တောင်သူလယ်သမားနေ့ ဂုဏ်ပြုလမ်းလျှောက်မှုနှင့်အတူ တောင်သူလယ်သမားများ၏ ပီတိစကားသံများ

မတ်လ ၂ ရက်နေ့တွင် ကျရောက်သည့် တောင်သူလယ်သမားနေ့ကို ဂုဏ်ပြုသောအားဖြင့် တောင်သူလယ်သမားများနှင့် အလုပ်သမားများ လေးထောင်ခန့်သည် ယနေ့နံနက်ပိုင်းက အခမ်းအနားကျင်းပမည့် လှိုင်သာယာမြို့နယ် စက်မှုဇုန်(၂) ဘောလုံးကွင်းသို့ လမ်းလျှောက်ချီတက်ခဲ့ကြသည်။

နံနက် ၇ နာရီခန့်မှ စတင်ကာ လှိုင်သာယာမြို့နယ် နဝဒေးကားမှတ်တိုင်အနီး ၌ နယ်မြေဒေသအသီးသီးမှ တောင်သူလယ်သမားများနှင့် အလုပ်သမားများ စတင်စုဝေးရောက်ရှိခဲ့ကြပြီး နံနက် ၈ နာရီတွင် တောင်သူလယ်သမားနေ့ အခမ်းအနားကျင်းပမည့် နေရာသို့ ကြွေးကြော်သံများဖြင့် လမ်းလျှောက်ချီတက် ခဲ့ကြခြင်းဖြစ်သည်။

ထို့နောက် တောင်သူလယ်သမားနေ့ အထိမ်းအမှတ် အခမ်းအနားကို ကျင်းပရာတွင် ဖျော်ဖြေရေးအစီအစဉ်များအပြင် လယ်ယာသုံးစက်ကိရိယာများ နှင့် အထောက်အကူပြုပစ္စည်း၊ စိုက်ပျိုးရေးသုံး ရွက်ဖြန်းဆေး၊ ဓာတ်မြေသြဇာ၊ ပိုးသတ်ဆေး၊ မျိုးစေ့ပြခန်း စသည့် စိုက်ပျိုးရေးဆိုင်ရာ နည်းပညာပြခန်းများ နှင့် ဒေသထွက်ကုန်များရောင်းချသည့် ဆိုင်ခန်းများကို ခင်းကျင်းပြသ၊ ရောင်းချ လျက်ရှိရာ တက်ရောက်လာကြသည့် တောင်သူလယ်သမားများက စိတ်ဝင်တစားဖြင့် ကြည့်ရှုလေ့လာ အားပေးကြသည်။

အဆိုပါ အခမ်းအနားကို မြန်မာနိုင်ငံလုံးဆိုင်ရာ အလုပ်သမားသမဂ္ဂများ အဖွဲ့ချုပ် (CTUM)၏ ကဏ္ဍအလိုက် အဖွဲ့ချုပ်တစ်ခုဖြစ်သော မြန်မာနိုင်ငံ တောင်သူလယ်သမားနှင့် စိုက်ပျိုးရေးအလုပ်သမားသမဂ္ဂများအဖွဲ့ချုပ် (AFFM) တို့က(ပထမဆုံးအကြိမ်အဖြစ်) ဦးဆောင်ကျင်းပခြင်းဖြစ်ရာ သက်ဆိုင်ရာ တာဝန်ရှိသူများနှင့်အတူ နယ်မြေဒေသအသီးသီးမှ တက်ရောက်လာကြသည့် တောင်သူလယ်သမားများ၏ အမြင်များကို ကောက်နုတ်ဖော်ပြပေးလိုက်ပါသည်။

တောင်သူ ဆလိုင်းကာလက်(တောင်တွင်းကြီးမြို့နယ် သဲဖြူကျေးရွာ)

တောင်သူလယ်သမားနေ့ဆိုတော့ တောင်သူနဲ့ဆိုင်တဲ့ အသိအမြင်တွေ ရအောင်လာခဲ့တာပါ။

ဒီရောက်လာတော့ လယ်ယာစိုက်ပျိုးရေးနဲ့ပတ်သက်တဲ့ ဗဟုသုတတွေ အများကြီးရပါတယ်။ ကျွန်တော်တို့တောင်သူတွေအတွက် အားရစရာပါပဲ။ တောင်သူတွေရဲ့အားနည်းချက်တွေကို ဒီပွဲကနေ ရခဲ့တဲ့စိုက်ပျိုးမှု နည်းပညာ တွေကို အသုံးချပြီး အားသာချက်အဖြစ် ပြောင်းလဲသွားနိုင်လိမ့်မယ်လို့ မြင်ပါ တယ်။ လာမယ့်ရှေ့ရေးအတွက် အားတက်စရာပါပဲ။

တောင်သူ ဦးလှဝင်း (သထုံမြို့နယ် ကျပန်းကျေးရွာ)

ဒီလို အထိမ်းအမှတ်ပွဲတွေ အများကြီးလုပ်သင့်ပါတယ်။ ကျွန်တော်တို့ နိုင်ငံဟာ စိုက်ပျိုးရေးကို အခြေခံတဲ့ နိုင်ငံဖြစ်တဲ့အတွက် ဒီလိုပွဲတွေ အများ ကြီးလိုအပ်ပါတယ်။ ဒီပွဲကနေ စိုက်ပျိုးရေးနဲ့ပတ်သက်တဲ့ အသိပညာတွေ အများ ကြီးရပါတယ်။ တောင်သူလယ်သမားတွေရဲ့အသံ၊ ရင်တွင်းခံစားချက်တွေကို ဒီနေရာကနေ ဖော်ထုတ်ခွင့်ရသလို ခံစားရပါတယ်။ အခု ကျွန်တော်တို့ နိုင်ငံရဲ့ လယ်သမားထုအနေနဲ့ သွေးစည်းညီညွတ်မှုဟာ အားနည်းနေသေးတယ်လို့ မြင်ပါတယ်။ ဒီလိုပွဲတွေကို များများလုပ်ပေးခြင်းအားဖြင့် တောင်သူလယ်သမား တွေ သွေးစည်းညီညွတ်မှု ပိုမိုအားကောင်းလာပြီး စိုက်ပျိုးမှုစွမ်းအား တိုးတက် မြင့်မားလာမယ့်အပြင် နိုင်ငံတော်အတွက်လည်း ကောင်းမွန်တဲ့ အကျိုးကျေးဇူး တွေ ရရှိလာနိုင်မှာဖြစ်ပါတယ်။ လယ်ယာမြေကဏ္ဍလည်း ဒီထက်တိုးတက်ဖွံ့ဖြိုး လာမယ်လို့ ထင်ပါတယ်။

လယ်သမား ဦးဌေးလွင်
(လှည်းကူးမြို့နယ် ကလီထော်ကျေးရွာအုပ်စု နှုတ်ခမ်းမွှေးသိုက်ကျေးရွာ)

ဒီလိုပွဲတွေမကျင်းပတာ ကြာခဲ့ပါပြီ။ ကျွန်တော်တို့ တောင်သူလယ်သမား တွေရဲ့ကဏ္ဍ ဖွံ့ဖြိုးတိုးတက်ဖို့အတွက် လယ်သမားတွေရဲ့ အကျိုးစီးပွားကို ဘယ်လို ကာကွယ်စောင့်ရှောက်မလဲဆိုတဲ့အပေါ် အသိအမြင်တွေရရှိဖို့ အခုလို လာရောက်ခဲ့ခြင်းပဲဖြစ်ပါတယ်။ AFFMအနေနဲ့ လယ်ယာမြေဥပဒေနဲ့ ပတ်သက်ပြီး ပြင်ဆင်ရေးလုပ်နေတယ်။ စိုက်ပျိုးရေးနည်းပညာတွေကို ဖွံ့ဖြိုး တိုးတက်အောင်လုပ်နေတယ်။ ဒါတွေကို တောင်သူလယ်သမားတွေအနေနဲ့ ကျယ်ကျယ်ပြန့်ပြန့် သိရအောင်လာခဲ့တာပါ။ ဒီကိုရောက်တဲ့အခါမှာ ပြခန်းတွေ ကြည့်ရတယ်။ အဲဒီကနေ အသိပညာတွေ အများကြီးရပါတယ်။ ရရှိတဲ့ အသိ ပညာတွေကို လက်တွေ့လုပ်ဆောင်တဲ့နေရာမှာ အသုံးချတတ်ရင် အများကြီး အကျိုးရှိမှာဖြစ်ပါတယ်။ တိုင်းပြည်ရဲ့ လယ်ယာကဏ္ဍ ဖွံ့ဖြိုးတိုးတက်မှုအတွက် အများကြီး အထောက်အကူပြုပါတယ်။ နိုင်ငံအတွက်လည်း အကျိုးရှိမှာဖြစ်ပါ တယ်။ နိုင်ငံတော်အစိုးရ လုပ်နေတဲ့ စီမံကိန်းတွေမှာလည်း တောင်သူလယ်သမား သမဂ္ဂတွေအနေနဲ့ ပါဝင်ဆောင်ရွက်ခွင့် ရစေချင်ပါတယ်။

တောင်သူ ဒေါ်ခင်လေးဖြူ
(ရှမ်းပြည်တောင်ပိုင်း ရွာငန်မြို့နယ် သိမ်ကုန်းကျေးရွာအုပ်စု)

ဒီလိုပွဲတွေ လုပ်ခြင်းအားဖြင့် တောင်သူလယ်သမားတွေရဲ့ စိတ်ဓာတ်ကို မြှင့်တင်ပေးလိုက်သလိုပါပဲ။ အနယ်နယ် အရပ်ရပ်က တောင်သူလယ်သမား တွေကို တစုတဝေးတည်း တွေ့ရတဲ့အတွက် အချင်းချင်း စကားတွေပြောဖြစ် ကြတယ်။ စိုက်ပျိုးရေးနဲ့ပတ်သက်တဲ့ အသိပညာ၊ ဗဟုသုတတွေ အများကြီး ရခဲ့ပါတယ်။ ကိုယ်သိရှိခဲ့တာတွေကို ကိုယ့်ရဲ့ဘဝတူ တောင်သူလယ်သမားတွေ ထံ ပြန်လည်မျှဝေပေးသွားမှာဖြစ်ပါတယ်။ နောင်နှစ်တွေမှာ အခုလို ပွဲတွေ လုပ်ခဲ့ရင်လည်း ရှမ်းပြည်နယ်ကထွက်တဲ့ ဒေသထွက်သီးနှံတွေကို ပြပွဲလေးတွေ လုပ်ရင်း ရောင်းချသွားချင်ပါတယ်။

ဦးတာနော(ကရင်ပြည်နယ် ဘားအံမြို့နယ် မင်းဇီဂတ်တဲကျေးရွာ)

ကျွန်တော်တို့ တောင်သူလယ်သမားတွေရဲ့ ဘဝတိုးတက်ရေးအတွက် လာရောက်ခဲ့တာပါ။ လက်မှုလယ်ယာကနေ စက်မှုလယ်ယာခေတ်ကို အကောင်း ဆုံး ဆောင်ရွက်နိုင်အောင် တစ်ဆင့်ပြီးတစ်ဆင့် လုပ်သွားဖို့ အစီအစဉ်ရှိပါတယ်။ ကျွန်တော့ရဲ့ဦးတည်ချက်ကတော့ တောင်သူလယ်သမားဘဝတွေ တိုးတက်ဖို့ ပါပဲ။ အခု ဒီလိုပွဲတွေ ကျင်းပခြင်းအားဖြင့် တောင်သူလယ်သမားတွေ တစ်ဦးနဲ့ တစ်ဦး ပိုပြီး ပွင့်လင်းမြင်သာမှုရှိလာမယ်၊ စိုက်ပျိုးမှုနည်းစနစ်တွေနဲ့ ပတ်သက် ရင်လည်း ပိုမိုကောင်းမွန်တဲ့ နည်းပညာတွေ ရရှိလာမှာဖြစ်ပါတယ်။ တောင်သူ လယ်သမားတွေအနေနဲ့ စိုက်ပျိုးရေးနည်းပညာတွေ၊ စိုက်ပျိုးမှုနည်းစနစ်တွေကို ဒီထက်ပိုပြီး လေ့လာသင့်ပါတယ်။

ဦးသန်းဆွေ [မြန်မာနိုင်ငံတောင်သူလယ်သမားနှင့် စိုက်ပျိုးရေးအလုပ်သမား သမဂ္ဂများအဖွဲ့ချုပ် (AFFM) ဥက္ကဋ္ဌ]

ကျွန်တော်ကတော့ ဥပဒေသမားဆိုတော့ လယ်ယာမြေဥပဒေကို ကောင်းမွန်အောင် ကြိုးစားဆောင်ရွက်နေပါတယ်။ လယ်ယာမြေဥပဒေရဲ့ အားနည်းချက်တွေကို ပြည့်စုံကောင်းမွန်သွားအောင် လုပ်ဆောင်နေပါတယ်။ ဒီပွဲကို ကျင်းပရတာကတော့ အစိုးရနဲ့ လွှတ်တော်က လယ်သမားတွေရဲ့အခက် အခဲနဲ့ ပတ်သက်ပြီး မသိသေးတဲ့အချက်တွေကို သိသွားအောင်ဆိုတဲ့ ရည်ရွယ် ချက်နဲ့ လုပ်တာပါ။ ကျွန်တော်တို့နိုင်ငံမှာ လယ်ယာထုတ်ကုန် တိုးတက်လာပြီး ရေရှည်တည်တံ့ခိုင်မြဲတဲ့ လယ်ယာမြေဖွံ့ဖြိုးမှုဖြစ်ဖို့ အရေးကြီးပါတယ်။

တွေ့ဆုံမေးမြန်း-ဇော်ကြီး
ဓာတ်ပုံ-ဖေဇော်