ရန်ကုန် ဒီဇင်ဘာ ၂၉
ရန်ကုန်မြောက်ပိုင်းခရိုင် မီးသတ်ဦးစီးဌာနနှင့် ရွှေပြည်သာ မြို့နယ် သစ်အခြေခံစက်မှုဇုန်နယ်မြေ ဝါးတစ်ရာရှိ မြန်မာ့သစ် လုပ်ငန်း ပြည်တွင်းရောင်းဝယ်ရေးနှင့် သစ်စက်ဌာန အမှတ် (၉)သစ်စက်၏ မီးဘေးကာကွယ်ရေး အသိပညာပေးဟောပြော ခြင်းနှင့် လက်တွေ့ဇာတ်တိုက် လေ့ကျင့်သရုပ်ပြပွဲ အခမ်းအနားကို အမှတ်(၉) သစ်စက်ရှင်းလင်းဆောင်ခန်းမ၌ ဒီဇင်ဘာ ၂၉ ရက် နံနက် ၉ နာရီက ကျင်းပခဲ့သည်။
အဆိုပါ အခမ်းအနားတွင် အမှတ်(၉)သစ်စက် မန်နေဂျာ (စက်ရုံမှူး) ဦးတင်မောင်လွင်က အဖွင့်အမှာစကား ပြောကြားခဲ့ ပြီး မြောက်ပိုင်းခရိုင် မီးသတ်ဦးစီးမှူး ဦးကိုကိုကြီးက အသိ ပညာပေးဟောပြော၍ ရွှေပြည်သာမြို့နယ် မီးသတ်ဦးစီးမှူး ဦးအောင်သူထွန်းက လက်တွေ့သရုပ်ပြမီးငြှိမ်းသတ်ခြင်းကို အမှတ်(၉)သစ်စက်ရှိ အရာထမ်း/အမှုထမ်းများနှင့်အတူ ဆောင်ရွက်ခဲ့ကြောင်း သိရသည်။
(ဌေးကြိုင်)
No comments:
Post a Comment