SID ကို ကိုင်ဆောင်သည့် သင်္ဘောသားများအတွက် သင်္ဘောတက်ရောက်ခြင်း၊ ကမ်းတက်ခြင်း၊ အရေးပေါ် ဆေးကုသရန် ဆေးရုံ၊ ဆေးခန်းသို့ ပို့ဆောင်ခြင်း၊ တာဝန် ထမ်းဆောင်ရမည့် သင်္ဘောသို့သွားရောက်ရာတွင် ခရီးစဉ် ကူးပြောင်းခြင်း၊ နေရပ်ပြန်ပို့ခြင်းများအတွက် သက်ဆိုင်ရာ နိုင်ငံများ၏ ပြည်ဝင်ခွင့်ဗီဇာမလိုအပ်ဘဲ ဆောင်ရွက်နိုင် မည်ဖြစ်ကြောင်း၊ ထို့ပြင်SID ကို အခြားအဖွဲ့ဝင်နိုင်ငံများ နှင့်တန်းတူ ထုတ်ပေးနိုင်မည်ဖြစ်ပြီး ငွေကြေးထည့်ဝင်မှု ပြုလုပ်ရန်မလိုအပ်ခြင်း၊ ကွန်ဗင်းရှင်းအဖွဲ့ဝင် နိုင်ငံများ၏ နယ်နိမိတ်အတွင်းသို့ ဝင်ရောက်ရာတွင် လွယ်ကူချောမွေ့ စေခြင်းများကြောင့် မြန်မာနိုင်ငံအတွက် အကျိုးဖြစ်ထွန်းမှု များ ရရှိမည်ဖြစ်ပါကြောင်း ဒုတိယဝန်ကြီး ဦးကျော်မျိုးက ပြောကြားသည်။
ယနေ့နံနက်ပိုင်းတွင် ကျင်းပသည့် ဒုတိယအကြိမ် ပြည်ထောင်စုလွှတ်တော် ဆဋ္ဌမပုံမှန်အစည်းအဝေး ဆဋ္ဌမ နေ့တွင် နိုင်ငံတော်သမ္မတထံမှ ပေးပို့ထားသော သင်္ဘောသားများ၏ သက်သေခံအထောက်အထားများ ဆိုင်ရာကွန်ဗင်းရှင်း(ပြင်ဆင်ချက်) ၂ဝဝ၃၊ နံပါတ် (၁၈၅)တွင် မြန်မာနိုင်ငံမှ အတည်ပြုလက်မှတ်ရေးထိုးရေးကိစ္စ နှင့်စပ်လျဉ်း၍ ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး ဦးကျော်မျိုးက ထိုသို့ရှင်းလင်းပြောကြားခဲ့ ခြင်းဖြစ်သည်။
ထို့ပြင် ဒုတိယဝန်ကြီးက နိုင်ငံတော်သမ္မတထံမှ ပေးပို့ထားသော သင်္ဘောများမှ မောင်းဆီ(လောင်စာဆီ) ယိုဖိတ်မှုကြောင့် ညစ်ညမ်းပျက်စီးခြင်းအတွက် တရားမ ကြောင်းအရ ပေးလျော်ရန်တာဝန်ရှိမှု အပြည်ပြည်ဆိုင်ရာ ကွန်ဗင်းရှင်း (၂ဝဝ၁)တွင် မြန်မာနိုင်ငံမှ ပါဝင်လက်မှတ် ရေးထိုးရေးကိစ္စနှင့်စပ်လျဉ်း၍ ပြည်ထောင်စုလွှတ်တော် သို့ ရှင်းလင်းတင်ပြသည်။
ယင်းကိစ္စများနှင့်စပ်လျဉ်း၍ ဆွေးနွေးလိုသည့် လွှတ်တော်ကိုယ်စားလှယ်များ ရှိပါက အမည်စာရင်း တင်သွင်းနိုင်ကြောင်း ပြည်ထောင်စုလွှတ်တော် နာယကက ကြေညာသည်။
ဆက်လက်၍ ၂ဝ၁၇-၂ဝ၁၈ ဘဏ္ဍာနှစ် ပြည်ထောင်စု၏ နောက်ထပ်ဘဏ္ဍာငွေ ခွဲဝေသုံးစွဲရေး ဥပဒေကြမ်းနှင့်စပ်လျဉ်း၍ ပူးပေါင်းကော်မတီများ၏ သုံးသပ်ချက်အစီရင်ခံစာပါ မူ၊ အခြေခံသဘောတရားများ နှင့် လွှတ်တော်ကိုယ်စားလှယ်များ၏ မူ၊ အခြေခံသဘော ဆွေးနွေးခြင်းများအပေါ် သက်ဆိုင်ရာပြည်ထောင်စုဝန်ကြီး များနှင့် ဒုတိယဝန်ကြီးများက ပြန်လည်ရှင်းလင်းကြသည်။
စီမံကိန်းနှင့် ဘဏ္ဍာရေးဝန်ကြီးဌာန ဒုတိယဝန်ကြီး ဦးမောင်မောင်ဝင်းက အစီရင်ခံစာ အပိုဒ် ၁၂ တွင် ဖော်ပြ ထားသော ဖြည့်စွက်ခွင့်ပြုငွေကို အတတ်နိုင်ဆုံး စိစစ် ခွင့်ပြုရန် သုံးသပ်ချက်နှင့်စပ်လျဉ်း၍ စီမံကိန်းနှင့်ဘဏ္ဍာ ရေးဝန်ကြီးဌာနက ဖြည့်စွက်ခွင့်ပြုငွေတောင်းခံမှုနှင့် ပတ်သက်သည့် အမှာစာထုတ်ပြန်ရာတွင် ဌာန၊ အဖွဲ့ အစည်းများအနေဖြင့် ဖြည့်စွက်ခွင့်ပြုငွေတောင်းခံခြင်းကို မဖြစ်မနေပေးချေရမည့် ကုန်သွယ်လုပ်ငန်းခွန်၊ ဝင်ငွေ ခွန်၊ နိုင်ငံတော်သို့ထည့်ဝင်ငွေ၊ နိုင်ငံခြားငွေလဲလှယ်နှုန်း ပြောင်းလဲမှုကြောင့် လိုအပ်လာသည့် အသုံးစရိတ်၊ အမှန် လိုအပ်သော လစာစရိတ်၊ ခရီးစရိတ်၊ ပင်စင်နှင့်အတိုးပေး ငွေတို့ကိုသာ တောင်းခံရန်၊ ငွေလုံးငွေရင်း အသုံးစရိတ်များ အတွက် ၂ဝ၁၇-၂ဝ၁၈ ဘဏ္ဍာနှစ် အမျိုးသားစီမံကိန်း ဥပဒေတွင်ပါဝင်ပြီး ရန်ပုံငွေမလုံလောက်သည့် ကိစ္စများ နှင့် ယခုဘဏ္ဍာနှစ်အတွင်း ဆောင်ရွက်ပြီးစီးနိုင်သည့် ကိစ္စများ၊ နိုင်ငံတော်သမ္မတရုံး၊ ပြည်ထောင်စုအစိုးရ အဖွဲ့ရုံးတို့က ဖြည့်စွက်ခွင့်ပြုငွေ တောင်းခံရန် ခွင့်ပြုထား သည့်ကိစ္စများကိုသာ တောင်းခံကြရန် ထည့်သွင်းဖော်ပြ၍ ကြပ်မတ်ဆောင်ရွက်လျက်ရှိပါကြောင်းနှင့် အတတ်နိုင်ဆုံး စိစစ်ခွင့်ပြုရန် ဆောင်ရွက်သွားမည်ဖြစ်ပါကြောင်း။
အစီရင်ခံစာ အပိုဒ် ၁၄ ပါ ပြည်ပအကူအညီရငွေနှင့် ပြည်ပချေးငွေများ တစ်နှစ်ထက်တစ်နှစ် တိုးတက်ရရှိရန် လျာထားသော်လည်း နှစ်စဉ်လျာထားချက်ကို ပြည့်မီအောင် ရယူသုံးစွဲနိုင်မှုမရှိကြောင်း ဖော်ပြချက်နှင့်ပတ်သက်၍ ချေးငွေပေးအပ်သည့် အဖွဲ့အစည်း၏ လုပ်ထုံးလုပ်နည်း၊ မြန်မာနိုင်ငံ၏ လုပ်ထုံးလုပ်နည်းများကြောင့် ကြန့်ကြာမှု များရှိသည်ကို သုံးသပ်တွေ့ရှိရပါကြောင်း။
ထို့ပြင် တစ်ပြေးညီလိုက်နာရမည့် စံနှုန်းသတ်မှတ် ချက်များကိုလည်း ရေးဆွဲဆောင်ရွက်လျက်ရှိပြီး နောင် ဘဏ္ဍာနှစ်များတွင် ပြည်ပအကူအညီရငွေ၊ ချေးငွေများ ထုတ်ယူသုံးစွဲမှု ပိုမိုမြန်ဆန်လာစေရေးကို ကြပ်မတ် ဆောင်ရွက်သွားမည်ဖြစ်ပါကြောင်း။
အစီရင်ခံစာ အပိုဒ် ၂၅ ပါ နိုင်ငံတော်ပိုင် စီးပွားရေးအဖွဲ့အစည်းများ၏ လိုငွေကို လျှော့ချနိုင်ရန်နှင့် စပ်လျဉ်း၍ စက်မှုဝန်ကြီးဌာနနှင့် လျှပ်စစ်နှင့် စွမ်းအင် ဝန်ကြီးဌာနအောက်ရှိ စီးပွားရေးအရ တွက်ခြေကိုက်မှု မရှိသော ယာယီရပ်ဆိုင်းထားသည့် စက်ရုံ ၄၄ ရုံအနက် စီးပွားရေးရာကော်မတီ၏ ခွင့်ပြုချက်ဖြင့် စက်ရုံ ၂၈ ရုံကို ဆက်လက် ဆောင်ရွက်ရန် သင့်၊ မသင့် လေ့လာသုံးသပ် နိုင်ရန် သီးခြားလွတ်လပ်သော ကျွမ်းကျင်ပညာရှင်များ၊ အစိုးရအဖွဲ့အစည်းများနှင့် လွှတ်တော်ကိုယ်စားလှယ်များ ပါဝင်သော လေ့လာသုံးသပ်ရေးအဖွဲ့ ၂ ဖွဲ့ဖြင့် ဖွဲ့စည်း ဆောင်ရွက်လျက်ရှိပြီး စီမံကိန်းနှင့် ဘဏ္ဍာရေးဝန်ကြီး ဌာနတွင်လည်း လုပ်ငန်းအဖွဲ့ ဖွဲ့စည်း၍ သုံးသပ်ဆောင်ရွက် လျက်ရှိပါကြောင်း။
စီမံကိန်းနှင့်ဘဏ္ဍာရေးဝန်ကြီးဌာနက ဖြည့်စွက် ခွင့်ပြုငွေတောင်းခံရမှု အများဆုံးဖြစ်နေရခြင်းမှာ စီမံကိန်း နှင့် ဘဏ္ဍာရေးဝန်ကြီးဌာနသည် အတိုးအသုံးစရိတ်၊ ထောက်ပံ့ငွေအသုံးစရိတ်၊ တိုင်းဒေသကြီး၊ ပြည်နယ်များသို့ အခွန်ဝေစုခွဲဝေပေးခြင်း အသုံးစရိတ်၊ ကြွေးးမြီအသုံးစရိတ် စသည်ဖြင့် နိုင်ငံတော်တစ်ရပ်လုံးနှင့် သက်ဆိုင်သော အသုံးစရိတ်အတွက် ၇၈ ဒသမ ၂၈ ရာခိုင်နှုန်း တောင်းခံခဲ့ ရပြီး မိမိဝန်ကြီးဌာနအတွက် ၂၁ ဒသမ ၇၂ ရာခိုင်နှုန်းသာ တောင်းခံခြင်း ဖြစ်ပါကြောင်း။
လက်ရှိအခြေအနေတွင် ဘတ်ဂျက်ရေးဆွဲရာ၌ မူဝါဒကို အခြေခံသောဘတ်ဂျက်စနစ်ကို ကျင့်သုံး ဆောင်ရွက်လျက်ရှိပါကြောင်း၊ နိုင်ငံတကာကျင့်သုံးမှုစနစ် များအရ မူဝါဒကိုအခြေခံသောဘတ်ဂျက်စနစ်၊ စွမ်းဆောင် ရည်ပြည့်ဝမှုကို အခြေခံသောဘတ်ဂျက်စနစ်နှင့် လုပ်ငန်း အောင်မြင်မှုရှိမှသာ ဘတ်ဂျက်ခွဲဝေချထားပေးသောစနစ် ဟူ၍ အမျိုးမျိုးကျင့်သုံးကြသည်ကို တွေ့ရှိရပါကြောင်း။
မြန်မာနိုင်ငံတွင်လည်း ဘတ်ဂျက်ပြုပြင်ပြောင်းလဲမှုများကို တစ်ဆင့်ပြီးတစ်ဆင့် သုံးသပ်၍ ကူးပြောင်း ဆောင်ရွက်မည်ဖြစ်သည့်အတွက် ရေရှည်တွင် မျှော်မှန်း ရလဒ်များအပေါ်အခြေခံသည့် ဘတ်ဂျက်စနစ်ကို တဖြည်းဖြည်း ပြောင်းလဲနိုင်မည်ဖြစ်ပါကြောင်း ပြောကြား သည်။
လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး ဒေါက်တာထွန်းနိုင်က လျှပ်စစ်ဓာတ်အားပို့လွှတ်ရေးနှင့် ကွပ်ကဲရေးဦးစီးဌာနသည် မွန်ပြည်နယ်နှင့် တနင်္သာရီ တိုင်းဒေသကြီးအတွင်းရှိ မြို့ရွာများအား ဓာတ်အားဖြန့်ဖြူး ပေးနိုင်ရေးအတွက် ၂၃ဝ ကေဗွီ မော်လမြိုင်-ရေး-ထားဝယ် ဓာတ်အားလိုင်းနှင့် ဓာတ်အားခွဲရုံစီမံကိန်းကို ADB ချေးငွေဖြင့် ၂ဝ၁၈-၂ဝ၁၉ ဘဏ္ဍာနှစ်မှ စတင်ဆောင်ရွက် မည်ဖြစ်ပါကြောင်း။
ရေးမြို့အား ဓာတ်အားဆောလျင်စွာ ဖြန့်ဖြူးပေး နိုင်ရန်အတွက် ၆၆ ကေဗွီ သံဖြူဇရပ်-ရေး ဓာတ်အားလိုင်း စီမံကိန်းကို ၂ဝ၁၈-၂ဝ၁၉ ဘဏ္ဍာနှစ်မှ စတင်အကောင် အထည်ဖော်တည်ဆောက်ရန် လျာထားပါကြောင်း။
ADBနှင့် ဌာနမှတာဝန်ရှိပုဂ္ဂိုလ်များ ပါဝင်သော အဖွဲ့များသည် စီမံကိန်းအကြိုလုပ်ငန်းများကို စတင် ဆောင်ရွက်နေပြီဖြစ်ပါကြောင်း၊ ၂ဝ၁၈ ခုနှစ်အတွင်း ချေးငွေသဘောတူညီချက်စာချုပ် လက်မှတ်ရေးထိုးနိုင်မည် ဖြစ်ပါကြောင်း၊ လျှပ်စစ်နှင့် စွမ်းအင်ဝန်ကြီးဌာနအနေဖြင့် အကောင်အထည်ဖော် ဆောင်ရွက်လျက်ရှိသည့်လုပ်ငန်း၊ စီမံကိန်းများအတွက် ၂ဝ၁၇-၂ဝ၁၈ ဘဏ္ဍာနှစ် ဖြည့်စွက် တောင်းခံငွေများကို ထိရောက်အကျိုးရှိစွာ သုံးစွဲသွားမည် ဖြစ်ပါကြောင်း ရှင်းလင်းပြောကြားသည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးအောင်ထူးက ဝန်ကြီးဌာနအနေဖြင့် ဖြည့်စွက်တောင်းခံငွေမှာ မူလခန့်မှန်းခြေ၏ ၁ဝ ရာခိုင်နှုန်း ကျော်လွန်နေရခြင်းသည် ယခုနှစ်အတွင်း မူဆယ် (၁ဝ၅)မိုင် ကုန်သွယ်ရေးဇုန် ပို့ကုန်၊ သွင်းကုန်ယာဉ်စစ်ကွင်း ကွန်ကရစ်ခင်းခြင်းလုပ်ငန်းကို တရုတ်အစိုးရ၏ ယွမ်သိန်း ၁ဝဝ အထောက်အပံ့ဖြင့် ဆောင်ရွက်ပေးခဲ့သည့်အတွက် စာရင်းသဘောအရ ငွေလုံးငွေရင်း (Budget) စာရင်း ဝင်စေရန် ရငွေနှင့်အသုံးစရိတ် နှစ်ဖက်စလုံး၌ ယွမ်သိန်း ၁ဝဝ နှင့် ညီမျှသောငွေကျပ် သန်း ၁၉၅ဝ အား ထည့်သွင်း လျာထားခဲ့သဖြင့် မူလခန့်မှန်းခြေပမာဏ၏ ၁ဝ ရာခိုင်နှုန်းထက် ကျော်လွန်တောင်းခံသကဲ့သို့ ဖြစ်ပေါ်ရ ခြင်း ဖြစ်ပါကြောင်း။
ဖော်ပြပါ ပြည်ပအကူအညီရငွေ ကျပ်သန်း ၁၉၅ဝ ကို ချန်လှပ်၍ တွက်ချက်မည်ဆိုပါက ဖြည့်စွက်တောင်းခံ ငွေမှာ ကျပ် ၃၈၆ ဒသမ ၇ဝ၂ သန်းသာဖြစ်ပြီး ထပ်မံ တောင်းခံငွေသည် ဝန်ကြီးဌာနတစ်ခုလုံး၏ မူလခွဲဝေ ချထားငွေ၏ ၂ ဒသမ ၉၁ ရာခိုင်နှုန်းသာဖြစ်ကြောင်း၊ အခြားဖြည့်စွက် တောင်းခံငွေသည်လည်း ယခုဘဏ္ဍာ နှစ်အတွင်း မဖြစ်မနေဆောင်ရွက်ရမည့်ကိစ္စရပ်များ ဖြစ် သည့် မောင်တောကုန်သွယ်ရေးစခန်း လုံခြုံရေးအတွက် အုတ်တံတိုင်းကာရံခြင်း၊ လွယ်ဂျယ်ကုန်သွယ်ရေးစခန်း အုတ်တံတိုင်းကာရံခြင်း စသည်တို့ပါဝင်ပါကြောင်း။
၂ဝ၁၆- ၂ဝ၁၇ ခုနှစ်မှာ မြန်မာနိုင်ငံသားများဘဏ်၏ အသားတင်အမြတ်သည် ယမန်နှစ်ကထက် တိုးလာပြီး ကျပ် ၇ ဒသမ ၈၂ ဘီလီယံဖြစ်လာပါကြောင်း၊ သို့သော် လည်းInternational Banking တွင် အခြားဘဏ်များနှင့် ယှဉ်ပြိုင်ဆောင်ရွက်နိုင်ရန်အတွက် နိုင်ငံသားကျွမ်းကျင် ပညာရှင်များ ငှားရမ်းအသုံးပြုရခြင်း၊Infrastructureအဆင့်မြှင့်တင်စရိတ်များ ပိုမိုသုံးစွဲခဲ့ရခြင်း၊ CORE Banking လုပ်ငန်းများ ဆောင်ရွက်ရန်အတွက် အသုံး စရိတ်များ သုံးစွဲရခြင်းတို့ကြောင့် အမြတ်ဝေစုကို ကျပ် ၃ ဒသမ ၁၂ ဘီလီယံသာ ခွဲဝေပေးနိုင်ခဲ့ပါကြောင်း။
ထို့ပြင်listed Company ဖြစ်လာချိန်မှစ၍ အစု အပေါ် အမြတ်ဝေစုခွဲဝေမှုကို ရှယ်ယာနည်းသူက ပိုယူ၍ မရတော့ဘဲ တစ်ပြေးညီခွဲဝေပေးရမည်ဖြစ်သည့်အတွက် ယခုနှစ်အတွင်း အစုများအပေါ် အညီအမျှ ၆ ရာခိုင်နှုန်း ခွဲဝေပေးရန် ဘဏ်၏နှစ်ပတ်လည် အထွေထွေအစည်း အဝေးမှ အတည်ပြုဆုံးဖြတ်ခဲ့သည့်အတွက် မြန်မာ နိုင်ငံသားများပိုင်ဘဏ်တွင် ထားရှိသည့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ အစုရှယ်ယာများ အပေါ် အမြတ်ခွဲဝေရငွေများ ကျဆင်းခဲ့ခြင်း ဖြစ်ပါ ကြောင်း ရှင်းလင်းပြောကြားသည်။
၂ဝ၁၇-၂ဝ၁၈ ဘဏ္ဍာနှစ် ပြည်ထောင်စု နောက်ထပ် ဘဏ္ဍာငွေ ခွဲဝေသုံးစွဲရေးဥပဒေကြမ်းနှင့်စပ်လျဉ်း၍ ပူးပေါင်းကော်မတီများ၏ သုံးသပ်ချက်အစီရင်ခံစာပါ မူနှင့် အခြေခံသဘောတရားများနှင့် လွှတ်တော် ကိုယ်စားလှယ်များ၏ မူနှင့် အခြေခံသဘောဆွေးနွေးခြင်း များအပေါ် စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချို၊ ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေး၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဦးလှကျော်၊ ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယဝန်ကြီး ဦးကျော်မျိုး၊ ပညာရေးဝန်ကြီးဌာန ဒုတိယ ဝန်ကြီး ဦးဝင်းမော်ထွန်းနှင့် ဆောက်လုပ်ရေးဝန်ကြီးဌာန ဒုတိယဝန်ကြီး ဦးကျော်လင်းတို့က ပြန်လည်ရှင်းလင်း ဖြေကြားခဲ့ကြသည်။
သတင်းစဉ်
