၄၇ ပါးစုံညီ ပန္နရသမအစည်းအဝေး ပထမနေ့ကျင်းပ
ရန်ကုန် နိုဝင်ဘာ ၁ဝ
ပြည်ထောင်စုသမ္မတမြန်မာနိုင်ငံတော် သတ္တမအကြိမ် နိုင်ငံတော် သံဃမဟာနာယကအဖွဲ့ ၄၇ ပါးစုံညီ ပန္နရသမအစည်းအဝေး ပထမနေ့ကို ယနေ့နံနက် ၈ နာရီတွင် ရန်ကုန်မြို့ သီရိမင်္ဂလာ ကမ္ဘာအေးကုန်းမြေရှိ ဝိဇယ မင်္ဂလာဓမ္မသဘင်၌ ကျင်းပသည်။
အစည်းအဝေးသို့ နိုင်ငံတော်သံဃမဟာနာယကအဖွဲ့ဥက္ကဋ္ဌ မန္တလေး မြို့ ဗန်းမော်ကျောင်းတိုက်ဆရာတော် အဘိဓဇမဟာရဋ္ဌဂုရု အဘိဓဇ အဂ္ဂမဟာသဒ္ဓမ္မဇောတိက ဒေါက်တာ ဘဒ္ဒန္တကုမာရာဘိဝံသ အမှူးပြုသည့် နိုင်ငံတော်သံဃမဟာနာယကအဖွဲ့ဝင် ဆရာတော်ကြီးများ ကြွရောက်တော် မူကြပြီး သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကို၊ သာသနာရေးဦးစီးဌာန ညွှန်ကြားရေးမှူးချုပ် ဦးမြင့်ဦး၊ သာသနာတော် ထွန်းကားပြန့်ပွားရေးဦးစီးဌာန ညွှန်ကြားရေးမှူးချုပ် ဦးမိုး ဇော်ရွှေ၊ အပြည်ပြည်ဆိုင်ရာ ထေရဝါဒဗုဒ္ဓသာသနာပြုတက္ကသိုလ် ဒုတိယ ပါမောက္ခချုပ်(စီမံ) ဦးခင်မောင်ဝင်းနှင့် သာသနာရေးဝန်ကြီးဌာနမှ အရာထမ်း၊ အမှုထမ်းများ တက်ရောက်ကြည်ညိုကြသည်။
အစည်းအဝေးတွင် နိုင်ငံတော်သံဃမဟာနာယကအဖွဲ့ ဥက္ကဋ္ဌ အဘိဓဇ မဟာရဋ္ဌဂုရု အဘိဓဇအဂ္ဂမဟာသဒ္ဓမ္မဇောတိက ဒေါက်တာ ဘဒ္ဒန္တ ကုမာရာ ဘိဝံသက သဘာပတိအဖြစ် ဆောင်ရွက်တော်မူပြီး တွဲဖက်အကျိုးတော်ဆောင် ဆရာတော် အဂ္ဂမဟာပဏ္ဍိတ ဘဒ္ဒန္တဂုဏိကာဘိဝံသက အခမ်းအနားမှူးအဖြစ် ဆောင်ရွက်တော်မူသည်။
အခမ်းအနားမှူးဆရာတော်က အစည်းအဝေးစတင်ကြောင်းနှင့် ကြွရောက်တော်မူလာကြသော နိုင်ငံတော်သံဃမဟာနာယက ဆရာတော်ကြီးများ၏ အရေအတွက်ကို ဖတ်ကြားလျှောက်ထားပြီး အစည်းအဝေး ထမြောက်အောင်မြင်ကြောင်း ကြေညာသည်။
ရှေးဦးစွာ နိုင်ငံတော်သံဃမဟာနာယကအဖွဲ့ ဥက္ကဋ္ဌ ဆရာတော်ကြီးက အစည်းအဝေးဖွင့် သာရဏီယ သြဝါဒကထာကို မြွက်ကြားတော်မူရာတွင် သံဃာကွဲပြားနေလျှင် ငြင်းခုံမှုဝိဝါဒ၊ ဆန့်ကျင်မှုဝိဂ္ဂဟ၊ ကိုယ်နှုတ်ထိပါးခိုက်ရန် ပွားမှု ကလဟ စသည်တို့ဖြစ်ကြ၍ လူနတ်ဗြဟ္မာ သတ္တဝါတို့ ဒုက္ခကြီးစွာ ရောက်ကြရမည်သာဖြစ်ပါကြောင်း၊ အကြင်မြို့၊ အကြင်ရွာ၊ အကြင်တိုင်းပြည်၊ အကြင်ကျောင်းတိုက်၊ အကြင်အသင်းအဖွဲ့၌ အချင်းချင်း စိတ်ဝမ်းကွဲပြားကြလျှင် ထိုမြို့၊ ထိုရွာ၊ ထိုတိုင်းပြည်၊ ထိုကျောင်းတိုက်၊ ထိုအသင်းအဖွဲ့သည် မချမ်းသာဘဲ ဆင်းရဲနေမည်သာဖြစ်ပါကြောင်း။
သံဃာညီညွတ်နေလျှင် ငြင်းခုံမှုဝိဝါဒ၊ ဆန့်ကျင်မှုဝိဂ္ဂဟ၊ ကိုယ်နှုတ်ထိပါး ခိုက်ရန်ပွားမှု ကလဟစသည်တို့ မဖြစ်ကြရသဖြင့် လူနတ်ဗြဟ္မာ သတ္တဝါတို့ ကိုယ်စိတ်နှစ်ဖြာ ချမ်းသာကြရမည်သာ ဖြစ်ပါကြောင်း၊ အကြင်မြို့၊ အကြင်ရွာ၊ အကြင်တိုင်းပြည်၊ အကြင်ကျောင်းတိုက်၊ အကြင်အသင်းအဖွဲ့၏ အချင်းချင်း စိတ်ဝမ်းမကွဲ တစ်သားတည်း ညီညွတ်နေလျှင် ထိုမြို့၊ ထိုရွာ၊ ထိုတိုင်းပြည်၊ ထိုကျောင်းတိုက်၊ ထိုအသင်းအဖွဲ့သည် ကိုယ်စိတ်နှစ်ဖြာ ချမ်းသာနေမည်သာ ဖြစ်ပါကြောင်း။
သံဃာညီညွတ်ရုံသာ ညီညွတ်၍ သမ္မပ္ပဓာန်လေးပါး အကျင့်တရားကို အားမထုတ်ဘဲ မေ့မေ့လျော့လျော့ ပေါ့ပေါ့ဆဆနေကြပါလျှင် ချမ်းသာသုခကို ရနိုင်ကြမည်မဟုတ်ပါကြောင်း၊ သမ္မပ္ပဓာန်လေးပါး အကျင့်တရားကို ပွားများ ကြိုးကုတ် အားထုတ်မှသာ ချမ်းသာသုခကို ရနိုင်ကြမည်ဖြစ်ပါကြောင်း၊ ထို့ကြောင့် ညီညွတ်သော သံဃာတော်၏ သမ္မပ္ပဓာန်လေးပါး အကျင့်တရားကို ပွားများကြိုးကုတ် အားထုတ်ခြင်းကို ''တပေါသုခ'' ဟုခေါ်ဆိုရပါကြောင်း။
သံဃာ့အဖွဲ့အစည်းအဆင့်ဆင့် ပထမအကြိမ်မှ စတုတ္ထအကြိမ်အထိ ကာလအတွင်း တိုင်းဒေသကြီး၊ ပြည်နယ် သံဃနာယကအဖွဲ့များနှင့် ထက် အောက်ညှိနှိုင်းပွဲ၊ သံဃနာယကဝိနည်းဓိုရ်သင်တန်းများကဲ့သို့သော လုပ်ငန်းနှင့် သက်ဆိုင်သောကိစ္စရပ်များ ဆောင်ရွက်၍ မပြတ်ထိတွေ့ခဲ့ကြပါကြောင်း၊ အကျိုးရလဒ်မှာ အောက်အဖွဲ့အစည်းများ၏ လုပ်ငန်းအခက်အခဲများ သိရှိနိုင် ခြင်း၊ အထက်အဖွဲ့အစည်း၏ မူဝါဒနှင့် လုပ်ငန်းစဉ်ကို ချပြဆွေးနွေးနိုင်ခြင်း၊ ပုဂ္ဂိုလ်ချင်း ရင်းနှီးကျွမ်းဝင်မှုပိုမိုရရှိခြင်း စသည်တို့ဖြစ်ပါကြောင်း၊ ပဉ္စမအကြိမ်မှ ယခုသတ္တမအကြိမ် သက်တမ်းပြည့်ရန် နီးကပ်နေသည့်ကာလအထိ သံဃ နာယက၊ သံဃာ့ဝန်ဆောင်နှင့် ဝိနည်းဓိုရ်သင်တန်း နှစ်ကြိမ်ပြုလုပ်ခဲ့သည်မှအပ ထက်အောက်ညှိနှိုင်းပွဲများ မပြုလုပ်နိုင်ခဲ့ပါကြောင်း၊ သို့ဖြစ်ရာ ပုဂ္ဂိုလ်ချင်း တွေ့ထိ၍ ကာယကံမေတ္တာ၊ ဝစီကံမေတ္တာကို ဖော်ကျူးနိုင်ရန်နှင့် လုပ်ငန်းဆိုင် ရာ စည်းကမ်းများ၊ လုပ်ထုံးများ၊ ဥပဒေများနှင့်စပ်လျဉ်း၍ ဆောင်ရွက်ရသည့် လုပ်ငန်းစဉ်၊ အတွေ့အကြုံများ၊ အမြင်များဖလှယ်နိုင်ရေး၊ သံဃသာမဂ္ဂီသုခ ရရှိရေး နိုင်ငံတော်သံဃမဟာနာယက တစ်ဖွဲ့တည်းသာမက အောက်အဖွဲ့များ နှင့်လည်း ညီညီညွတ်ညွတ်တိုင်တိုင်ပင်ပင် ဆောင်ရွက်နိုင်ရေး၊ အထက်အောက် ညှိနှိုင်းပွဲများပြုလုပ်နိုင်ရေး ဆောင်ရွက်တော်မူကြပါရန် လေးလေးနက်နက် တိုက်တွန်းလျှောက်ထားအပ်ပါကြောင်း။
အများစုကိုးကွယ်သော ဗုဒ္ဓဘာသာအဆုံးအမများ ချွတ်ယွင်းမှု၊ လိုအပ်မှု များ ပေါ်ပေါက်မည်ဆိုပါက မြန်မာနိုင်ငံတော်သည်လည်း တည်ငြိမ်မှု၊ အေးချမ်းမှု၊ ဖွံ့ဖြိုးမှုများမရှိနိုင်ဟု ယူဆပါကြောင်း၊ ရဟန်းသံဃာတော်များ စုစည်းညီညွတ်လျက် သမ္မပ္ပဓာန်လုံ့လအားထုတ်မှုဖြင့် ဗုဒ္ဓသာသနာတော်အတွက် သာမက မြန်မာနိုင်ငံတော်တစ်နိုင်ငံလုံး တည်ငြိမ်အေးချမ်းဖွံ့ဖြိုးတိုးတက်ရေး အတွက် သံဃာတော်အားလုံးကလည်း ဘုရားရှင်၏ လမ်းညွှန်ဒေသနာတော်များ နှင့်အညီ ပါဝင်ကူညီဆောင်ရွက်ပေးရန် တာဝန်ရှိသည်ဟု မှတ်ယူထားပါ ကြောင်း၊ နိုင်ငံအတွင်း ဖြစ်ပေါ်တတ်သော မညီညွတ်မှု၊ မအေးချမ်းမှုများကို ညီညွတ်အေးချမ်းမှုများ ရရှိလာအောင် နိုင်ငံသူနိုင်ငံသားအားလုံး တစ်ဦး အပေါ်တစ်ဦး စာနာထောက်ထားပြီး အကျိုးလိုလားသော မေတ္တာ စေတနာများ ဖြင့် အချင်းချင်း ကူညီရိုင်းပင်းလျက် အေးချမ်းဖွံ့ဖြိုးတိုးတက်သော လူသားများ အဖြစ် ရှင်သန်နေထိုင်ခွင့်ရရှိအောင် ဘုရားတပည့်တော်များက ဓမ္မဝိနယ နှင့်အညီ ကူညီပံ့ပိုးဆောင်ရွက်ပေးရန် တာဝန်ရှိသည်ဟု မှတ်ယူပါကြောင်း မြွက်ကြားသည်။
ထို့နောက် ပြည်ထောင်စုဝန်ကြီး သူရဦးအောင်ကိုက သာသနာရေး ဆိုင်ရာများ လျှောက်ထားရာတွင် သာသနာတော်သန့်ရှင်းတည်တံ့ပြန့်ပွားရေးနှင့် ဂိုဏ်းပေါင်းစုံ သံဃာ့အဖွဲ့အစည်းအဆင့်ဆင့်တို့ ညီညွတ်ရေးအတွက် လည်းကောင်း၊ အောက်ခြေတွင် ဖြစ်ပျက်နေသော အခြေအနေမှန်များကို သိရှိပြီး လက်တွေ့ကျကျ ဆုံးဖြတ်လုပ်ကိုင်ဆောင်ရွက်နိုင်ရန်အတွက် လည်းကောင်း၊ သံဃာ့အဖွဲ့အစည်းအဆင့်ဆင့်၏ မူဝါဒများ၊ လုပ်ထုံးလုပ်နည်းများ၊ စည်းမျဉ်း များ၊ ညွှန်ကြားလွှာများနှင့်ပတ်သက်၍ အပြန်အလှန်ဆွေးနွေးနိုင်ရန်အတွက် လည်းကောင်း၊ နိုင်ငံတော်သံဃမဟာနာယကအဖွဲ့နှင့် တိုင်းဒေသကြီး၊ ပြည်နယ် သံဃနာယကအဖွဲ့များ၊ တိုင်းဒေသကြီး၊ ပြည်နယ် သံဃနာယကအဖွဲ့နှင့် မြို့နယ်သံဃနာယကအဖွဲ့များ၊ မြို့နယ် သံဃနာယကအဖွဲ့များနှင့် ရပ်၊ ကျေး သံဃနာယကအဖွဲ့များအနေဖြင့် ခြောက်လတစ်ကြိမ်၊ သို့မဟုတ် တစ်နှစ် တစ်ကြိမ် သက်ဆိုင်ရာ နေရာဒေသအလိုက် အထက်အောက်ညှိနှိုင်းပွဲများ ကျင်းပသင့်ပါကြောင်း။
သံဃာ့အဖွဲ့အစည်းများ ကျစ်လျစ်သိပ်သည်းခိုင်မာပါမှ သာသနာရေးရာ၊ ဝိနိစ္ဆယရေးရာ၊ ပညာရေးရာဟူသော လုပ်ငန်းများဆောင်ရွက်ရာ၌ ထိရောက် အောင်မြင်နိုင်မည်ဖြစ်ပါကြောင်း၊ သံဃာ့အဖွဲ့အစည်းအဆင့်ဆင့်အနေဖြင့် ချမှတ်ထားသော မူဝါဒများဖြစ်သော စုပေါင်းဆောင်ရွက်ခြင်း၊ စုပေါင်းဦးဆောင် ခြင်း၊ စုပေါင်းဆုံးဖြတ်ခြင်း၊ အများ၏သဘောထားနှင့်ဆန္ဒကို အများက လေးစား ခြင်း၊ အထက်အဖွဲ့အစည်း၏ ဆုံးဖြတ်ချက်နှင့် ညွှန်ကြားချက်တို့ကို အောက် အဖွဲ့အစည်းက လိုက်နာဆောင်ရွက်ခြင်း၊ အောက်အဖွဲ့အစည်း၏ တင်ပြချက် ကို အထက်အဖွဲ့အစည်းက အလေးဂရုပြု အရေးယူဆောင်ရွက်ခြင်းတို့ကို ဓမ္မဝိနယနှင့်အညီ ပြုလုပ်သွားမည်ဆိုပါက ဂိုဏ်းပေါင်းစုံ သံဃာ့အဖွဲ့အစည်း ကြီး၏ မူလရည်ရွယ်ချက်ဖြစ်သော သာသနာတော် သန့်ရှင်းတည်တံ့ ပြန့်ပွား ရေးလုပ်ငန်းများ အစဉ်သဖြင့် အောင်မြင်ပြီးမြောက်လျက် ဆတက်ထမ်းပိုးတိုး၍ ဆောင်ရွက်နိုင်လိမ့်မည်ဖြစ်ပါကြောင်း လျှောက်ထားသည်။
ယင်းနောက် သတ္တမအကြိမ် နိုင်ငံတော်သံဃမဟာနာယကအဖွဲ့(ဒုတိယ အဖွဲ့ခွဲ)၏ ဆဋ္ဌမအကြိမ် တာဝန်ကျရာကာလအတွင်း ဆောင်ရွက်ချက် အစီ ရင်ခံစာအကျဉ်းကို တာဝန်ကျအဖွဲ့ခွဲ၏ကိုယ်စား တွဲဖက်အကျိုးတော်ဆောင် ဆရာတော် မဟာဂန္ထဝါစကပဏ္ဍိတ ဘဒ္ဒန္တဓမ္မာစာရက တင်သွင်းလျှောက်ထား သည်။
ထို့နောက် သတ္တမအကြိမ် နိုင်ငံတော်သံဃမဟာနာယကအဖွဲ့ (ဒုတိယ အဖွဲ့ခွဲ)၏ ဆဋ္ဌမအကြိမ် တာဝန်ကျရာကာလအတွင်း ဆောင်ရွက်ချက်အစီ ရင်ခံစာအကျဉ်းကို အဖွဲ့ဝင် ဆရာတော်ကြီးများက ကဏ္ဍအလိုက် တင်သွင်း လျှောက်ထားသည်။
ယင်းနောက် ဝိနိစ္ဆယဆိုင်ရာကိစ္စများ၊ သာသနာ့ရေးရာကိစ္စများ၊ ပညာရေးဆိုင်ရာ ကိစ္စများကို တင်ပြလျှောက်ထားရာ တာဝန်ကျအဖွဲ့ခွဲ ဆရာတော်ကြီးများက ဝေဖန်ဆွေးနွေးတော်မူကြပြီး အစည်းအဝေးကို မွန်းလွဲ ပိုင်းတွင် ရပ်နားသည်။
သတင်းစဉ်
