အစိုးရ၊ လွှတ်တော်၊ တပ်မတော်အစုအဖွဲ့၏ နိုင်ငံရေး ဆွေးနွေးမှုဆိုင်ရာမူဘောင် ပြန်လည်သုံးသပ်ခြင်းဆိုင်ရာ အလုပ်ရုံဆွေးနွေးပွဲကို ယနေ့နံနက် ၉ နာရီတွင် နေပြည် တော်ရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေး ဗဟိုဌာန၌ ကျင်းပသည်။
အလုပ်ရုံဆွေးနွေးပွဲတွင် ဖက်ဒရယ်စနစ်ဆိုင်ရာ နိုင်ငံတကာကျွမ်းကျင်ပညာရှင် ပါမောက္ခ မစ္စခရစ်စတီးနား က ၎င်းပါဝင်ခဲ့သည့် နိုင်ငံရေးဆွေးနွေးမှုဆိုင်ရာ အတွေ့ အကြုံများကို ရှင်းလင်းပြောကြားရာ တက်ရောက်လာကြ သူများက သိရှိလိုသည်များကို မေးမြန်းဆွေးနွေးကြသည်။
အလုပ်ရုံဆွေးနွေးပွဲနှင့်ပတ်သက်၍ ပေါင်မြို့နယ် ပြည်သူ့လွှတ်တော်ကိုယ်စားလှယ် ဒေါ်မိကွန်ချမ်းက ''ငြိမ်းချမ်းရေးနဲ့ပတ်သက်ပြီး တောင်အာဖရိကနိုင်ငံ၊ ယီမင်နိုင်ငံနဲ့ ကင်ညာနိုင်ငံတို့ရဲ့အတွေ့အကြုံတွေကို နိုင်ငံ ခြားသားပညာရှင်က လာပြီးဆွေးနွေးတဲ့သဘော ဖြစ်ပါ တယ်။ ဒါကြောင့် နိုင်ငံတကာရဲ့ ငြိမ်းချမ်းရေးဆွေးနွေးမှု လုပ်ငန်းစဉ်တွေကို ဘယ်လို ဆောင်ရွက်ခဲ့တယ်၊ ကျွန်မတို့ နိုင်ငံအတွက် ဘယ်လိုအကျိုးကျေးဇူးတွေ ရနိုင်မလဲဆိုတဲ့ အချက်တွေကို အပြန်အလှန်ဆွေးနွေးဖြစ်ပါတယ်။
''ကျွန်မတို့က အစိုးရအဖွဲ့အစည်းဖြစ်တဲ့အတွက် လုပ်ငန်းကော်မတီမှာ ပြန်ပြီးဆွေးနွေးတဲ့အခါ အဖွဲ့ရဲ့ သဘောထားတွေ၊ အားနည်းချက်တွေနဲ့ တစ်ဖွဲ့ချင်းစီရဲ့ လိုအပ်ချက်တွေက ဘာတွေရှိသလဲ၊ လိုအပ်ချက်တွေကို ပြန်ဖြည့်ပေးလိုက်မယ်ဆိုရင် လုပ်ငန်းစဉ်က ပိုပြီးမြန်ဆန် လာမယ်။ ဒါကို အထောက်အကူပြုဖို့အတွက် ပြန်လည် ဆန်းစစ်တဲ့သဘောပါ။ တိုင်းရင်းသားတွေများတဲ့အတွက် ဖက်ဒရယ်က အခြားဖက်ဒရယ်တွေနဲ့ တူချင်မှတူနိုင်မယ်။ အဲဒီအပေါ်မှာ ဖက်ဒရယ်ကို ကိုယ်တိုင်ညှိနှိုင်းမှရမယ်၊ သူတို့ ဖက်ဒရယ်က ဘယ်လိုဖြေရှင်းလဲ၊ ဘယ်လ်ိုလမ်း ကြောင်းပေါ်သွားသလဲ၊ ဆုံးဖြတ်ရမှာတော့ ကိုယ်တိုင် ဆုံးဖြတ်ချက်ချရမှာမို့ ဆုံးဖြတ်ချက်ချတဲ့ ပုံစံတူနိုင်သော် လည်း လုပ်ပုံလုပ်နည်းတွေက မတူနိုင်ပါဘူး''ဟု ၎င်း၏ အမြင်ကို ပြောကြားသည်။
ထို့ပြင် စီမံကိန်းနှင့်ဘဏ္ဍာရေးဝန်ကြီးဌာနမှ ညွှန်ကြားရေးမှူးချုပ် ဦးအောင်နိုင်ဦးက ''တောင်အာဖရိက၊ ကင်ညာနဲ့ ယီမင်နိုင်ငံတွေမှာ လုပ်ခဲ့တဲ့ ငြိမ်းချမ်းရေး ဆွေးနွေးပွဲလုပ်ငန်းစဉ်တွေနဲ့ပတ်သက်ပြီး သူတို့ရဲ့အားသာ ချက်၊ အားနည်းချက်တွေ၊ သူတို့အောင်မြင်တဲ့အချက်၊ မအောင်မြင်တဲ့အချက်တွေကို သင်ခန်းစာယူနိုင်အောင် အဓိက ဆွေးနွေးတာဖြစ်ပါတယ်။
''လက်ရှိအနေအထားအရ သူတို့ရဲ့အတွေ့အကြုံနဲ့ နှိုင်းယှဉ်ပြီး ကျွန်တော်တို့ ဘာလုပ်သင့်တယ်ဆိုတဲ့ အကြံ ပြုချက်တွေ တောင်းတဲ့သဘောဖြစ်ပါတယ်။ ကျွန်တော်တို့ မသိသေးတဲ့ ကိစ္စရပ်လေးတွေ သိရှိရပါတယ်။ ကျွန်တော်တို့ နိုင်ငံရဲ့အခြေအနေက သူများနိုင်ငံနဲ့ မတူပါဘူး။ မြန်မာ နိုင်ငံမှာ ဆွေးနွေးမှုတွေ တကယ်လုပ်တဲ့အခါ ပကတိ အခြေအနေကို ထင်ဟပ်တဲ့ လက်ရှိလုပ်နေတဲ့လုပ်ငန်းစဉ် က ဆီလျော်တယ်ဆိုတာကို သူက သုံးသပ်သွားတာရှိပါ တယ်။ နိုင်ငံရေးဆွေးနွေးမှုဆိုင်ရာမူဘောင်ကို ပြန်သုံးသပ် တဲ့အခါ အတိုင်းအတာတစ်ခုအနေနဲ့ အထောက်အကူ ပြုမယ်လို့ ထင်ပါတယ်''ဟု ပြောကြားသည်။
မွန်းလွဲပိုင်းတွင် နိုင်ငံရေးဆွေးနွေးမှုဆိုင်ရာ မူဘောင် ပြန်လည်သုံးသပ်ခြင်းဆိုင်ရာ စားပွဲဝိုင်းဆွေးနွေးပွဲကို ဆက်လက်ကျင်းပသည်။
ဆွေးနွေးပွဲတွင် နိုင်ငံရေးဆွေးနွေးမှုဆိုင်ရာ မူဘောင် ၏ ဖွဲ့စည်းမှုပုံသဏ္ဌာန်နှင့် ဖွဲ့စည်းတည်ဆောက်ပုံ၊ အခြေခံယူဆချက်များအပေါ် ဆွေးနွေးခြင်းနှင့် အမျိုးသား အဆင့် နိုင်ငံရေးဆွေးနွေးပွဲဆိုင်ရာများ စသည်တို့ကို ပြန်လည်သုံးသပ်ဆွေးနွေးကြသည်။
စားပွဲဝိုင်းဆွေးနွေးပွဲနှင့်ပတ်သက်၍ အစိုးရအစု အဖွဲ့မှ ပါဝင်သင့်ပါဝင်ထိုက်သူ ဦးဇော်ဝင်းက ''နိုင်ငံရေး ဆွေးနွေးမှုဆိုင်ရာ မူဘောင်နဲ့ပတ်သက်လို့ Centralization နဲ့Decentralization ပုံစံနှစ်ခုထဲက ရွေးချယ် စဉ်းစား သင့်ပါတယ်။ ဘယ်ပုံစံနဲ့လုပ်လုပ် ပြည်သူလူထုက လက်ခံ နိုင်တဲ့အနေအထားဖြစ်အောင် ကြိုးစားတာ အကောင်း ဆုံးဖြစ်ပါတယ်။ အစုအဖွဲ့တွေနဲ့ တိုင်းရင်းသားတွေ တင်ပြ လာတဲ့ အချက်အလက်တွေအပေါ်မှာ ဘုံသဘောတူညီတဲ့ ဆုံးဖြတ်ချက်တွေ ရရှိဖို့အတွက် ဆွေးနွေးရမယ့် ခေါင်းစဉ် တွေ၊ တိုင်းရင်းသားတွေရဲ့ လိုလားချက်တွေအပေါ်မှာ ဦးစားပေးပြီး သတ်မှတ်ဖို့လိုပါတယ်''ဟု ပြောကြားသည်။
ယနေ့ကျင်းပသည့် ဆွေးနွေးပွဲများသို့ ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ(UPDJC) အတွင်း ရေးမှူးအဖွဲ့ အဖွဲ့ဝင်များ၊ ပူးတွဲကော်မတီဝင်များနှင့် အစိုးရ၊ လွှတ်တော်၊ တပ်မတော်အစုအဖွဲ့တို့မှ လုပ်ငန်း ကော်မတီဝင်များ တက်ရောက်ကြသည်။
အစိုးရ၊ လွှတ်တော်၊ တပ်မတော်အစုအဖွဲ့၏ နိုင်ငံ ရေးဆွေးနွေးမှုဆိုင်ရာမူဘောင် ပြန်လည်သုံးသပ်ခြင်း ဆိုင်ရာ စားပွဲဝိုင်းဆွေးနွေးပွဲကို သြဂုတ် ၃၁ ရက်တွင် ဆက်လက်ကျင်းပသွားမည်ဖြစ်ကြောင်း သိရသည်။
သတင်း-ဇော်ဇင်
ဓာတ်ပုံ-အေးသန်း
ဓာတ်ပုံ-အေးသန်း
No comments:
Post a Comment