း နိုင်ငံတော်သမ္မတ အဖြစ်ဆောင်ရွက်ခဲ့)၊ ပညာရေး၊ ပြည်သူ့ဝန်ထမ်းနှင့် ပြန်လည်ထူထောင်ရေးဝန်ကြီးအဖြစ် ဗိုလ်ဖိုးကွန်း(ဗိုလ်မှူး ဖိုးကွန်း)၊ အမျိုးသားစီမံကိန်းနဲ့ စက်မှုလက်မှုဝန်ကြီးအဖြစ် ဟင်္သာတဦးမြ၊ ပြန်ကြားရေးဝန်ကြီးအဖြစ် ဦးညိုထွန်း၊ ဌာနလက်ကိုင်မရှိဝန်ကြီးအဖြစ် ဗိုလ်စိန်မှန်တို့ ပါဝင်တဲ့ အစိုးရအဖွဲ့ကို ကြေညာပြီးတော့ နံနက်ပိုင်းအခမ်းအနား ရပ်စဲတာပေါ့။

ထိန်းသိမ်းသင့်

ကျွန်တော်ပြောချင်တာက ကျွန်တော်တို့သမိုင်းမှာ ကျွန်တော်တို့ဟာ တော်တော်လေး အထိန်းအသိမ်း ပေါ့လျော့ခဲ့တယ်လို့ ပြောချင်တယ်။ ကျွန်တော်တို့ တိုင်ထိပ်က ချလိုက်တဲ့ ယူနီယံဂျက်အလံ၊ ကျွန်တော်တို့ ပထမဆုံးတင်လိုက်တဲ့ ပြည်ထောင်စုအလံ နှစ်ခုကို အရာရှိ တစ်ယောက် ထိန်းသိမ်းထားတယ်လို့ပဲ သိလိုက်ရတယ်။ ဒီနေ့ထက်ထိ ဘယ်မှတ်တမ်းတိုက်၊ မော်ကွန်းတိုက်ကမှ သိမ်းထားတယ်ဆိုတာ မသိရဘူး။ အဲဒီထိန်းသိမ်းတဲ့နေရာ မှာ အခုထိရှိသေးတယ်လို့ပဲ ကြားတယ်။ ဒါကို ပြန်လည် ရှာဖွေထိန်းသိမ်းရင်တော့ သမိုင်းမှာ အဖိုးတန်မှာ ဖြစ်ပါမယ်။

(ဆက်လက်ဖော်ပြပါမည်)

ပညာရေးတွင် ဆရာများ၏အခန်းကဏ္ဍနှင့် အမျိုးသားဆရာ တိုးမြှင့်ခန့်ထားရေးစကားဝိုင်း ကျင်းပ

ပညာရေးပြုပြင်ပြောင်းလဲမှုတွေလုပ်တဲ့အခါမှာ ဆရာအရေအတွက်နဲ့ ဆရာမအရေအတွက် အတော်ကြီးကွာဟနေတာကြောင့် ပညာရေးကို အကောင်အထည်ဖော်တဲ့အခါ ပိုပြီးကောင်းလာအောင် မူဝါဒတွေ ချမှတ်ဖို့လိုပါတယ်
အခြေခံပညာဦးစီးဌာန ညွှန်ကြားရေးမှူးချုပ်(တာဝန်) ဦးကိုလေးဝင်း
-------------------------------------------------------------

သတင်း-နန္ဒာဝင်း၊ ဝင်းဝင်းမော် ဓာတ်ပုံ- ဝင်းဝင်း

ပညာရေးတွင် ဆရာများ၏ အခန်းကဏ္ဍနှင့် အမျိုးသားဆရာတိုးမြှင့်ခန့်ထားရေး စကားဝိုင်းဆွေးနွေးပွဲကို ကျောင်းပြင်ပနှင့် တစ်သက်တာပညာရေးဦးစီးဌာန၊ မြန်မာ့အသံနှင့် ရုပ်မြင် သံကြားတို့ ပူးပေါင်းရိုက်ကူးထုတ်လွှင့်ခဲ့ပါသည်။ အဆိုပါ စကားဝိုင်းဆွေးနွေးပွဲတွင် ပညာရေးဝန်ကြီးဌာန အခြေခံပညာဦးစီးဌာန ညွှန်ကြားရေးမှူးချုပ်(ငြိမ်း) ဒေါက်တာသန်းဦး၊ ပညာရေး ဝန်ကြီးဌာန အခြေခံပညာဦးစီးဌာန ညွှန်ကြားရေးမှူးချုပ် (တာဝန်) ဦးကိုလေးဝင်း၊ ပညာရေးဝန်ကြီးဌာန အဆင့်မြင့်ပညာဦးစီးဌာန ဒုတိယညွှန်ကြားရေးမှူးချုပ် ဒေါက်တာအောင်အောင်မင်း၊ အမျိုးသားပညာရေးမူဝါဒကော်မရှင် အဖွဲ့ဝင်များဖြစ်ကြသည့် ဒေါက်တာဝင်းအောင်နှင့် ဦးထွန်းလှ၊ ရန်ကုန်တိုင်းဒေသကြီး အလက(၉) အင်းစိန် ကျောင်းအုပ် ဦးစိုးထွန်းထွန်းနိုင်၊ ရန်ကုန်တိုင်းဒေသကြီး အထက (၄) သင်္ဃန်းကျွန်းမှ အထက်တန်းပြဆရာ ဦးလင်းလင်းထိုက်နှင့် ရန်ကုန်ပညာရေးတက္ကသိုလ် ပဉ္စမနှစ်ကျောင်းသား မောင်အားမာန်ထက်တို့က ပါဝင်ဆွေးနွေးခဲ့ကြသည်-

အစီအစဉ်မှူး။ ။ အခုလက်ရှိမှာ ဆရာများရဲ့အခန်း
ကဏ္ဍက ဘယ်လောက်အထိ အရေးပါ သလဲဆိုတာ ပြောပြပေးစေချင်ပါတယ်။

ဒေါက်တာသန်းဦး။ ။ ဒီနေ့ကမ္ဘာမှာ စဉ်ဆက်မပြတ်
ဖွံ့ဖြိုးမှု ပန်းတိုင်လို့ခေါ်တဲ့Sustainable Development Goals မှာ တိတိကျကျ အချက် ပန်းတိုင် ၁၇ ချက်ရှိတယ်။ အဲဒီ ၁၇ ချက်မှာ ပန်းတိုင်အမှတ် - ၄ က ပညာရေးပန်းတိုင်ဖြစ်ပါတယ်။ အဲဒီပန်းတိုင်မှာ အရည်အသွေးရှိတဲ့ ပညာကိုပေးဖို့ ဘဝတစ်သက်တာ ပညာအခွင့်အလမ်းဆိုတာ ပါလာ ပါတယ်။ ဒါက မှတ်သားလောက်ပါတယ်။ မြန်မာနိုင်ငံမှာ မြန်မာအမျိုးသားပညာရေးမူဝါဒစီမံကိန်းရဲ့ မျှော်မှန်းချက် ကာလအားဖြင့် ၂ဝ၁၆ ခုနှစ်ကနေ ၂ဝ၂၁ ခုနှစ် အထိ အဲဒီ မျှော်မှန်းချက်မှာလည်း ကျွန်တော်တို့ တိတိကျကျ ဆရာများရဲ့အခန်းကဏ္ဍပါပါတယ်။ ၂ဝ၁၄ ခုနှစ် ပညာရေးဥပဒေမှာလည်း အခန်း ( ၉) မှာ ဆရာများရဲ့ အခန်းကဏ္ဍပါပါတယ်။ ဒါက ကျွန်တော်တို့ မူဝါဒအပိုင်းနဲ့ ပတ်သက်တာပါ။ နောက်ကျွန်တော်တို့ရဲ့ မြန်မာ့ ယဉ်ကျေးမှု၊ မြန်မာ့ဓလေ့ထုံးစံမှာ ဆရာကို အာစရိယ ဆရာ၊ သင်တဲ့ ဆရာ၊ ဥပဇ္ဈာယ် ဆရာ၊ ဆုံးမတဲ့ ဆရာဆိုပြီး ဆရာအား မြတ်မြတ်နိုးနိုး လေးစားတန်ဖိုးထားပြီးတော့ မြန်မာ့လူ့အဖွဲ့အစည်းမှာ ရှိပါတယ်။ ဒါက အလွန်မွန်မြတ် တဲ့ ကိစ္စပါ။ ဆရာကို အနန္တဂိုဏ်းဝင်အဖြစ်ထားတဲ့ မြန်မာ့ယဉ်ကျေးမှု လူ့အဖွဲ့အစည်းပါ။

အဲဒီမှာ ဆရာလို့ ပြောလိုက်တဲ့အခါ ဆရာဆိုတာက အမျိုးသမီးဆရာရော၊ အမျိုးသားဆရာရော အကျုံးဝင်ပါ တယ်။ အခု အမျိုးသားဆရာဦးရေ နည်းပါးလာတာနဲ့ ပတ်သက်ပြီး ဆွေးနွေးတဲ့အခါ နောက်ကြောင်းပြန်ကြည့် ပါတယ်။ အမျိုးသားဆရာနဲ့ အမျိုးသမီးဆရာများသည် ဘယ်လိုအခြေအနေရှိခဲ့လဲဆိုတာ ကျွန်တော့်ကိုယ်တွေ့ပါ။ ဒုတိယ ကမ္ဘာစစ်မတိုင်မီက ကျောင်းသုံးမျိုး သုံးစားရှိ ပါတယ်။ အင်္ဂလိပ်ကျောင်း၊ အင်္ဂလိပ်-မြန်မာ နှစ်ဘာသာ သင်ကျောင်း၊ မြန်မာဘာသာသင်ကျောင်းဆိုပြီး ပုဂ္ဂလိက ကျောင်းတွေပါ ပါဝင်ပါတယ်။ အဲဒီမှာကြည့်ရင် ကျွန်တော်ကိုယ်တိုင်က အမျိုးသားကျောင်းသားပါ။ အဲဒီ ခေတ်က ကျွန်တော်တို့ဆရာတွေက အများအားဖြင့် ဆရာ တွေများပါတယ်။ ဆရာမကတော့ အနည်းစုပါပဲ။ ဒုတိယ ကမ္ဘာစစ်ကြီးဖြစ်ပြီးနောက် ဆရာလောကက ဆရာတွေ တော်တော်များများ အနားယူသွားကြတယ်။ ပြီးတော့မှ ပြန်စုစည်းပြီး အဲဒီကျတော့ ကျောင်းက နိုင်ငံတော်ကျောင်း၊State School လို့ ခေါ်တယ်။

State Primary School ၊ State Post - Primary School၊ မြန်မာလိုပြောရင်တော့ နှစ်ကျောင်းပဲ၊ နိုင်ငံတော် မူလတန်းကျောင်း၊ နိုင်ငံတော် မူလတန်းလွန်ကျောင်း၊ တန်းမြင့်ကျောင်းလို့လည်း ခေါ်တယ်။ အဲဒီမှာ ကျွန်တော် ကျောင်းနေခဲ့ရတယ်။ အဲဒီအချိန်ကို ပြန်ကြည့်တဲ့အခါ ဆရာဦးရေက နည်းနည်းလျော့သွားတာ တွေ့ရတယ်။ ဒုတိယကမ္ဘာစစ်ကြီးပြီးတဲ့ နိုင်ငံတော်ကျောင်းတွေမှာ အဲဒီလို ဆရာတွေ လျော့သွားတာ သတိထားမိတယ်။ ကျွန်တော်ကိုယ်တိုင် ၁၉၅၄ ခုနှစ်မှာ အထက်တန်း ကျောင်းအုပ်လုပ်တဲ့အခါ ကျွန်တော့်ကျောင်းမှာရော၊ အခြား ကျောင်းတွေမှာရော ဆရာအထိုက်အလျောက် ရှိပါတယ်။ သို့သော် နည်းတယ်။ ၁၉၆၄ ခုနှစ်မှာ ဆရာအတတ်သင် ကျောင်းအုပ်လုပ်ခဲ့တယ်။ အဲဒီမှာလည်း သင်တန်း သားတွေကို သတိထားကြည့်မိတဲ့အခါ အမျိုးသားဦးရေ က အထိုက်အလျောက်တော့ ရှိပါတယ်။ သို့သော် အမျိုး သမီးဦးရေက နည်းနည်းသာလွန်တာ တွေ့ရပါတယ်။

၁၉၆၄ ခုနှစ် နောက်ပိုင်းမှာ အမျိုးသားဆရာဦးရေက သိသိသာသာ လျော့ပါးပြီးတော့ အမျိုးသမီးဆရာများက သိသိသာသာ ဦးရေတိုးပွားလာတာကို တွေ့ရတယ်။ ဘာကြောင့် ဒီလိုအခြေအနေ ပြောင်းလာရလည်းဆိုတာ ကို ဒီစကားဝိုင်းကနေ အကြောင်းရင်းကိုရှာဖို့ လိုပါ တယ်။ အကြောင်းရင်းကိုရှာပြီးရင် ကုစားနိုင်မယ့်နည်းလမ်း ကို ဆွေးနွေးရှာဖွေနိုင်ဖို့ လိုလိမ့်မယ်လို့ထင်ပါတယ်။ ဒါက အခြေအနေကို အချုပ်အားဖြင့် တင်ပြခြင်းဖြစ်ပါ တယ်။

အစီအစဉ်မှူး။ ။ အမျိုးသားဆရာနဲ့ အမျိုးသမီးဆရာ
မျှတဖို့ ဘာကြောင့် လိုအပ်လဲဆိုတာ ကို ဆရာကြီးအနေနဲ့ သုံးသပ်ပြောကြားပေးပါ။

ဦးထွန်းလှ။ ။ အမျိုးသားဆရာနဲ့ အမျိုးသမီးဆရာ
မျှတဖို့ လိုအပ်တဲ့အကြောင်းရင်းကတော့ ဆရာကြီးတို့ ပြောသွားသလို အမျိုးသားမူဝါဒစီမံကိန်းကို အကောင်အထည်ဖော် ဆောင်ရွက်တဲ့အခါ အခြေခံ ပညာရေးရဲ့ အဓိကရည်မှန်းချက်က ဗလငါးတန် ဖွံ့ဖြိုး တိုးတက်ရေးနဲ့ ဘက်စုံပညာဖွံ့ဖြိုးတဲ့ ကလေးတွေ ပြုစု ပျိုးထောင်ဖို့အတွက် အခြေခံကျောင်းတွေမှာ လိုအပ်နေ တယ်လို့ ယူဆတာကြောင့် ကလေးတွေကို ပြုစုပျိုးထောင် တဲ့နေရာမှာ ဘက်စုံဖွံ့ဖြိုးတိုးတက်တဲ့နေရာမှာ လက်တွေ့ ပြုစုပျိုးထောင်ပေးနိုင်ဖို့က ကျွန်တော်တို့ ဆရာတွေလည်း လိုအပ်သလို ဆရာမတွေလည်း လိုအပ်တယ်လို့ ယူဆတာ ကြောင့် ဆရာ ဆရာမဦးရေ တိုးချဲ့ခန့်ထားပေးဖို့ လိုပါမယ်။

အစီအစဉ်မှူး။ ။ ကနေ့ ဆွေးနွေးပွဲရဲ့ စကားဝိုင်းခေါင်းစဉ်
ရွေးချယ်ဖြစ်ခဲ့ပုံနဲ့ လက်ရှိ ဆရာ ဆရာမ အရေအတွက် ဘယ်လောက်အထိ ကွာဟနေတယ်ဆိုတာ လည်း သုံးသပ်ပြောကြားပေးပါ။

ဦးကိုလေးဝင်း။ ။အခြေခံပညာကဏ္ဍမှာ ကျောင်းပေါင်း
၄၇ဝဝ၅ ကျောင်း ရှိပါတယ်။ အဲဒီ ကျောင်းတွေမှာ မူလတန်းပြ၊ အလယ်တန်းပြ၊ အထက်တန်း ပြ၊ မူလတန်းကျောင်းအုပ်၊ အလယ်တန်းကျောင်းအုပ်၊ အထက်တန်းကျောင်းအုပ် စတဲ့ သင်ကြားရေးတာဝန်ကို ယူရတဲ့ လူ့စွမ်းအားအရင်းအမြစ် ဆရာ ဆရာမတွေရဲ့ အရေအတွက်ကိုကြည့်လိုက်ရင် တစ်နိုင်ငံလုံးမှာ စုစုပေါင်း ၄ဝ၂၃၇၄ ယောက် ရှိပါတယ်။ အဲဒီမှာ ဆရာအချိုးနဲ့ ဆရာမအချိုးကိုကြည့်ရင် ကျားက ၁၇ ရာခိုင်နှုန်း၊ မက ၈၃ ရာခိုင်နှုန်း ရှိနေပါတယ်။

စောစောက ဆရာကြီး ဦးထွန်းလှ ဆွေးနွေးသွားတဲ့ အထဲမှာလည်းပါပါတယ်။ အခြေခံပညာရေးရဲ့ အဓိက ရည်မှန်းချက်က ဘက်စုံထူးချွန်တဲ့ ဗလငါးတန်နဲ့ ပြည့်စုံ တဲ့ နိုင်ငံ့သားကောင်းကလေးတွေ၊ ကမ္ဘာ့လူသားကောင်း ကလေးတွေဖြစ်ဖို့ မွေးထုတ်လေ့ကျင့်တဲ့အခါ ဘက်စုံ ပညာရေးကိုသွားရင် ဆရာတွေလည်း အရေးကြီးသလို ဆရာမတွေလည်း အရေးကြီးပါတယ်။ ဆရာမအရေ အတွက်က ကျောင်းတွေကို ကြည့်လိုက်တဲ့ အခါမှာ တချို့ကျောင်းတွေမှာ ဆရာမတွေပဲရှိပြီး ဆရာ တစ်ယောက်မှမရှိတဲ့ ကျောင်းတွေလည်း တွေ့နေရတယ်။ အဲဒီလို တွေ့နေရတဲ့အခါမှာ ဆရာအရေအတွက်က သေချာပေါက် တိုးမြှင့်ခန့်ထားဖို့လိုနေပြီဆိုတာ အချက် အလက်တွေက ထောက်ပြနေတယ်။ ဒီလိုထောက်ပြနေ တာဖြစ်တဲ့အတွက် စကားဝိုင်းတွေ တစ်နည်းအားဖြင့် ပြောရင် ပညာရေးကဏ္ဍမြှင့်တင်ရေး အစီအစဉ်တွေကို အမျိုးသားပညာရေး မဟာဗျူဟာစီမံကိန်း ၂ဝ၁၆- ၂ဝ၂၁ ကို အကောင်အထည်ဖော်တဲ့အခါမှာ ပညာရေး ပြုပြင် ပြောင်းလဲမှုတွေ လုပ်တဲ့အခါမှာ ဆရာအရေအတွက်နဲ့ ဆရာမအရေအတွက် အတော်ကြီးကွာဟနေတာကြောင့် ပညာရေးကို အကောင်အထည်ဖော်တဲ့အခါ ပိုပြီး ကောင်းလာအောင် မူဝါဒတွေ ချမှတ်ဖို့လိုပါတယ်။

နောက်ပြီးတော့ ပညာရေး ပြုပြင်ပြောင်းလဲမှုတွေကို ပြည်သူလူထုကို အသိပေးဖို့လိုတာ ဖြစ်တဲ့အတွက် စကားဝိုင်းတွေကို ကျင်းပပေးဖို့ဆိုပြီး ပညာရေးဝန်ကြီးဌာန ပြည်ထောင်စုဝန်ကြီးအပါအဝင် မူဝါဒကို ဆောင်ရွက်နေ တဲ့ ပုဂ္ဂိုလ်တွေကနေ ဒီပြည်သူတွေကို ဒီအချက်အလက် တွေကို အသိပေးဖို့ လိုတယ်။ ဒါကြောင့် ဒီစကားဝိုင်းကို ခေါင်းစဉ်အနေနဲ့ဆိုရင် ဆရာတွေရဲ့ အခန်းကဏ္ဍ၊ အခြေခံပညာရေးကဏ္ဍမှာ ဆရာတွေရဲ့ အခန်းကဏ္ဍနဲ့ အမျိုးသားဆရာတွေ ပိုပြီး တိုးမြှင့်ခန့်ထားဖို့အပြင် ဒီစကားဝိုင်းကနေ ပြည်သူလူထုက ကြည့်ရှုပြီးတော့မှ ဆရာဘဝကို မြတ်နိုးပြီး ဆရာတွေအနေနဲ့ ပညာရေး ကဏ္ဍမှာပိုပြီး ပါဝင်လာစေဖို့အတွက် ရည်ရွယ်ပြီး စကားဝိုင်းကို ဆောင်ရွက်ရခြင်းဖြစ်ပါတယ်။

အစီအစဉ်မှူး။ ။ ဆရာ ဆရာမ ရွေးချယ်ရေးအတွက်
ဘယ်လိုတွေ စီစဉ်ဆောင်ရွက်နေသလဲ ဆိုတာ ရှင်းပြပေးပါဦး။

ဒေါက်တာအောင်အောင်မင်း။ ။ ကျွန်တော်တို့ ပညာ
ရေးကောလိပ်တွေကို တက္ကသိုလ်ဝင်စာမေးပွဲအောင်မြင်တဲ့သူတွေ တက်ရပါ တယ်။ တက်ခွင့်ပေးတော့ ကျွန်တော်တို့ ရွေးချယ်တာက ဒီနှစ်မှာမှ မဟုတ်ပါဘူး။ ငါးနှစ်လောက်အတွင်းက အချက်အလက်တွေ ပြန်ကြည့်တဲ့အခါ တက္ကသိုလ်ဝင် စာမေးပွဲအောင်တာကိုက မိန်းကလေးအရေအတွက် က များပါတယ်။ အဲဒီအတွက် လျှောက်ထားတဲ့သူကလည်း မိန်းကလေးများပါတယ်။ ကျွန်တော်တို့ကျောင်းရဲ့ ဝင်ခွင့်ကို မနှစ်ကစပြီး ရွေးချယ်တာက မြို့နယ်အလိုက် အခြေခံပါတယ်။ မြို့နယ်မှာရှိတဲ့ မူလတန်းကျောင်းသား အရေအတွက် (ဥပမာဆိုရင် - ကမာရွတ်မြို့နယ်မှာရှိတဲ့ မူလတန်းကျောင်းသား အရေအတွက်ရယ်၊ ရန်ကုန်တိုင်း ဒေသကြီး တစ်ခုလုံးမှာရှိတဲ့ မူလတန်းကျောင်းသား အရေအတွက်ရယ်၊ နောက် ဒီမြို့နယ်က တက်ရမယ့် ကျောင်းက ရန်ကင်းပညာရေးကောလိပ်ရဲ့ ဝင်ဆံ့ အင်အား ဒီအတိုင်းခွဲပြီးတော့ မြို့နယ်အလိုက် ခွဲတမ်း ချထားပါတယ်။ ဒီလိုချထားပြီးတော့မှ ဥပမာ ဒီမြို့နယ် က လူ ၂ဝ တက်ရမယ်ဆိုရင် ကျွန်တော်တို့လည်း ဘာသာ ရပ်က စုံအောင်ခေါ်ရပါတယ်။ သိပ္ပံတွဲနဲ့အောင်လာတဲ့ လူ၊ ဝိပ္ပံတွဲနဲ့ အောင်လာတဲ့လူ၊ ဝိဇ္ဇာတွဲနဲ့ အောင်လာတဲ့ လူ အဲဒါဆိုရင် သိပံ္ပတွဲက ၃ဝ ရာခိုင်နှုန်း၊ ဝိပံ္ပတွဲက ၄ဝ ရာခိုင်နှုန်း၊ ဝိဇ္ဇာတွဲက ၃ဝ ရာခိုင်နှုန်း၊ အဲဒီလို ၃ဝ၊ ၄ဝ၊ ၃ဝ အချိုးနဲ့ ခေါ်ပါတယ်။ အဲဒီထဲကမှ သိပံ္ပနဲ့အောင်တဲ့ လူ ၃ဝ ရာခိုင်နှုန်းမှာ တစ်ဝက်က ယောက်ျားလေး၊ တစ်ဝက်က မိန်းကလေး ဒီအတိုင်းရွေးပါတယ်။ ရွေးပေ မယ့် လျှောက်ထားတဲ့သူအရေအတွက်မှာ ယောက်ျားလေး ရှားပါးတဲ့အရေအတွက်က အဲဒီမှာ စတွေ့ပါတယ်။

ဥပမာအနေနဲ့ ပြောမယ်ဆိုရင် ဒီနှစ်လက်ရှိ ရွေးပြီး တော့ ကျောင်းစတက်နေပြီ။ ရန်ကုန်တိုင်းဒေသကြီးမှာဆိုရင် ဝိဇ္ဇာဘာသာတွဲကလျှောက်ထားတဲ့ ယောက်ျားလေးက ရန်ကုန်တိုင်းဒေသကြီး တစ်ခုလုံးမှာ ၃၁ ယောက် ရှိပါ တယ်။ ရန်ကုန်တိုင်းဒေသကြီး တစ်ခုလုံးအတွက် တကယ် ရွေးချယ်ရမယ့် ခွဲတမ်းက ၁ဝ၉ ယောက်ရှိတယ်။ အဲဒီ အတွက် ယောက်ျားလေးလျှောက်ထားမှုနှုန်း နည်းနေ တယ်။ အဲဒီအခါကျတော့ ရွေးတာက ဘယ်လို ရွေးသလဲ ဆိုတော့ ပထမဦးစားပေး ( ဥပမာပြောရရင် ) ကမာရွတ် မြို့နယ်မှာ ယောက်ျားလေး ဦးရေလိုတယ်။ မြို့နယ်မှာ ယောက်ျားလေး လျှောက်ထားမှုမရှိဘူးဆိုရင် ခရိုင်မှာ ရှိမလား ဆက်ရှာရတယ်။ ခရိုင်မှာမရှိဘူးဆိုရင် တိုင်း ဒေသကြီးမှာ ဆက်ရှာတယ်၊ တိုင်းဒေသကြီးကျတော့ ကျွန်တော်တို့က မစဉ်းစားသေးဘူး။ အဲဒါကြောင့် ရန်ကုန် တိုင်းဒေသကြီးလိုဟာမျိုးဆိုရင် သတ်မှတ်တဲ့ ယောက်ျား လေးဦးရေက တစ်တိုင်းလုံးရှာတောင် မရနိုင်ဘူး ဖြစ်သွား တယ်။ တချို့ပြည်နယ်နဲ့ တိုင်းဒေသကြီးတွေမှာ ပြည့်ပြည့် စုံစုံ ရှိပါတယ်။ ပိုလျှံပြီးတော့တောင် လျှောက်ပါတယ်။ စာရင်းဇယားတွေအရ ပြောလို့ရတာက ရန်ကုန်တိုင်း ဒေသကြီးနဲ့ မန္တလေးတိုင်းဒေသကြီးက ယောက်ျားလေး တော်တော်များများက ဒီကျောင်းဆရာအလုပ်ကို လျှောက်ထားမှု အားနည်းတယ်။

နောက်ပြီး ကယားပြည်နယ်တို့လို၊ ရှမ်းအရှေ့ပိုင်း တို့လို နယ်နိမိတ်ဧရိယာမှာရှိနေတဲ့ အဖွဲ့တွေက ယောက်ျားလေးတွေအနေနဲ့ လျှောက်ထားမှုနှုန်း နည်းပါး တယ်။ ကျွန်တော်တို့ ရွေးချယ်တာက မြို့နယ်ကို အခြေခံ ပါတယ်၊ ဘာသာရပ်ကို အခြေခံပါတယ်၊ မူလတန်း ကျောင်းသားရှိနေတဲ့ နေရာကို အခြေခံပြီးတော့ ရွေးချယ် ပါတယ်၊ ကျား၊ မလည်း တန်းတူညီမျှ ရွေးချယ်ပါတယ်။

အစီအစဉ်မှူး။ ။ ပညာရေးနယ်ပယ်မှာ ဆရာဖြစ်
သင်တန်းတွေ လျှောက်ထားတဲ့အခါ လျှောက်ထားတဲ့ အခြေအနေကိုလည်း ပြောပြပေးပါ။

ဒေါက်တာအောင်အောင်မင်း။ ။ ကျွန်တော်တို့က
သတင်းစာတွေ ထဲကနေ လျှောက်လွှာခေါ်တဲ့အခါ သူတို့လျှောက်ထား ကြတယ်။ ကျွန်တော်တို့အနေနဲ့က မူတွေချမှတ်ပြီး လုပ်တယ်။ အခက်အခဲတွေ့တာက ဒီနှစ် ဝိဇ္ဇာဘာသာတွဲ မှာဆိုရင် တက္ကသိုလ်ဝင်တန်းစာမေးပွဲကို အောင်မြင်တဲ့ ယောက်ျားလေး ၅၉၁၄ ဦးရှိတယ်။ အဲဒီထဲကမှ ကျွန်တော်တို့ ပညာရေးကောလိပ်ကို တက်ပါမယ်ဆိုပြီး လျှောက်လာတဲ့ လူက ၃၄၆၃ ဦးရှိတယ်။ လျှောက်တဲ့ အနေအထားလည်း ကောင်းပါတယ်။ ကျွန်တော်တို့ လိုချင်တဲ့ အနေအထားကို ရတယ်။

ဒါပေမယ့် ကျွန်တော်တို့ရွေးချယ်တဲ့ မူကိုက မြို့နယ် ကို အခြေခံတာ။ အဲဒါက အဓိကကတော့ အရင်က လေး၊ ငါး၊ ခြောက်နှစ်လောက်က ရွေးချယ်တာက တစ်နိုင်ငံလုံးကြိုက်တဲ့နေရာကို လျှောက်ခွင့်ပေးပါတယ်။ အမှတ်ကို အဓိကထားရွေးတယ်၊ အဲဒါကြောင့် ရန်ကုန်၊ မန္တလေးအောင်တဲ့လူက ရှမ်းပြည်နယ်ကို သွားရင်သွားမယ်၊ ကချင်ပြည်နယ်သွားရင်သွားမယ်။ အဲဒီမှာ ပညာရေး ကောလိပ်တက်မယ်။ နောက်မူလတန်းပြ ဆရာလုပ်မယ်။ တစ်နှစ်၊ နှစ်နှစ် မူလတန်းပြဆရာလုပ်ပြီးတာနဲ့ အပြောင်း အရွှေ့လုပ်ပြီး မန္တလေးဘက်ကလာရင် မန္တလေးဘက် ပြန်သွားမယ်၊ ရန်ကုန်ဘက်ကလာရင် ရန်ကုန် ဘက်ပြန်သွားမယ်ဆိုတဲ့ အခြေခံပညာမှာ အပြောင်းအရွှေ့ ကိစ္စက တော်တော်ကြီးကြီးမားမား ဆောင်ရွက်ရတာ၊ သူတို့ပြန်သွားတာနဲ့ ဟိုဘက်မှာ မူလတန်းပြဆရာတွေ မကျန်ခဲ့တော့ဘူး။

အဲဒါနဲ့ ကျွန်တော်တို့က နှစ်နှစ်ရှိပါပြီ။ ကျွန်တော်တို့ အခြေခံပြီးရွေးတာက မြို့နယ်အလိုက်ပဲလျှောက်၊ အဲဒီ မြို့နယ်အလိုက်မှာပဲ အဲဒီမြို့နယ်နဲ့ သက်ဆိုင်တဲ့ ပညာ ရေးကောလိပ်မှာတက်ပြီးရင် အဲဒီပညာရေးကောလိပ်က ဆင်းလာတာနဲ့ အခြေခံပညာဦးစီးဌာနကလည်း သူ့မြို့နယ်အတွင်းမှာပဲ အတတ်နိုင်ဆုံး သူ့အိမ်၊ သူ့ရာနဲ့ နီးတဲ့နေရာမှာပဲ တာဝန်ချထားပေးတဲ့အတွက် အပြောင်း အရွှေ့ကိစ္စမှာ အဆင်ပြေတယ်၊ အဲဒီမူလေးတွေနဲ့ ရွေးချယ်နေတာပါ။

(ဆက်လက်ဖော်ပြပါမည်)

မြန်မာ့လွတ်လပ်ရေး ရာဇဝင်မော်ကွန်း အမျိုးသားရေးစိတ်ဓာတ် နိုးကြားလာခြင်း

ကောင်းဈာန်သိမ်း

မြန်မာမျိုးချစ်တိုင်းရင်းသားများသည် နယ်ချဲ့အင်္ဂလိပ်တို့ကို လက်နက် စွဲကိုင်တော်လှန်ခြင်းအား ရပ်ဆိုင်းလိုက်ပြီးနောက် အမျိုးသားရေးဘက်သို့ ခြေဦးလှည့်ကြသည်။ စည်းလုံးညီညာခြင်းနည်းဖြင့် တိုက်ပွဲစစ်ဦးကို လှည့်ခဲ့ကြသည်။ လွတ်လပ်ရေးဆုံးရှုံး၍ ဝါးအစည်းပြေခဲ့သော လူမျိုးကို စည်းရုံးကြသည်။ မြန်မာ့ယဉ်ကျေးမှုကို ဂုဏ်ယူခြင်းဖြင့် စိတ်ဓာတ် တင်းထားကြသည်။ ခေတ်ပညာများနှင့် ရှေးဟောင်းပညာများ အစုံအလင် တတ်ကျွမ်းမှ အင်္ဂလိပ်ကိုအန်တုနိုင်မည်ဟု နားလည်ကြသည်။ ပညာဘက်၌ ကြိုးပမ်းကြသည်။ လွတ်လပ်ရေးတိုက်ပွဲကို စွန့်လွှတ်ခြင်းမပြု၊ စစ်ဦး ပြောင်းခြင်းသာဖြစ်သည်။

အမျိုးသားခေါင်းဆောင်များ မွေးထုတ်

၁၈၉၇ ခုနှစ်တွင် မန္တလေးမြို့၌ ဗုဒ္ဓသာသနနုဂ္ဂဟအသင်းကို စတင် တည်ထောင်ပြီး အမျိုးသားခေါင်းဆောင်များမွေးထုတ်သည်။ ၁၉ဝ၆ ခုနှစ်တွင် ဝိုင်အမ်ဘီအေ ခေါ် ဗုဒ္ဓကလျာဏယုဝအသင်းကြီး ပေါ်ပေါက် လာသည်။ ခေတ်ပညာတတ်လူငယ်များအားလုံး အားပေးခဲ့သည်။ အသင်း ကြီးသည် ရန်ကုန်မြို့တွင်သာမက နိုင်ငံအနှံ့ပျံ့နှံ့သွားသည်။ ထို့နောက် ဂျီစီဘီအေခေါ် မြန်မာအသင်းချုပ်ကြီးကို တိုးချဲ့ဖွဲ့စည်းသည်။ အမျိုးသား ရေး၊ နိုင်ငံလွတ်လပ်ရေး ကိုယ်ပိုင်လွတ်လပ်ရေးတို့ကို ကြိုးပမ်းကြသော ဝံသာနုခေတ်အစ ဖြစ်သည်။ မြန်မာ့လွတ်လပ်ရေးအတွက် ဟောပြော လှုံ့ဆော်ကြသော ခေါင်းဆောင်များတွင် ဆရာတော်ဦးဥတ္တမသည် ထင်ရှား ကျော်ကြားသော ရှေ့ဆောင်လမ်းပြဖြစ်သည်။

တစ်တိုင်းပြည်လုံးက အားပေးခဲ့ကြ

၁၉၂ဝ ပြည့်နှစ်တွင် ပထမကျောင်းသားသပိတ် ပေါ်ပေါက်ခဲ့သည်။ အမျိုးသားပညာရေးအတွက် ကျောင်းသားကြီးတို့ ဦးဆောင်၍ သပိတ်မှောက် ခြင်းဖြင့် လူမျိုးခြားအုပ်စိုးသူတို့ကို တော်လှန်ခြင်းဖြစ်သည်။ တစ်တိုင်းပြည်လုံး က အားပေးခဲ့ကြသည်။ အောင်ပွဲဆင်နိုင်သောတိုက်ပွဲ၊ လွတ်လပ်ရေးသို့ ချီတက်သောလမ်းကြောင်းပေါ်တွင် ထင်ရှားသောမှတ်တိုင်ဖြစ်ခဲ့သည်။ ထိုမှ ဆက်လက်၍ လွတ်လပ်ရေးသို့ ချီတက်ခဲ့ခြင်းသည် ရပ်နားခဲ့သည်မရှိခဲ့ချေ။ လူထုနည်းဖြင့် စည်းရုံးညီညာစွာ တစ်သံတည်းတောင်းဆိုရာမှ လူမျိုးခြားတို့က နာခံရသည်။ မြန်မာများအဖို့ စည်းလုံးညီညာခြင်းသည်အင်အား၊ ထိုအင်အား ဖြင့် ကြိုးပမ်းလျှင်အောင်မြင်သည်။ အင်အားမဲ့က ဆုံးရှုံးရသည်ကို လက်တွေ့ သင်ခန်းစာရခဲ့သည်။

၁၉၃ဝ ပြည့်နှစ်နောက်ပိုင်းတွင် ပေါ်ပေါက်ခဲ့သော ဆရာစံတော်လှန်ရေး၊ ရေနံမြေအလုပ်သမားအရေးတော်ပုံတို့သည် မြန်မာ့လွတ်လပ်ရေးကြိုးပမ်းမှုကို အရှိန်အဟုန်ပြင်းပြင်းနှင့် တွန်းပို့ပေးနိုင်ခဲ့သည်။ ထိုအချိန်ကာလ အမျိုးသား ရေး စိတ်ဓာတ်ထက်သန်နေချိန်တွင် ဒို့ဗမာဝါဒကြေညာစာတမ်းများ ပေါ်လာ သည်။ ဗမာပြည်သည် ဒို့ပြည်၊ ဗမာစာသည် ဒို့စာ၊ ဗမာစကားသည် ဒို့စကား၊ ဒို့ပြည်ကိုချစ်ပါ၊ ဒို့စာကိုချီးမြှင့်ပါ၊ ဒို့စကားကိုလေးစားပါဟု နှိုးဆော်လာကြ သည်။ အင်္ဂလိပ်လူသုံးကုန်ပစ္စည်းများကိုမသုံးရန်လည်း သပိတ်မှောက်ကြသည်။

အရေးပါသော အဖွဲ့အစည်းဖြစ်

၁၉၃၄-၁၉၃၅ ခုနှစ်က နိုင်ငံရေးတွင် စိတ်ပါသောလူငယ်များ ရန်ကုန် တက္ကသိုလ်၌် ဆုံမိကြသည်။ ၁၉၃၆ ခုနှစ်တွင် ဒုတိယအကြိမ် ကျောင်းသားသပိတ်ကြီး ထပ်မံပေါ်ပေါက်သည်။ သပိတ်မှောက်ကျောင်းသား ခေါင်းဆောင်များသည် နောင်တွင် မြန်မာ့လွတ်လပ်ရေးကြိုးပမ်းမှု၌ ထင်ရှားသောခေါင်းဆောင်များ ဖြစ်လာကြသည်။ ထိုခေတ်ကာလက ဒို့ဗမာအစည်းအရုံးသည် လွတ်လပ်ရေးကြိုးပမ်းမှုတွင် အရေးပါသော အဖွဲ့အစည်းဖြစ်သည်။

ဒို့ဗမာအစည်းအရုံး နှစ်ခြမ်းကွဲခဲ့သော်လည်း မြန်မာလွတ်လပ်ရေး အတွက် ရည်မှန်းကြိုးပမ်းရာတွင် တူညီမှုရှိသည်။ လွတ်လပ်ရေးရရှိရန် စွန့်စွန့်စားစားလုပ်ကိုင်မည်၊ အနစ်နာခံမည်၊ အဆင်းရဲခံမည်၊ လမ်းများ ရှာကြမည်၊ လက်နက်ကိုင်အင်္ဂလိပ်ကို လက်နက်ဖြင့်သာ တော်လှန်မည် ဟူသည့် အမြင်ချင်းလည်းတူကြသည်။ သခင်များ၊ ကျောင်းသားများ၊ လူငယ်များ၊ နိုင်ငံရေးသမားများ လက်နက်ကိုင်၍ တော်လှန်ရန် အသင့် ဖြစ်လာကြသည်။ ပြည်သူများကလည်း တော်လှန်ရေးတွင် ပါဝင်ရန် တစ်ခဲနက်ဖြစ်လာကြသည်။ ။

ရန်ကုန်မြို့ ပြည်သူ့ဥယျာဉ်၌ နှစ်သစ်ကူးဓမ္မသဘင်အခမ်းအနား စည်ကားသိုက်မြိုက်စွာ ကျင်းပ

ရန်ကုန် ဇန်နဝါရီ ၁

ရန်ကုန်တိုင်းဒေသကြီးအစိုးရအဖွဲ့က ကြီးမှူးကျင်းပသည့် နှစ်သစ်ကူးတရား အလှူတော် ဓမ္မသဘင် အခမ်းအနား ကို ယနေ့ည ၇ နာရီခွဲက ရန်ကုန်မြို့ ပြည်သူ့ဥယျာဉ်၌ စည်ကားသိုက်မြိုက် စွာ ကျင်းပသည်။

ရှေးဦးစွာ နိုင်ငံတော်သံဃမဟာ နာယကအဖွဲ့ဥက္ကဋ္ဌ မန္တလေးမြို့ ဗန်းမော်ကျောင်းတိုက် ဆရာတော် ဒေါက်တာ ဘဒ္ဒန္တ ကုမာရာဘိဝံသ ထံမှ ပရိသတ်များက ငါးပါးသီလ ခံယူဆောက်တည်ကြသည်။

နာယူကြည်ညို

ထို့နောက် ဥက္ကဋ္ဌဆရာတော်က ''ဘာကို ပေးလှူရမလဲ'' အမည်ရှိ တရားတော်အား ဟောကြားရာ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းနှင့်ဇနီး၊ တိုင်းဒေသကြီး လွှတ်တော်ဥက္ကဋ္ဌ ဦးတင်မောင်ထွန်း၊ ဒုတိယဥက္ကဋ္ဌ ဦးလင်းနိုင်မြင့်၊ တိုင်းဒေသကြီး ဝန်ကြီးများ၊ လွှတ်တော်ကိုယ်စားလှယ်များနှင့် တရားနာပရိသတ် တစ်သိန်း နှစ်သောင်းခန့်က ရိုသေစွာ နာယူ ကြည်ညိုကြသည်။

ရန်ကုန်တိုင်းဒေသကြီးအစိုးရအဖွဲ့ အနေဖြင့် နှစ်သစ်ကူးအလှူတော် ဓမ္မသဘင်အခမ်းအနားကို ၂ဝ၁၆ ခုနှစ်မှစတင်၍ ကျင်းပခဲ့ရာ ယခု အကြိမ်သည် တတိယအကြိမ်မြောက် ဖြစ်ပြီး တရားနာပရိသတ်များ အဆင်ပြေစေရန်အတွက် ဖိတ်ကြား ရေး၊ ကြိုတင်နေရာချထားရေး၊ သယ်ယူပို့ဆောင်ရေး၊ လုံခြုံရေး၊ ကျန်းမာရေး အစရှိသည့် ဆပ်ကော်မတီ ၁၁ ခုကို ဖွဲ့စည်းထား ကြောင်း သိရသည်။

ကြိုတင်ပြင်ဆင်

နှစ်ဦးဓမ္မသဘင် ကျင်းပရေး ကော်မတီဥက္ကဋ္ဌ ဦးရှိန်ဝင်းက ''ရန်ကုန်တိုင်းဒေသကြီးအစိုးရအဖွဲ့ အနေနဲ့ အစိုးရသစ်တက်လာတဲ့ အချိန်ကစပြီး နှစ်သစ်မှာ တရားပွဲတွေ ကျင်းပဖို့ ဆုံးဖြတ်ချက်ချခဲ့ပါတယ်။ နှစ်ဦးအချိန်အခါမှာ နိုင်ငံသူ နိုင်ငံသားတွေအားလုံး ဆရာတော် ကြီးတွေရဲ့ ဆုံးမသြဝါဒနဲ့အညီ တစ်နှစ်တာကာလပတ်လုံး နေနိုင်ဖို့ အတွက်၊ ကောင်းကျိုးလိုအင်ဆန္ဒတွေ ပြည့်ဝဖို့အတွက် ရည်ရွယ်ပြီး ကျင်းပ တာ ဖြစ်ပါတယ်။ ဒီလိုကျင်းပနိုင်ဖို့ အတွက်လည်း ဆပ်ကော်မတီတွေ ခွဲပြီး လွန်ခဲ့တဲ့ တစ်လလောက် ကတည်းက ကြိုတင်ပြင်ဆင်မှုတွေ လုပ်ခဲ့ရပါတယ်။ ဒီတရားပွဲကြီးက အကြီးမားဆုံးတရားပွဲကြီး ဖြစ်ပါ တယ်။ မနှစ်ကဆို တစ်ရက်တည်း တစ်သိန်းခြောက်သောင်း လောက် အထိ လာတာကို တွေ့ရပါတယ်။ ဒီနှစ်လည်း လာရောက်တရားနာယူသူ အခုဆို တစ်သိန်းကျော်နေပါပြီ။ လာရောက်တရားနာယူတဲ့ ပုဂ္ဂိုလ်တွေ အဆင်ပြေစေဖို့အတွက် အလှူရှင် တွေက စတုဒိသာကိုလည်း သိန်း ပေါင်း ၁၅ဝဝ လောက် အကုန်အကျ ခံပြီး လှူဒါန်းကျွေးမွေးပါတယ်'' ဟု ပြောသည်။

နှစ်သစ်ကူး တရားအလှူတော် ဓမ္မသဘင်ကို ဇန်နဝါရီ ၃ ရက်အထိ ည ၇ နာရီခွဲမှစ၍ သုံးရက်တိုင်တိုင် စည်ကားသိုက်မြိုက်စွာ ကျင်းပမည် ဖြစ်ပြီး ဇန်နဝါရီ ၂ ရက် ညတွင် ပါမောက္ခချုပ်ဆရာတော် ဒေါက်တာ ဘဒ္ဒန္တ နန္ဒမာလာဘိဝံသက လည်း ကောင်း၊ ဇန်နဝါရီ ၃ ရက် ညတွင် သီတဂူကမ္ဘာ့ဗုဒ္ဓတက္ကသိုလ် အဓိပတိ ဒေါက်တာ ဘဒ္ဒန္တ ဥာဏိဿရက လည်းကောင်း တရားတော်များကို ဟောကြား ချီးမြှင့်ပေးသွားမည်ဖြစ် သည်။

နှစ်သစ်ကူး တရားအလှူတော် ဓမ္မသဘင်သို့ လာရောက်တရားနာသူ များ အဆင်ပြေစေရန် စီစဉ်ထားရှိမှု နှင့်ပတ်သက်၍ သယ်ယူပို့ဆောင်ရေး ဆပ်ကော်မတီမှ ဦးမောင်မောင်ကျော် က ''သယ်ယူပို့ဆောင်ရေးနဲ့ ပတ်သက် ပြီး ကျွန်တော်တို့ ခရိုင်အလိုက် အရှေ့ပိုင်း၊ တောင်ပိုင်း၊ အနောက်ပိုင်း၊ မြောက်ပိုင်းခရိုင်တွေအပြင် တရား နာမယ့် ရဟန်းရှင်လူတွေအတွက် အခမဲ့Taxi တွေကော၊ ပရဟိတအဖွဲ့ ဖြစ်တဲ့ MCU က ကိုဇော်ဝင်းအောင်တို့ ကူညီတာရော၊ နောက် သယ်ယူပို့ ဆောင်ရေးနဲ့ ချိတ်ဆက်ပြီး YBS တွေကိုလည်း တရားနာပရိသတ်တွေ အတွက် အဆင်ပြေအောင် စီစဉ်ပေး ရပါတယ်။YBS အစီးရေ ၁၂ဝ ရှိပြီး ပရဟိတTaxi တွေနဲ့ကူညီတာ က အစီးရေ ၆ဝ ရှိပါတယ်။ အပြန်ကို ကူညီမယ့်Taxi အဖွဲ့တွေက အစီးရေ ၄ဝဝ ရှိပါတယ်။ မီနီဘတ်စ်အနေနဲ့ အခမဲ့ ကူညီတာ အစီးရေ ၂ဝ ရှိပါ တယ်''ဟု ပြောသည်။

နှစ်သစ်ကူး တရားအလှူတော် ဓမ္မသဘင်သို့ ရန်ကုန်တိုင်းဒေသကြီး အတွင်းရှိ မြို့နယ်များမှ ပြည်သူများ နှင့် ရန်ကုန်မြို့သို့ ရောက်ရှိနေသည့်အနယ်နယ်အရပ်ရပ်မှ ပြည်သူများလည်း လာရောက် တရားနာယူကြသည်ကို တွေ့ရသည်။

မှော်ဘီမြို့နယ် မြောင်းတကာ၊ နှင်းဆီမြိုင်ရပ်ကွက် တွင် နေထိုင်သူ ဒေါ်မျိုးကြည်က ''အခုလို တရားပွဲကျင်းပ ပေးတဲ့အတွက် ကျေးဇူးတင်တယ်။ တရားနာရတဲ့အတွက် လည်း ကြည်နူးမိတယ်။ အရင်နှစ်ကလည်း သုံးရက်လုံး တရားလာနာတယ်။ တရားနာရတဲ့အတွက် အခုရော သံသရာအတွက်ပါ အကျိုးကျေးဇူးရှိပါတယ်။ ကားငှား လာတာပါ။ ကားကိုလည်း အလှူရှင်က လှူတာပါ။ လူ ၂ဝ လောက်ပါတယ်''ဟု ပြောသည်။

တရားလာရောက်နာယူသူများအတွက် ကျန်းမာရေး စောင့်ရှောက်မှုပေးရာတွင် မြို့နယ်အလိုက် လာရောက် တရားနာယူကြသူများနှင့်အတူ အကြို၊ အပို့ယာဉ်များပေါ် တွင် ရန်ကုန်တိုင်းဒေသကြီးအတွင်းရှိ မြို့နယ်ကြက်ခြေနီ တပ်ဖွဲ့များက ကျန်းမာရေးစောင့်ရှောက်မှုများ ပြုလုပ် ပေးလျက်ရှိသည့်အပြင် တိုင်းဒေသကြီး ရဲတပ်ဖွဲ့အနေဖြင့် လည်း ပြည်သူများစိတ်အေးချမ်းသာစွာဖြင့် တရားနာယူ နိုင်ရန်အတွက် လုံခြုံရေးကို တာဝန်ယူပေးလျက်ရှိသည်။

''ရန်ကုန်တိုင်းဒေသကြီး ဒုတိယတိုင်းဒေသကြီး ကျန်းမာရေးဦးစီးဌာနမှူး ဒေါက်တာဌေးလွင်က ''ပြည်သူ တွေအတွက် ကျန်းမာရေးစောင့်ရှောက်မှုပေးနိုင်ဖို့ ကျွန်တော်တို့ တိုင်းဒေသကြီး ကျန်းမာရေးက ဦးဆောင်ပြီး ကြက်ခြေနီတပ်ဖွဲ့ဝင်တွေနဲ့ ပုဂ္ဂလိကဆေးရုံတွေကလည်း ကျန်းမာရေးစောင့်ရှောက်မှုတွေပေးနေပါတယ်။ ကျွန်တော် တို့ဦးစီးဌာနအနေနဲ့ ဆရာဝန်၊ သူနာပြုတွေအပြင် လိုအပ် တဲ့ဆေးဝါးတွေနဲ့ တရားနာပြည်သူတွေကို ဆေးဝါး စောင့်ရှောက်မှုပေးနိုင်အောင် စီစဉ်ဆောင်ရွက်ထားပါ တယ်''ဟု ပြောသည်။

ဒဂုံမြို့နယ်မှ ဦးအောင်စိုးက ''သတင်းစာထဲမှာဖတ်ရလို့ တရားပွဲကျင်းပမယ်ဆိုတာသိရတယ်။ ကိုယ့်အစီအစဉ်နဲ့ ကိုယ်တစ်ယောက်တည်းလာခဲ့တာပါ။ တရားပွဲကျင်းပတဲ့ သုံးရက်လုံးလာမှာပါ။ အခုလို နှစ်ဦးမှာ ဓမ္မသဘင်ပွဲကြီး ကျင်းပတာဟာ ကျွန်တော်တို့တိုင်းပြည်ကြီး ငြိမ်းချမ်းမှုတွေ ရရှိပြီး နိုင်ငံသူ နိုင်ငံသားတွေ အေးအေးချမ်းချမ်းနဲ့ နှစ်သစ်ကို ကျော်ဖြတ်ကြရလိမ့်မယ်လို့ မြင်ပါတယ်''ဟု ပြောသည်။

ရဲခေါင်၊ ဇော်ကြီး၊ ဓာတ်ပုံ-ဇော်မင်းလတ်