ရန်ကုန် မတ် ၃၁
ရန်ကုန်မြို့ သင်္ဃန်းကျွန်းမြို့နယ်ရှိ ပြည်သူများအား မျက်စိ၊ သွားနှင့် ခံတွင်း၊ သားဖွားမီးယပ်၊ ကလေးငယ်များနှင့် အထွေထွေခွဲစိတ်ကုသမှုများကို ကျန်းမာရေးစောင့်ရှောက်မှုအဖြစ် အခမဲ့ဆေးကုသပေးခြင်းကို မတ် ၃ဝ ရက် နံနက်က သင်္ဃန်းကျွန်းမြို့နယ် အထွေထွေအုပ်ချုပ်ရေးမှူးရုံး အစည်းအဝေးခန်းမ၌ ပြုလုပ်သည်။
အမှတ်(၂) တပ်မတော်ဆေးရုံ (ခုတင်- ၅ဝဝ) ပြည်သူ့အကျိုးပြု နယ်လှည့်ဆေးကုသရေးအဖွဲ့မှ ဒုတိယ ဗိုလ်မှူးကြီးစိုးမြင့်သန်း ဦးဆောင်သည့် ဆေးဘက်ဆိုင်ရာပါရဂူများ၊ ဆေးမှူး (အရာရှိ) များပါဝင်သည့် ၂၆ ဦးပါ ဆေးကုသရေးအဖွဲ့မှ မြို့နယ်အတွင်း ရှိ ဝေဒနာရှင်များကို လာရောက်ကုသ ပေးခြင်းဖြစ်သည်။
ဆေးကုသရာတွင် မြို့နယ် ကြက်ခြေနီသူနာပြုတပ်ဖွဲ့၊ မိခင်နှင့် ကလေးစောင့်ရှောက်ရေးအသင်းဝင်များ၊ ရပ်ကွက်အုပ်ချုပ်ရေးမှူးများနှင့် လူမှုကူညီရေးအသင်း (သင်္ဃန်းကျွန်း) တို့က ပံ့ပိုးကူညီစောင့်ရှောက်ပေးကြသည်။
(အောင်သူရ)
No comments:
Post a Comment